استعنا على الشقا بالله 😂😈😎

لاغيه من ناحية واهرب من التانية 2

~*~*~*~*~*~*~**~*~*~*~*~*~*
# مازن

بعد ما قلنا لنيرة الخطة ......البت المزة دى...طلعت اتسحب لبرة ونزلت ورا الكنبة ....بعديا بشوية جه احمد وداس على ايدى وكنت خلاص هصوت بس الحمد لله لحقت نفسى ....المهم بعد ما فرح طلعت و....

محمد :" طيب يا بنتى تعالى على اوضتك

انا بس بكلم نفسى :" يالهوووى ....الخطة باظت

احمد ليا بنفس الصوت :" هنعمل ايه دلوقتى ....ندا كدة مش هتطلع من الاوضة.....والحاج هيشوف نيرة

بعد شويه سمعنا فرح وهى بتزعق ان هى داخلة اوضتها .....

احمد :" كويس ...عشان يلحقوا يستخبوا.

انا :" بس برده الخطة باظت .....اسمعنى طيب .....امشى قدام امك ....ولو سألتك كنت فين قلها فى الحمام ....

احمد :" ماشى
فى نفس الوقت امهم كانت بتاكل لب فكانت بتحط القشر فى طبق على مسند الكنبة ....حركت ايديها فالطبق وقع عليا انا واحمد

انا  بصوت واطى:" اوبااااا.......

واطى بنفس النبرة :" كيلو لب.....حرام
......الحق ياخ امك جايه تلم القشر

امنية قامت فعلا بس راحت عشان تطفى التليفزيون ......ساعتها اتنهدت براحة انا واحمد بس الراحة مكملتش .....

امنية قامت تروح اوضتها تستنا الحاج و يناموا بس عطشت فجأه (  سبحان الله ) فلفت عشان تخش المطبخ بس شافت مازن واحمد قاعدين تحت الكنبة

امنية :" احمد ......مازن انتوا بتعملوا ايه هنا

احمد بيكلمنى ويبص لنفسه وليا بإستغراب :" ايه دة احنا بنعمل ايه هنا

مازن :" مش عارف......

امنية  :" احنا هنستهبل......لتكونوش بتمشوا وانتوا نايمين

مازن :" ايه دة صح ......هو انا نسيت اقولكم

احمد :" ايه ؟؟؟؟

مازن :" هو انتوا متعرفوش

امنيه :" منعرفش ايه يا بنى

مازن :" لا صح شكلكم متعرفوش

احمد :" ما تخلص يا بنى فى ايه

مازن بعصيبية زائفة؛:" انت ازاى تكلم اخوك الصغير كدة....فين الاحترام ......فين التربية.....اتفضل قدامى يا فندم على اوضتك. ....اتفضل

مشى احمد على اوضته من سكات و ز وراه من سكات

امنية :" ربنا يهديك يا بنى
ودخلت اوضتها ......

~*~*~*~*~*~*~*~*~*~*~*~*~*

نروح تانى لفرح )))

فتحت فرح الباب واتفاجأت أن ندا و نيرة مش فى الآوضة فتنهدت بسلام ودخلت

:" اتفضل يا بابا

دخل محمد وقفل الباب وراه وهو مستغرب تصرفات فرح