استعنا على الشقا بالله 😂😈😎

أول مهمة 😎

دخلت فرح و نيرة سفينه البيت بتاعتهم  ( مسالتوش مين سمى الاسم دة....ومين غيرها...نيرو حبيبة قلبي )

المهم دخلوا وقفلوا الباب وفتحوا النور والحمد. لله اشتغل
اول ما شافوا المكان بقهم اتفتح من الصدمة
تخيلوا معايا بقى
اول ما تنزل هتنزل على زحليقة كبيرة وتنزل منها على الصالة ..الصالة مليانة أجهزة رياضية وترينجات و كمان على الحيطة معلقين سكاكين والمسدسين بتاعتهم و الحيطة اللى قدامها ميداليات لنيرة و فرح سباحة...كاراتيه...كونغوفو... مصارعة كمان ( قبل ما يعرفوا بعض كانت معاهم اوك ) نخش بقى للطرقة فيه على اليمين طرقة طويلة بس مش قوى يعنى المهم على حيطان الطرقة دى من الجانبين صور لممثلي الاكشن وصور لفرح ونيرة مع بعض وصور كتييير كمان المهم أن الحيطان بتاعت الطرقة دى زرقة وحيطان الصالة أسود وازرق فى باب على الشمال مع نفسه كدة جواه بقى فيه أجهزة إلكترونية كمبيوترات بقى وكدة. و فى بقى باب آخر الطرقة جوه الباب دة زى شقة تانية فى سرير ودولاب فى هدوم ( ترنجات وكوتشيهات وباروكات و نظارات وحاجات من هذا القبيل احتسابا للمهمات اللى جاية )
( طلعه عيال ذكية صح )

فيه بقى باب تانى فى الآوضة دى ...

( بعد شوية كدة هقولكم بيودى على فين )

وفيه بابا تانى خالص فى اخر تحت الزحليقة دى متعرفيش بيودى فين

نرجع تانى بقى لفرح و نيرة ..

فرح :" ادخلى انتى طلعى معلومات من النت  .....عشان نظبط هنعمل ايه

نيرة :" اشطا ...نصايه واخلص

،،،،،،،،،،،،،،،،،،،،،،،،بعد ساعة ونص ( بعد ما نيرة طلعت المعلومات )

نيرة  بصوت عالى:" فرح .....

فرح  :" ايوة طلعتى حاجة

نيرة بإحباط  :" لأ معرفتش أجيب حاجة مفيش اى معلومات عنه

فرح وهى تلطم :' يا نهار وهنعمل ايه الوقتى

نيرة بضحكة خفيفة :" وانا ايش عرفنى

فرح :" ليكى عين تضحكى

نيرة :" هو فى حاجة تانى اعملها

فرح بتنهيدة :" اممممم

نيرة بنفس التنهيدة :" امممممم

فرح :" هووووف

نيرو :' هووووف