الخطيئة

الجزء 7 والاخير

#الخطيئه
بقلم فردوس عبد اللطيف
الجزء 7 والاخير
مروه.   بقيت سنتين واني مقاومه ضغط فاضل آذاني حرمني من كولشي لا اطلع فلوس ماكو مصرف ماكو حتى المسجون هم اله حق اهله يزورو عنده أمل يطلع لكن اني شكد ابقى على هالوضع بعد السنتين تعبت كلت خلي احجي لاهله هو بس يأخذني يم اهله من يشتاقون لابني من وداني لزمت أمه وحجيتلهه ماصدكتني واتهمتني اني اتبلى على ابنهه وصيحت علي وكالت اذا سمعتج مره ثانيه تحجيهه ترى نقتلج وندفنج هنا ونكول لاهلج تمرضتي ومتي
طبعا ماتصدكني هذا ابنهه هو من سمع رجعني للبيت ضَل يضربني كتله موتني ياريت اموت واخلص منك ومن عارك
بعد طاقه تحمل مابقت عندي فد يوم اخذني كال معزومين
رحت وياه اخذني بمزرعه بيهه اصدقاءه وكان صاحب من ظمنهم وبنات جايبين دخلت كاعدين مجموعه بنات وولد ويشربون ناركيله.  كعد يمي صاحب لان زوجي بعيد عني
ضَل يتغزل بي وانتي ليش مقهوره آخذي نفس ناركيله حاترتاحين وتنسين كل همومج. ....كلت خلي اجرب اخذ نفس ورآه الثاني فقدت السيطره على نفسي ماحسيت الا واني بالسرير ويمي صاحب من فتحت عيوني وشفت نفسي مجرده من ملابسي  افتهمت كانو مخلين ترياق بالنركيله لفيت نفسي بالشرشف دكيت لطمت بقيت اصرخ
كعدو كولهم كانو نايمين ركضت عالمطبخ اخذت السجين وكصيت الوريد من غير شعور فقدت السيطره على نفسي ركضو ودوني للمشفى عالجوني عالسريع وخيطو ايدي ورجعوني لبيتي وهو كان باقي بالبيت يم ابني وعايف صاحب يمي بالمشفى
صار صاحب هو صديقي المفضل يهتم بي وبمشاعري وينطيني فلوس وزوجي متونس وعاجبه الوظع بديت احب صاحب.  لان كنت ابحث عن رجل حقيقي يحميني شفت صاحب امامي وفاضل موافق ليش اعترض صرت سلعه رخيصه لصاحب ولكل شخص زوجي يريد يريحه يقدمني هديه اله بالمقابل من سمعت الكلام صار يدلني ويطلعني وينطيني فلوس وميضربني بس اني مشاعري وكلبي صار مع صاحب اعتبرته حبيب عشيق استمر الحال 3 سنوات اني بداخلي رافضه الي جاي يصير بس ما بيدي شي ومحد يصدكني بهالفتره صار عندي تلفون كدرت اتصل بأحد شيوخ الدين بالعراق وسألته على حكم الشرع بوضع زوجي
كال بنتي زوجج عقوبته القتل بهذا وظعه
اني صارت براسي فكره اقتله واهرب لاهلي ارجع للعراق
ردت صاحب يساعدني رفض طلع حقير مثله وجبان واكتشفت انه كان هدفه من علاقتنا بس ممارسه الرذيله باسم الحب عرفت كان يضحك علي تعاركت وياه وقطعت علاقتي بي .....بس هو حذّر فاضل مني وكله ناويه تقتلك
بهالفتره اني كنت أخطط لقتل فاضل طلعت حامل بس كلت حتى لو ميهم أيتام ولا عار صار مياكل بالبيت ولا حتى يشرب الماي الا بطل مغلق يعني ما اكدر اخليله سم بالأكل
ماكو غير أهجم عليه بالسكين وهو نايم
ليله الخميس عالجمعه كان نايم رحت اخذت السكين وكعدت على صدره وبالسكين ظربته بكتفه فز ودفعني وجر السكين وظل يصرخ ليش ولج اخذ السكين ويريد يضربني وكال هسه اقتلج بيهه وابتلي بس لا وظل يبجي
كتله اني سالت كالو وظعك عقوبته القتل
ظل يبجي كال اني من كنت صغير اعتدو علي شباب بالمنطقه وخفت احجي وتعودت والي يتعود على هذا المرض ميكدر يعوفه شنو ذنبي
كتله لازم تبطل اوعدني تبطل ترى اني محظره جوازي وجواز ابني وشنطه ملابسنه ونريد نروح للعراق
ظل يتوسل ووعدني يبطل
اتصلت بي اختي وكالت ابوي مريض ويريد يشوفني
بقيت اتوسل بفاضل بعد ما وعدته ما احجي لاهلي بس ابني بقى يم اهله حتى لا ابقى يم اهلي ورحت شفت ابوي سوده علي من شافني ظل يبجي وكال مروه اني راح اموت وما شبعت منج لا من كنتي صغيره ولا من زوجتج بايران حبيبتي ابريلي الذمه ...بقيت ابجي عليه كظه حياته قهر وبالليل توفى همزين رحت شفته كان بقيت طول عمري بحسرة شوفته كملنه الفاتحه طبعا اخوي متزوج ووظعه المادي ظعيف وزوجته متتقبل احد امي امرأة كبيره وصحتهه تعبانه بس الحمد لله راح تمشي معامله تقاعد من راتب ابوي بس اني مراح اكدربعد حتى افكر اهرب من فاضل واجي يم اهلي كملنه الفاتحه ورجعت ويه فاضل لأصفهان بقى كم يوم مقاوم غريزته لكن بعد فتره اكتشفت رجع لنفس الوظع ولدت بنت وراها هم جابلي كم شخص وبهالحاله صرت عاهره بالاكراه وخطيئتي وذنبي بركبه زوجي
تعرفت على شخص وحبيته وردته يكون عون الي بهالدنيا بقيت معاه 4 سنوات لكن نفس الحال طلع انسان يريد جسد باسم الحب والمشاعر الزائفه تركته
بقيت تقريبا 15 سنه واني بهالوضع حسيت اني تعودت
لكن رافضه فاضل والحياة معاه اجتي امي وجابت حصتهه وحصتي بيت ابوي اشترينه بيت صغير وعايشه الان مع امي
وفاضل تركته وسكنت مع الوالده وأطفالي
اجاني فاضل كال شتريدين كتله نطلق اريد اعيش حياة نظيفه
انت استغليت وظعي وجريتني للخطيئة معاك انت تتحمل الاثم اني كنت ظعيفه وما بيدي شي لكن الان امي معاي وعدهه راتب تقاعد واني احف للنسوان بالبيت وما محتاجتك ذليتني عاللكمه والهدمه وساومتني على شرفي. 
اخذ أوراقنا وجناسينه اني والأطفال وعقد الزواج وراح للمحكمه قدم على الطلاق
دز علي القاضي. حجيتله بعض الأمور ولكن بعضها احتفظت بيها لنفسي لان كدوله اسلاميه حايكون حكمهم القتل لزوجي ...اني الي يهمني اطلق منه وهو وين يروح خلي يروح والمعامله الان بالمحكمة تعرفون إجراءات الطلاق تطول
أشكركم وأشكر تفاعلكم مع قصتي وادعولي ابتدئ حياة جديده نظيفه مثل ما ربوني اهلي وادعولي رب العالمين يسامحني على خطيئتي لأني الان نادمه وكنت اتمنى اعيش حياة زوجيه مثل باقي البنات ويكون زوجي رجل بمعنى الكلمه يحميني من الذئاب البشرية ولكن مع الأسف قسمتي كانت مع شخص يقدمني لقمه سهله لاصدقاءه مقابل متعته الشخصيه.   وشكرا للكاتبه فردوس عبد اللطيف لسردها قصتي لكم ودمتم اختكم مروه
.....................................
اشكر لكم متابعتكم لهذه القصه وعذروني كانت مقززه وجريئه بس حبيت أوضح لبناتنه المتزوجات ان مايتبطرون على أزواجهم مهما كانت ظروف زوجج لازم تتحملي اذا كان يحميج ويصونج يمكن الأخت مروه لو وجدت شخص محافظ عليهه كان انشات أسره سعيده بس نكول الله يعوظها
أرجو ان تعطوني رأيكم بالقصه وأريد تفاعلكم معاي
النهايه.....ترقبوني بقصه جديده الكاتبه فردوس عبد اللطيف