كلنا اتلفتنا مكان الصوت ، و كان شخصية انا شفتها لمن جيت اول مرة لو تتزكرو كان بعاين لأسماء اختي بطريقه ملفته ، كلمتكم لو تتزكرو ، المهم بالجد دا شخصيه كدا شوفتو بهجه ، من اسماء اتلفتت وعاينت لمصدر الصوت " عيونك وطن اريد ان اسكن فيه "
كانت نفس نظرتو الاولي ديك ..
جملتو القالها ( الحاصل شنو هنا يا جماعه عيب دا مكان شغل معقوله الناس تتكلم بالاسلوب دا ..) من اسماء اتلفتت سكت مدة .. مدام وفاق قالت ليهو دي البت الكلمتك عنها العملت مشكلة من فترة مع المضيفه ريم ، ايوواه ريم !! انا هنا الموضوع وقع لي ، لمن الضابط قال دي شهادة ريم احمد .. بس سكتا وعرفت ان هناا العصبيه م حتنفع ..
قام الزول دا قالي مشكلتك شنو ؟ اسماء عاينت لي برفعه حاجب كدا معناتو اسكتي ، وفعلا سكت ، واسماء ابتدت تتكلم ،،
قالت ليهو ي استاذ للاسف المكان دا فاقد الاسلوب و مع احترامي ليك ، كمان فاقد الاحترام ، لمن ناس هنا واجهه المكان دا هاا ويكونو قدوة حسنة لغيرهم ويفرضو احترامهم بس للاسف الحاصل عكس ، اسلوب صفر و تحس كأنهم ماخدين الموضوع بعنف ان خلاص انا هنا المسؤل والاقوله هو الصح وانت غلط ، واذا حاولت تجادل الموضوع يحصل للاخلاق ، هل دا يعقل؟؟ .. عايزة اقوليكم ان الاستاذ زاتو مبحلق ومخو اتشفر و كل القالو اتفضلو معاي ،، مسكت اسماء من يدها و مشينا وراهو ..
دخل مكتبو وانحنا وراه قعد وقعدنا ، قالي عايز اسمع منك الموضوع من البدايه ، حكيت ليهو من طقطق للسلام عليكم ( ...)
اسماء قالت ليهو انا هنا عشان نتكلم بعقلانيه وما عايزة الجأ لطرق معقده ( اسما درست حقوق وعندها فكرة) طبعا هو هنا فهماا ، قاليها لحظة ، نادا السكرتيرة و قاليها عليز يشوف السستم و الاسامي النزلت ف الفترة الاخيرة بالشهادات المقدمين ليهاا ، ، وفعلا بعد طلاع روح ظهر ملفي الاصلي بس اتستر علي الموضوع و وعدنا انو ف اقل من اسبوع الامور حتتحلا ، و طلب ارقامنا للتواصل و مشينا علي كداا ،، بالجد حسيت بقوة ما عاديه ،، قلت لاسماء انتي ما ملاحظه حاجه ف الزول دا ؟ قالت لي لا ، زي شنو ؟ قلت ليها يا زوله انسي ،، و طلعنا علي البيت و نسيت مواعيدي مع حسام ، بغذ وصلنا البيت اتصل علي ، رجعت برااي اتلاقينا في كفتيريا ، ياهو حكيت ليهو الحصل كلو واني كنت محتلجه مساعدتو لكن الموضوع شبه انه اتحلااا ،قال لي بركة البقي لي سبب عشان الاقيكي ،
وابتسم ابتسامة كدا حلوة ، ضحكتني ، قلت ليهو افقد الامل يا حسام وصداقتنا دي جميله ولو ف النصيب مكتوب ربنا يجعل الفيهو خير ، قام قالي م تكوني رافضاني عشان سلاف ،، قلت ليهو سلااف !! سلاف دخلها شنو ؟
قال لي ولا شي ، قلت ليهو لا بديت كلام تمو للاخر ، قالي والله يا زهرة عديل قالت لي بحبك ، صح انحنا كنا ف يوم اصحاب قراب من بعض بس والله م حصل اني اتعديت معاها حدودي ولا عشمتها بحاجه ، وانا ما عندي تجاها اي مشاعر غير صداقه يعني نفس مشاعرك تجاهي ،، قلت ليهو شوف ي حسام الكلام دا انا اول مرة اعرفو منك والله لكن انت الخسران عارف ليه ؟
لانو مافي بت من بنات حواء بتصرح بي مشاعرا لراجل الا اذا فعلا بتحبو و وصلت مرحله في مشاعراا دي ،
صدقني البت عندها كبرياء وكرامة م بتتنازل عنهم و طالما سلاف عبرت عن حبها ليك انت الخسران لانو م ختلقي بت تحبك زي حبها ليك و سلاف زوله حبوبة و طيوبه اي هي شقيه شويه لكن عفوية و روحا حلوة ، بالجد لو بتعزني يا حسام اضرب ليها تلفون و قوليها انك موافق تبدا معاها من جديد و ختها لقدام و ما حتخذلك و مع الايام حتحبهاا ، الحب دا زي البذرة ، بتسقيهو حب لمن ينبت و يكبر و يكبر و يكبر لمن يصل مرحله ، عشان كداا احترما واوع تفكر انه طالما بادرت بي مشاعرا تجاهك هي وحدة اي كلاام ، لا دي وحدة باقيه عليك ، و من دربك دا الليله تجبر بخاطراا وخليها تنوم مبسوطة ،، اديني وعد ...
سكت و بعاين فيني ، قلت ليهو بقوليك اديني وعد ، مديت ليهو صباعي ، قالي اوعدك يا احلا واجمل واطيب زوله انا لاقيتاا ، اوعدك .. و من هنا ركب معاي امجاد و وصلني لحد شارع بيتنا ( بقلم/سحر سمير )
بس قبل وصولي بيتنا في حاجة وصلت لرماح قبلي ..
( في جانب اسماء )
الو السلام عليكم
* وعليكم السلام ايوة منو ؟
اسماء معاي ؟
*ايوة انا اسماء ، اتفضل
انا استاذ مهاب يا اسماء
*بعتذر ما عرفتك والله
انا تبع الخطوط الجويه و قبيل وكدا ..
*اهاا بعتذر والله ما اخدت بالي من الاسم ، كيفك ان شاء الله بخير
انا بخير بعد سمعت صوتك
*عفواااً ....
لا ولا حاجه بعتذر
*اها خير طيب في جديد بخصوص زهرة معقوله بالسرعه دي ، صراحه اتوقعت الموضوع ياخد زمن ..
والله انا متصل بخصوص موضوع تاني
*خير اتفضل
والله ما عارف ابدا من وين ، بس والدك موجود ؟..
*والدي انا ؟ ايوة موجود
طيب ممكن رقمه ، بس قبل الرقم حكون معاكي صريح ، انا حابي اقابله واجيب اهلي بخصوصك دا اذا انتي ما مرتبطه و كدا وانا اسف بتكلم في موضوع زي داا في التلفون اعذريني بس ما حصل ص
راحه اتختيت في موقف زي دا ، حتي اتصالي دا كان بعد تردد واقتراح من الوالده الله يديها العافيه ..
*الله يديها العافيه ، موضوع زي دا موضوع رجال ما بقدر اتكلم فيهو حرسل الرقم في رسالة .. عن اذنك ..
سبحان الله بينتهي مشوار و بيبدا مشوار تاني و سبحان مسبب الاسباب عندي زول دايماً بقول لي انحنا بتحصل لينا الحاجات الكعبه و بتأذي احاسيسنا شديد بس اتأكدي قصاد كل موقف مؤلم ، ربنا حيبعت تعويض بمواقف وحاجات حلوة كتيرة جايه ..
دي كانت مع اسماء بس يا تري حظي حيكون كداا ؟؟
يتبع ....
