#لحضة_يقضه
همس القوارير
البارت السادس
وفعلا كعدت الصبح وتكلمت ويه سلوى
رشا : سلوى من رخصتج حبيبتي اريد اتكلم وياج بموضوع واريده يكون بينا ومحد يعرف بيه
سلوى : عادي حبي تعالي گوليلي شنو مشكلتج ولا تخافين سرج ابير
رشا : تعرفين اني ومؤيد تزوجنا عن حب بس ورى ما جبت اولادي حياتي تغيرت وصارت مالها طعم كوله شغل وتعب واولادي متعبين حيل وهملت نفسي وجسمي وزوجي وحياتي واحسها مو منضمه ولا بيها راحه واستقرار واتمنى تساعديني حتى ابدي صفحه جديده واغير حياتي واكون سعيده مثلكم اللهم لا حسد
سلوى : احسن شي تسوينه انتي تغيرين الي بداخلج وتقتنعين بالي انتي بيه وانتي راح تتغييرين شوفي راح ابدي وياج من الصفر ونشتغل لحد ما يرجع زوجج وتستمرين على نفس المنهاج ومتغيرينه وتغيرين حتى اطفالج وتعودينهم على اسلوب جديد اني لاحضتهم ما عدهم توجيه لازم تكعدين وياهم وتعلمينهم الطفل ميصير ينترك
رشا : ياريت والله وراح يكون الج اجر وثواب ويسجلها بميزان حسناتج
سلوى : لا يا عمري لا تحجين هالشكل انتي اختي بالبدايه راح نشتغل على جسمج وراح يكون اكلج الفطور بيضيتين سلك فقط بدون خبز او صمون وغداج صدر دجاج وسلطه وعشاج كاسة روبه ويه خيار ومراح تخلين اي خبز او رز بأكلج وتشربين شاي اخضر وتلعبين رياضه
رشا : ان شاءالله ابدي من اليوم خلاص عندي اراده لهلشي بس يارب كون اتحمل
سلوى : ان شاءالله تتحملين لان عندج اراده تتغيرين باجر العصر نستأذن من وليد ونروح للسوك نشتري قمصان نوم وكلابيات و برمودات قياس خاص وكل يوم راح نلبس شي شكل يوم برموده يوم كلابيه يوم تراك يوم دشداشه قصيره ونشتري مجموعه مكياجات وعطورات وباودر جسم ولوشن وشغلات هواي نسائيه وحلوه
رشا : ماشي كولي حماس للتغيير واكيد راح نستمر سوه
سلوى : وبعدها اخذج لصالون صديقتي واخليها تگص شعرج قصير وتصبغه اشقر وتسرحه الج وتحف وجهج وتسويلج تنضيف بشره وراح تكونين فد شي روعه
رشا : واني وياج عيني جويل من ايدج هاي لايدج هاي
سلوى : ههههههه اوكي اليوم نستأذن وليد ونبدي نشتغل
رشا : ماشي واني جاهزه
وفعلا بدينا نشتغل اول شي رحنا للسوك واشترينا كولشي من ملابس وعطورات ومكياج غسولات جسم وهوايه شغلات ورجعنا للبيت ورتبناهم وعلمتني سلوى شلون اخلي مكياج وهواي شغلات تعلمتها من النت وصرت اخط عيوني مثل الممثلات وبديت اشتغل بالدايت على نفسي اول ثلاث ايام كنت كولش اجوع بيها بس كنت كلما اجوع اروح اشرب مي واسد جوعي وبقت سلوى وياي تنصحني وترشدني وهيج سوي وهيج لا تسوين وعلمتني الرجال شنو يحب وشنو يكره صح تعب بس احسها بواهس وحلو التغيير
