وحور عين 🙈

22

اسراء : انتى ف الاول والاخير اخته يعنى ،، بس كنت حابه اعرف هما مخاصمينك كدا ليه ى سلمى معلشي.. ولو شي خاص عادى متقوليش بس والله كنت عاوزه اعرف بس فضول مش اكتر
سلمى : لا ى سوسو ولا يهمك هما كانو عاوزين يجبرونى اتجوز ع واحد هوا بصراحه كان كويس والله وسيف وبابا وكله كان موافق عليه بس هوا كان مطلق وبنته معاه وانا ف البدايه مرفضتش بس استخرت ومارتحتش سيف وبابا معجبهمس وقالو هوا يعنى هوا وجالى بعدها ابن عمى اخو نهى هوا كويس جدا وبيحبنى اوى ى اسراء والى الان مستحمل بابا وسيف وانا كمان بحبه جدا فرفضوه فعمى ساعدنى وسفرنى معاه وجوزنى له وقعدنا برا وبابا وسيف من يومها مش طايقيننى
اسراء : لا حول ولا قوة الا بالله .. يلا قدر الله وما شاء فعل دى ارادة ربنا ومش تتضايقي ان شاء الله هيجى اليوم الل يفهم سيف فيه ان ابن عمك دا كان شاريكى ويمكن هوا افضل ليكى من غيره
مايا غيرت الموضوع : ماشي وانا كمان ههتم بست تقوى مع اسراء ى سلمى
سلمى :هههه اوك. مش عارفه اقوللك ايه ى اسراء بجد
ام سيف : معلش ى اسراء انتى لسه حتى مكملتيش شهر العسل انا ى بنتى لو في حيل كنت انا اهوميت بيها والله
اسراء تلطف الجو : اى ى جماعه جو الدراما دا دى حتى هتسلينى والله وكل يوم اخد رايها ف اللبس اللى ف الدولاب دا ولا ايه ى مايا هههه
سلمى باست اسراء : كلها كام اسبوع بس ان شاء الله معلش
اسراء : المهم ربنا يعافيكى وتكبر قدام عينك ان شاء الله
سلمى وقفت وباست بنتها اللى ع ايد اسراء: بلاش شقاوه ى قوقو .. انا جايبه لها شوية ملابس وحاجات لاومها كدا ف الشنطه دى
اسراء : اوك...طب مش تتغدى الاول
سلمى : لا علشان بابا وسيف ميعرفوش
ام سيف : يلا ى بنتى فامان الله
...
حنان : مالها تعبانه ان شاء الله قصدى لا قدر الله
محمد محاوط خديجه وكأنه خايف عليها : لا دى حامل ى امى
عمرو وعبير بقدر فرحتهم لاخوه بقدر خوفهم : م مبروك ى محمد مبروك ى مدام خديجه
عبير راحت لها وباستها تسلم عليها : الف مبروك ى خوخه
خديجه : الله يبارك فيكى ى عبوره
محمد : الدكتور كتب لها شوية ادويه هجيبهم لها وجاى حالا خلى بالك منها ى عبير الدكتور قال لازم ترتاح جدا
عبير بابتسامه: هتوصينى ع اختى
عمرو : استنى اجى معاك ى حمو... وراحو وطول طريقهم كلام ودعاء
خديجه : مش مبسوطه ليه ى ماما مش حضرتك كان نفسك فى كدا
حنان (هيملو لى البيت بنات شكلهم ): آآ مبروك ى حبيبتى
...
... : اى دا ليه كدا ى ماما قلت لك مش موافق
...: ى ابنى ب
سيف : رجعي لها بنتها حالا
ام سيف : هتوديها لمين ى ابنى اختك تعبانه انا مصدقت ابوك حن عليها
سيف : خلى عشيقها ينفعها
ابو سيف : احترم نفسك ى سيف دا مهما كان ابن عمك وبعدين كلها اسبوعين ولا حاجه
سيف بعصبيه : انا لى كلام مع اسراء دى كمان
مايا : اسراء مالها هتطلع عصبيتك ف المسكينه دى ليه يعنى
ام سيف (يعينى عليكى ى اسراء ى بنتى امك هتقول ى ريتها مجوزتك لابنى): انا اللى طلبت من اسراء ى ابنى تخليها عندها اص
نهى : لا ى طنط خليه يربيها علشان تسمع كلامه مش تمشي هي اوامرها وبعدين ما بنتك سلمى كانت تخليها عند مامى
ام سيف (امك اللى مش طايقاها ومحترماها علشان ابنها بس): بس ى نهى
مايا بهمس : بطلى ى نهى اصل هيعصب ع الغلبانه اللى فوق دى
نهى بنفس الهمس: يلا احسن مش دا اللى كنا بنخطط له انا وانتى ان احنا نربيها
مايا (دانتى لئيمه داك نيله) : بس ظى طلعت طيبه ى نونو والله جربي تتعاملى معاها كد
نهى (نونو احم احم ): اه ى اختى وماله
سيف سابهم وطلع والعصبيه ع وشه
...
اسراء قلعت عبايتها ونقابها وقالت تغير لتقوى اللبيبي الاول وبعدين تلبس هى
غيرت لها ولفتها ولسه هتعمل شعرها بسيط وفجاه
ترررن ترررن ترررن تررن
مين اللى بيرن بعصبيه دا اكيد مايا بتهرج وراحت بسرعه تفتح وع ايدها تقوى وبدون حتى ما تلبس النقاب والعبايه
اسراء بابتسامه : وحشتك بالعجل كدا ى ما
... س س سيف
سيف (تنح ع شكلها ونسي ليه كان جاى اصلا بس تدارك نفسه بسرعه) وبعصبيه شديده:أ أنتى ازاى تخلى البنت دى عندك ى ست هانم.. ويضرب بايده ع الباب بقوه زوجك مالوش راى بالنسبه لك ولا ايه ى مدام
اسراء اتخضت من ضربته للباب وفزت وهى واقفه وحضنت تقوى جدا لما عيطت ورجعت ع ورا
اسراء (اللى خايفه منه من زمان حصل وبدرى كمان بدأ يتغير من دلوقتى ) بخوف : طب ممكن نتكلم بهداوه شويه
سيف : هداوه ازاى بس انا كان لازم اقوللك من الاول اصلا ع اللى اسمها سلمى دى هيا وحبيب القلب دى هربت معاه بدون علمنا ى مدام وانتى تقولى لى اهدى
اسراء : لا ى سيف انتا فاهمها غلط هيا مش هربت وكانت قايله ل
سيف : مش عاوز افهم حاجه المهم البت دى ملهاش مكان هنا
اسراء : طب وهيا ذنبها ايه
سيف : انا قلت اللى عندى ى اسراء .. وطول ماهيا معاكى انا هفضل زعلان منك ومش هسامحك
اسراء ودموعها نزلت : ...طب ممكن تتوضي وتصلى ركعتين وتتغدى وبعدين نتكلم
سيف : انا هتغدى برا ف اى مطعم مع صحابى
وخرج ورزع الباب
...