الخطيئة

الجزء6

#الخطيئه
بقلم فردوس عبد اللطيف
الجزء. 6
بقيت زوجه بالاسم مع فاضل لكن حملت من اول ليله العرس وبدت بطني تكبر لكن فاضل لامهتم للطفل ولا مهتملي شكد اريد اتحمل ابقى ابجي وأخجل أطالب بحقي كزوجه مرات اسال نفسي اخاف بي عيب لكن الاحظ الكل تتمنى أرد السلام عليهه
طبعا الحياة بايران تختلف عن الى تعودنه عليه بالعراق المرأه هي المسيطره واختلاط النساء بالرجال موضوع جدا عادي احنا تعودنه من يجي ضيف لاخوي لازم ندخل بغرفنه وصوتنه ميطلع لكن الوضع هنا مختلف لازم نتكلم مع الضيف حتى لو كان صديق زوجي ونجلس بنفس الصاله
أصدقاء زوجي يزورونه بالبيت واحسهم كالذئاب تريد ان تنهش بالفريسة لكن اني تربيت على الحلال والحرام وما شفت احد من عائلتي امي خواتي تصرفو تصرف خاطئ
ابقى طول النهار وحدي انتظره لحد ما يجي من شغله وهو يجي مجرد يرتاح فقط لكن مايسالني شمحتاجه شتردين لامصرف عندي بطني كبرت لازم اشتري ملابس عريضه للحمل ما اعرف شوصفلكم ما يوفي الوضع الي اني بي
بعد مرور 6 أشهر على زواجي لو احسب المرات الي تقربلي بيهن يمكن 4 مرات بهالفتره اجتي اختي وزوجها زياره لايران  وزارتني اول ما شفتهه حظنتهه وبجيت على  حظي وهي استغربت من شافتني ضعفانه ومتغيرة بجت علي عبالهه من الغربه
كعدت احجيلهه وابجي  مااستوعبت اني بصراحه ماعندي خبره بموضوع الزواج والعلاقة الزوجيه حتى امي وابوي ملحكت اشوف معاملتهم لبعض بس كانت علاقه يسودهه الاحترام المتبادل 
اختي كالت انتبهي على ملابسه الداخليه اذا عنده وحده غيرج تبين  بقت يمي يوم واحد وراحت وأخذت روحي وياها بقيت أراقب ملابسه الداخليه ما عرفت شكو
اخر شي مليت كلت خلي أتجرأ واحجي وياه بلكي الكي الجواب الشافي
مروه.  لبست وكشخت وتعطرت وتقربتله.  حبيبي فاضل انت اشبيك ليش مبتعد عني ولا كأني زوجتك اني تعبت من حياتي وياك وجاي افكر ارجع لاهلي  حسيته خاف من هالحاله لان اكيد اهله ميقبلون على تصرفه
فاضل.  اني راح اكلج شي بس بشرط ما تحجين لأحد اي مخلوق وتصيرين وياي وتسمعين كلامي
مروه ميخالف ماعندي مانع بس غير معاملتك الي
فاضل.  اكولج مروه تعرفين صديقي صاحب
مروه اشبي
صاحب معجب بيج ويحبج ويريدج
مروه خليته يكمل كلامه.  زين شتريدني اسوي
فاضل.  اريدج تحجين وياه بالتلفون وتغازلي
مروه.  وانت تقبل
فاضل اي اقبل
بالليل جاب التلفون انطانيا فرحان آخذي تكلمي
طبعا اني بهالفتره كم شهر تعلمت اللغه الايرانيه لانهه سهله الذكي يتعلمهه بثلاثة أشهر اخذت التلفون الوو
صاحب.  الو اشلونج مروه
اني ساكته اباوع على فاضل فرحان وياشرلي يعني سولفي وياه جاملي
الو مروه ليش ماتجاوبين اني معجب بيج واحبج وأتمنى
تكونين الي
اني تخبلت هسه الرجال ما همني بكد ما زوجي اشوفه فرحان وعاجبته الوظعيه
بالليل تقربلي وتغيرت معاملته الي واني ما كنت اعرف مخلي التلفون مفتوح وصديقه يسمع  كل الى صار بينه ويوم الثاني صديقه كلمني وحجالي نفس الكلام الي كلته واني كنت بحاله استمتاع مع زوجي اني بصراحه تخبلت هذا ليش جاي يسوي هيج شنو قصده لهالدرجة ماعنده غيره علي
بقيت بحيره من وظعي شحجي شكول المن اشكي هو متسلط علي واخاف اعانده يبتعد عني ويعاملني مثل قبل
بعد ما كان يتصل بي صديقه يوميه ويتغزل بي عزمنه بيتهم
رحنا لبيتهم كانت أمه وابو بالبيت بس زوجته كانت عند اهلهه بعد ما رحبو بينا وتغدينا
اجبرني زوجي نروح مع صديقه لغرفة النوم مالته
افتهمت من تحركاتهم كانو متفقين يلزموني بالقوه واني كنت حامل 7 اشهر بجيت حاولت اطلع من الغرفه ماخلوني اثنينهم
واحد لزم الباب وزوجي لزمني ينزعني ملابسي لكن صديقه من شاف وظعي يبجي الصخر ...كنت ما اكدر اصرخ لايسمعون اهل الولد وأريد أقاوم رياجيل اثنين واني حامل بالسابع وغريبه ببلد غريب مع زوج شاذ
صاحب انقهر علي بعد ماكعدت بالأرض ولازمه بطني وكله كافي فاضل وخر ودفعه لكن فاضل مجلب بملابسي يريد ينزعني ملابسي عاد وخره بس فاضل بقى يتوسل بصاحب
وشفت العجب طلع زوجي (لوطي) ويمارس الرذيله مع اصدقاءه واذا يرفضون يكولهم اخليكم تتمتعون مع زوجتي مقابل تريحوني  حبايبي عذروني شرح الموقف صعب لكن هذه معاناة مروه من تزوجت فاضل  ومن هنا بدت معاناتهه اكبر لان قبل مكانت تعرف وكاعده في بيتهه ومستوره لكن الان كشفت سره وعرفت حقيقه زوجها وبالمقابل يريدهه تمتع اصدقاءه مقابل هو يستمتع ياله شخص لا يحتسب عالرجال ولكن صنف المستخنث بهيئة رجل والمسكينة مروه تورطت بالغربه مع هكذا رجل
صحيح حافظت على نفسي وقاومت لكن شكد اريد أقاوم
ولدت ابني سميته حسن تركني اهملني مصرف مينطيني حاول يحاربني بكل الطرق حبسني بالبيت اخذ جوازي  ومنعني اسافر يم اهلي والتلفون من اكلم اهلي لازم هو كاعد يمي حتى لا احجي
فد يوم سمعته يكلم احد اصدقاءه بالتلفون ويشرحله جسمي اشلون يسويله مغريات صدرهه كذا وطولهه كذا وبعض تفاصيل جسمي الداخليه يشرحهه اله حتى يغري ويطمعه بي مقابل هو يستمتع
كرهته إجت براسي مئه فكره وفكره لكن هذا ابني المسكين شنو ذنبه منو اله
للحكايه بقيه.  بقلم فردوس عبد اللطيف. F
ترقبو الجزء القادم مروه راح تصمد امام زوجهه وأصدقاءه ام تظطر للانحراف مع زوجها تابعوني