#لحضة_يقضه
همس القوارير
البارت الاول
السلام عليكم اني رشا بنيه بسيطه ومحبوبه وحلوه بيضه وعيوني حلوه وطويله ورشيقه عندي اخوان اثنين ماجد ووليد متزوجين وعندي اختي رنا اصغر مني وضحى اكبر مني متزوجه وماما وبابا من كنت بالكليه تعرفت على شاب وياي بنفس الكليه كان اخر مرحله اله مؤيد كولش حبينا بعض وضلت علاقتنا مستمره سنه ونص كولها حب وغرام كانت صادقه وكانت نيتنا نتزوج وننتضر لحد ما يتعيين وتخرج مؤيد وبقينا ننتضر تعيين عائلة مؤيد كانت من ٣ اولاد فقط وهو الصغير والمدلل وامه وابوه كان وضعهم المادي الحمدلله والشكر كولش زين بس كان لازم يشتغل علمود نتزوج لان اذا ميشتغل اهلي ميقبلون بقيت انتضر مؤيد ومنو يتقدملي ارفضه لعيونه لان كنت كولش احبه وهو همين يعشقني واهله كانوا موافقين على زواجنا فبقت السالفه يم بابا لحد ما طلع التعيين مالته اله احنا طلعت روحنا الف واسطه وفلوس وطلعناها للاسف هو هذا حالنا الماعنده فلس ما يسوه فلس والفقير ربي يعينه على مجتمع الرشوه والقط بعد ما تعيين مؤيد شهر كامل بلدوام اتقدملي وانطيناهم مهله لان بابا يريد يسأل عليهم هو هيج بابا مثل ما سوه بزوج اختي يگول انتم بناتي وعزيزات عليه لازم اختارلكم القسمه الزينه الي ترتاحون بيها واهم شي اخلاق الولد ما اكدر انطيكم لاي شخص يومين وترجعن عليه لا اريدكم ترتاحون وفعلا كول اب لازم يفكر بمصلحة بناته لان صارت الدنيا ما تنعرف وفعلا ورى اسبوع ابلغناهم بموافقتنا وكنا اني ومؤيد طايرين من الفرحه والسعاده واخيرا صرنا لبعض وصارت خطبتنا واخيرا صرنا لبعض بعد انتضار سنتين تقريبا حسسني اني طفله حب ودلال وسعاده وطلعه وطبه وتعرفون فترة الخطوبه احلى فترات العمر بقينا مخطوبين اربع اشهر وبدينا نجهز لشقتنا من بداية علاقتنا وكنا نتمنى نطلع شقه لوحدنا وفعلا اجرنا شقه ورتبناها على ذوقنا طبعا بمساعدة اهله واهلي وصارت الشقه او العشه الزوجيه بعيني مثل قصر الاميرات والله كولش حلوه حتى بتناسق الالوان والفرش والاثاث والترتيب حسيت براحه وفعلا حددنا يوم العرس وكان بقاعه كبيره وكل اقاربنا واحبابنا اجوي للحفله
دخلت القاعه ولازمه بيد حبيبي والكل تباوع علينا حبيبي كان حنطاوي وعيونه سود وكبار كولش حلو كان طالع وكانت الفرحه ماليه عيونا وروحنا احلى حلم عدنا تحقق وكنا بانين احلام واحلام لمستقبلنا بس مو كلشي يتمناه الانسان يحصله الباقي كوله يهون اهم شي حصلت حبيبي وكملت سعادتنا
