استعنا على الشقا بالله 😂😈😎

استعدادات

# فرح

وصلت انا ونيرة لمكتب اللوا سامى ودخلنا بس ملقناهوش فى الآوضة. ..وبعد شويه طلع من أوضة مقفوله كنت كل ما أسأله عليها يطنش المهم طلع منها وقلنا. ...

~'~*~*~*
اللوا سامى:" تعالوا ورايا

بصت نيرة وفرح لبعض باستغراب بس الفضول بياكلهم عشان يعرفوا ايه اللى جوه الآوضة دى المهم...

دخلت فرح ونيرة الآوضة وأول ما دخلوا انبهروا بالأوضة  ( واسعة جدا ...فيها شاشة عرض بعرض الحيطة وفيه طربيزة كبيرة سبع كراسى حواليها وفى صور كتير وأسماء على الحيطان )

~*!*~*~*~*~*~*

ن# نيرة

دخلنا الآوضة دى وانا بدأت أشك أننا فى المكتب اصلا مكنتش عارفة احنا فين الآوضة واسعة وعمالين نمشى ورا اللوا سامى لغايه ما سألت فرح اللى شكلها مش معانا اصلا من كتر ما هى سرحت فى الآوضة

نيرة :" احنا فين.؟؟

فرح :" هة

نيرة :" احنا فيين؟؟؟

فرح :" معرفش

اللوا سامى راح قعد على أول الترابيزة

ال.سامى:" اتفضلوا اقعدوا

طال صوتوا اوى كنت لسة هقولوا أتكلم لقيت فرح بتقول.....

فرح :" احم طب حضرتك كنت عايزنا فى ايه

اللوا سامى :" شريف عبد الهادى راجل من أصعب الرجال اللى فى مصر أو برة مصر ينزل الشحنة ويوزعها من غير ما حد يا خد باله

فرح :" بتبشرنا خير يعنى ......كمل كمل

   اللوا سامى :" المطلوب انكم تعرفه معاد الشحنة وهتدخل ازاى ومنين وكمان فيه حد بيساعده ولازم تاخدوه حذركم انتوا مش اول ناس كان فى غيركم بس فشلوا فى المهمة  وكمان ....

نيرة :" لحظة بس ....يعنى انت عايزنا نعرف هو فين وهينزل الشحنة فين ومين هايستلمها وهيستلمها فين كمان

فرح :" لأ وممكن ينزل الشحنة ويوزعها من غير ما حد يا خد باله

نيرة :" لأ ومفيش معلومات غير اسمه يعنى.

فرح :" اه اه احنا نروح نشوف   حد اسمه شريف عبد الهادى يبقى هو دة

نيرة :" و أمسك حرامى بقى..........طب مثلا أنا أبويه اسموا شريف عبد الهادى يبقى هو يعنى

اللوا سامى :" خلاص خلصتوا تريقة ما انت لو تدولى فرصة اكمل

نيرة وفرح باحراج :" اه سورى اتفضل كمل

اللوا سامى :" شريف عبد الهادى بقالوا فترة يجى سنة أو حاجة منزلش شحن ولا اشتغل ووردنا أن هو خلاص هينزل قريب يعنى اكيد كمية جامدة المرادى وكمان اللى انا أعرفه أن هو كان فى امريكا من امبارح ولسة راجع النهاردة