استعنا على الشقا بالله 😂😈😎

شويه عيال 😂😂

بعد ما فرح و نيرة رجعوا البيت نيرة طلعت شقتها اللى هى جنب شقة فرح فى الدور العاشر وكمان الاسانسير بايظ والساعة كانت 8 الليل لأنهم اتمشوا شويه بالعربية

دخلت فرح بعد ما ودعت نيرة

اول ما دخلت  فنسينت تقفل الباب وسابته مفتوح يعنى رداه بحيث أنه مقفول بس لو حد زاحه هيدخل لقت الدنيا ضلمة على الآخر ومفيش حد خاااااالص والهدوء مالى المكان  لمحت ضوء جاى من التليفزيون قربت شويه لقت الشاشة منورة 

فرح لنفسها بصوت عال:" امممممم الشاشة منورة كدة ليه. ....وفين ماما وبابا
( طلعت موبايلها على أساس أنها تنور بيه بس لقته فاصل شحن ) .....
:"  يييييه انت كمان متذفت طب اعمل ايه انا بقى
وفجأة سمعت صوت زى ما يكون صوت عفاريت ( عارفين الصوت لما حد يحب يخوفك اهو نفس الصوت بس على خفيف وصوت عالى و رفيع ) قلب فرح انقبض بعد  الصوت دة وقعدت تصوت خصوصا لما سمعت صوتها بيتقال وسط الاصواط ديه.....وما زاد الطينه بله لما....

طلعلها واحد جى من الطرقة اللى بتوصل لاوض النوم لابس أسود فى أسود  ( زى لبس المحامين كدة البتاع الطويل دة ) وعلى وشه قناع مرعب وماسك كشاف فى إيده عشان وشه يبان وأول ما شافته صرخت جامد وبعد ثوانى طفى الكشاف فاختفى وبان من جانبها نور تانى بصت ناحيته لقت واحد لابس أحمر وقرنين حمر ونابين كبار فى بقه وعليهم دم أحمر وبرده اول ما فرح شافته صرخت جامد اكتر ( ما هى ما سكتتش اصلا بس بتزعق على طبقات ) طفى الشخص دة نور الكشاف فالدنيا ضلمت تانى ومفيش حاجة باينه وفرح مسكت نفسها أنها تعيط .....وفجأه بعد صمت ما دمش كتير رجع نفس الشخصين مع بعض  ونفس الأصوات وصوت تانى لصوت طبول  ( زى القبائل لما تيجى تحتفل كدة اهى نفس الطريقة ) فرح صوتت بهستيرية
الشخص اللى لابس اسود:" جيه دورك يا شابه. ..ها.....ها...ها
الشخصية التانية :" دة احنا هنريحوكى. ...يا شابه

فرح شبهت على الصوت وانتبهت لحظة
فرح فى نفسها :" ايه دة الصوت دة مش غريب عليا ....مازن......ايوة دة صوت مازن.....اااااااه. ....دول شكلهم اتفقوا عشان مقلب الصبح فرح اسحلفتلهم اه يا ولاد ال...
بس انا كدة كدة عارفة انهم هيردوها
اممممممم طب اعمل ايه. .....اعمل ايه

قطع تفكيرها و الأصوات اللى جنبيها لما النور اتفتح. ..بصت فرح تلقائي على مكان النور لقت نيرة واقفة وبتبصلهم باستغراب

************
BACK فى الزمن لما فرح ونيرة دخلوا شقتهم

نيرة دخلت المطبخ طلعت أكل من التلاجة وكانت واقفة تعمل ساندوتشات فجأه سمعت صوت صويت

نيرة :" ايه دة دة صوت فرح .......انا ....انا هروح اشوف فى ايه

وفعلا راحت نيرة وطلعت وقفلت باب شقتها وطلعت جرى على باب شقه فرح وقعدت تسمع صوت صريخ فرح وأصوات غريبه وبعدين فرح سكتت

نيرة ": لا لا ...لحسن....لحسن....يكون فى حاجة

زقت الباب لقته اتفتح دخلت بسرعة وقعدت تمشى وهى ساندة على الحيطة لحد ما وصلت لبتاع النور فداست عليه و....

**************
....بصت فرح تلقائي على مكان النور فلقت نيرة واقفة وبتبصلهم باستغراب
وفجأة نيرة فتحت ضحك هستيرى
نيرة لفرح :" لأ. ..ههههه. ...وانتى بتزعقى. ....ههههه. ... ( وجهت حديثها للشخصيات اللى واقفة دى ) وانتوا بقى مين فيكم  مازن ومين فيكم احمد ومين ندا لحسن م باين خالص .
راحت فرح وقربت من الشخص اللى لابس أسود وقلعت الوش اللى كان لابسه وقالت؛:" دة مازن
وراحة ناحية إللى لابس أحمر وشالت برده القناع :" ودة احمد
وراحت ورا الكنبه ومدت ايديها فبانت ندا وهى لابسه لبس أبيض فى أبيض وحطة دقن بيضه وزعبوط أبيض وعمالة تطبل
:" ودى ندا

بصت نيرة للجميع اللى كان مسبهل من اللى بيحصل
:وقالت بمكر" امممممم. ...بس انتى كنتى بتصرخى صح

فرح : بتوتر  " انا.....لا خالص. ...انا كنت عارفة اصلا

نيرة :" اه....اه فعلا ....بأمارة صوتك اللى سرعنى دة
( ووقفت جنبيها  وهى بتقول الجملة دى بعد كدة وقفت قدام مازن )
بلييييز بلييييز مازن can you again, please
مازن يا دوبك بص فى عنيها من هنا وراح لعالم تانى  ( أصل نيرة عنيها ازرق. ...فاتح )
ندا :" احم .....احم......أخ مازن شو فيك حبيبى  (...إحكى شو فى

فرح بمرح :" ليكى خيتى. ...هوا كتييير كتييير مسبهل

نيرة :" باين فعلا. ....

راحت نيرة وقفت قدام احمد :" ليك خيى. ...فيك تعيد هاى المشهد لالى

مازن :" اه طبعا ليه لأ. ....يلا اتفضلى أقفى مع فرح وانتى يا ندا اطفى النور وهاتى يا فرح الأقنعة

نيرة :" اتنطتت من السعادة

ندا :" انتى هبلة يا ماما

نيرة :" اووووه سورى. .....مش قصدى بس ...

مازن مقاطعا لها :" لأ عادى. ..مجراش حاجة

وفجأه سمعوا صوت الباب بيفتح وحد بيدخل منه

اللوا محمد :" ايه الدوشة دى ....ايه اللى بيحصل هنا

سمعوا كلهم صوت ابوهم طلعوا يجروا على أول أوضة قابلتهم( أوضة فرح ) ونيرة فرح بتشدها جوه ونيرة شغاله معارضة
:" ايه فى ايه......فرح فى ايه

بعد ما دخلوا الآوضة وقفلوا الباب بالمفتاح

*****************************************************