الخطيئة

الجزء 4

#الخطيئة
بقلمي فردوس عبد اللطيف
الجزء. 4
ابو حسن .....صعدت السيارات الي تروح لمحافظتي واني كلي شوق وحنين بس كنت اباوع عالعراق من طلعت منه كان اجمل بلد شنو الي تغير حتى من رحت لإيران كانت  اقل مستوى من العراق لكن من خلصت الحرب سنه 88 عمرو بنو صلحو وكل سنه تتطور اكثر صحيح بلد مغلق على نفسه لكن إعمار وبناء وخدمات ليش العراق رجع للخلف وصارت ايران اجمل من العراق يمكن الحروب الي خاضها أبناء البلد اكيد شكد اخذت شباب ويتمت اطفال ...هسه اني وين جاي افكر وراح أوصل لبيتنه وشكولهم ... حايعرفوني يمكن أطفالي ميعرفون
وصلت لمنطقتنه متغيرة كثير مبنيه بيوت كثيره والأراضي الزراعية  صايره بيوت   وين بيتي.    ....الله بعده نفس شكله
بدت رجلي تخدر اريد أوصل وادك الباب  اويلي كل جسمي يرجف شكولهم ....كلبي يدق دقات سريعه.
رنيت الجرس مارن يمكن عاطل دكيت الباب  وايدي ترجف اريد اخترق الباب واختصر كل الكلام واحضنهم كلهم
منووووووو
هذا صوت بنيه جبيره ياترى منو من بناتي
اني. 
اي منو انت
افتحي الباب خطار
ما افتح الباب اخوي موهنا
ليش حسن وينه
انت تعرفه ومنو انت وشتريد
اني خطار من ايران
يمه يمه يمه لحكي هذا واحد يكول خطار من ايران
لج بابا فتحي الباب مو انكطع نفسي راح اوكع
ام حسن فتحت الباب
ابوحسن باوع الله شكد اخذت منج السنين وين شبابج وين جمالج 19 سنه ليش هيج صار بينه
ام حسن جمدت بمكانهه من اثر الصدمه ماتكلمت بس دموع تصب تباوع هذا ابو حسن زوجي حبيبي صاير شايب اسنانه مكسره شعره ابيض
تحاضنو صارت بواجي والكل تبجي بقى حاضنه حضنه فراك محبين بعد 19سنه  الموقف كان صعب وصدمه كبيره
التفت عالبنات ماعرفهن وباوع على مروه عرفهه لانهه الصغيره انت مروه تعالي بابا
مروه اول مره اشوف رجال غريب ويحضن امي ويكولي تعالي بابا ركضت للزويه مكاني المفضل شنو احضنك من فتحت عيني عالدنيا ماشايفتك هسه بشبابي تريدني احضنك
ابوحسن باوع على بناته الباقيات الكبيره مريم متزوجه بس انوار وأزهار حضنو وبقو يبجون
حسن بالشغل سمع من الجيران ركض جاب موسيقى واجه يركض ومن راس الشارع صاح وينك بوي وين غبت هالسنين وين عفتنه بضيمنه عبالنه متت وينك بوي
تلكى وتحاظنو والموسيقى بالباب والجوارين التمو الكل سمع
اهل ابو حسن اخوته وخواته الكل اجوي وصارت فرحه كبيره بالعائلة رجعه ابو حسن سالم لبيته بعد ما فقدو الأمل برجعته
ذبحو الذبائح والكل يهنئ ابوحسن برجعته
مروه بالبدايه مامتقبله ابوهه تعتبره شخص غريب اخترق حياتهم واخذ امهه منهم
ام حسن تغيرت رتبت نفسهه بعد ما اهملتهه طول هالسنين
مع الفرح بدو يسولفون لابوهم اشلون عاشو هالسنين
بس ابو حسن مكدر ينطق ويكول تزوجت سميه وتوفت يخاف على مشاعر زوجته وبناته
ابو حسن يريد يرتب سياسه البيت ونظام حياتهم لكن أنصدم ان حسن هو ابو البيت هو كلامه ماشي لان هو الي يصرف عالبيت وسيطر على الكل بعد ماكان يشتغل عماله صار خلفه بناء ويكسب رزقه ويصرف عليهم لذلك هو المسيطر
بدت مشاحنات مابين الاب وابنه
الاب أنصدم بعد ماكان ينتظر هذه اللحظه وهي رجعته لبيته واطفاله لكن الأمور متغيره الأطفال كبرو والمسيطر والامر الناهي هو حسن
زكي.   بدء ينصدم من الي جاي يصير لكن ميكدر يتكلم مايريد يختلف مع ابنه وبدا يشعر نفسه غريب بينهم بس زوجته وحبيبه عمره كانت متفهمه وضعه صحيح هو تغير بعض الشئ بعض تصرفاته كلامه الأشياء الي كان يحبهه كلشي متغير بي
ام حسن.   ابو حسن السنين هوايه غيرتك ماكنت هيج
ابو حسن.  الي شفته مو قليل عشت 19 سنه بمجتمع مختلف لازم انخرط معاهم وأصير مثلهم بس حبي الكم نفسه ماتغير انتو الي جاي تحسسوني اني غريب عنكم بعد ماكنت احسب الايام لرجعتي تدرين هسه اتمنى لو ميت هناك بالأسر ولا اجي والكي مشاعركم بارده اتجاهي
ام حسن لا دكول هيج انت  شمعه البيت بس يحتاجون وقت حتى يتعودون عليك
هم وقت موعمري ضاع وشبقالي كم سنه اعيش كنت اتمنى اجي اشوف ابني متخرج من كليه بناتي وحده معلمه الثانيه مدرسه اجيت لكيت أسره محطمه مينفع ترميمهه فات الاوان
ياريتني مارجعت ياريتني باقي هناك ولا اشوف الى شفته
بقى ابو حسن يبحث عن عمل لكن ماحصل لان عمره كبير وشيشتغل صحته ماتساعد.
لايكدر يرجع لإيران ويترك عائلته ولا يكدر يبقى متفرج وابنه يصرف عليه
بعد فتره حصل شغله كمترجم لحملات الزوار الائرانيين
بدا يخرج من الكابه الي عاشهه بفتره بقاءه ينتظر عمل
بناته انوار تزوجت بالشطره اخذت ابن عمهه وأزهار هم تزوجت قريب يم بيت اهلهه بقت عنده مروه وهو حاجزهه لابن صديقه كان ينتظر زيارتهم بفارغ الصبر
وفعلا بعد كم شهر من جيه ابو حسن اجوي ابو فاضل وفاضل وأم فاضل
استضافهم ابو حسن في بيته من شافو مروه تتعجبوا بيهه
وخطبوهه
ابو حسن.  بنتي مروه هذا فاضل شوفي كعدي وياه جاي حتى يشوفج اني من كنت هناك كتلهم بنتي اذا رجعت للعراق انطيكم بنتي مروه لفاضل واليوم تحققت كلمتي واجوي اهله وشافوج وهو شافج وخطبوج انت فكري وانطيني رايج
هما رايحين للزياره ومن يكملون يرجعون علينه ينتظرون جوابج
مروه.  خليني افكر بابا
ام حسن اخذت مروه بالغرفه ها بنتي مروه انت بكيفج احنا مانجبرج شفتي الولد
مروه اي ماما شفته الولد شكله حلو بعد ما اعرف شكول غير ابوي يعرفه
ام حسن والله بنتي ابوج يكول ابو رجال خير وواكفله بامور كثيره هناك
مروه زين ماما خلي افكر وباجر اكولج
مروه اتصلت على مهيمن ولو هو أبد ما متصل بي بس كلت خلي اشوفه شيكول
هلو مهيمن
هلو مروه اشلونج
الحمد لله زينه
مروه.   اكولك مهيمن اني جاييني خطابه بايران وأهلي موافقين انت شنو موقفك
مهيمن والله يامروه اني بعدني دراسه ومستقبل واذا الولد زين الف مبروك واتمنالج الخير من كل قلبي
مروه اشكرك مهيمن واني هم اتمنالك السعاده مع الانسانه الي تسعدك واني مو غشيمه افتهمت من تصرفاتك واصلا ما ميته عليك
سديت التلفون وتندمت على كل لحظه طيش فكرت بيهه بإنسان اناني  بس شغلني عن دراستي وخلاني ارسب
بقيت ذيج الليله افكر مااريد استعجل وبعدين اتندم
للحكايه بقيه. بقلم فردوس عبد اللطيف.  F