انتظرتو لمن اتصل ..
_الوو زهرة كيفك
* حمدلله بخير ، انت كيفك ؟
_حمدلله بخير
*اكيد انت الرسلت لي الرصيد دا صح ؟
_ايوة انا
*انا ححول ليك الرصيد دا بدون نقاش انا لمن قلت ليك م هندي رصيد دا بحسن نيه م عشان ترسل لي ، كل الحكايه كنت في مشوار و رجعتا متاخرة ما قدرت اشحن ..
_ انا لو احتجت لرصيد ف يوم م حتحولي لي يعني يا زهره ؟
* دا ما مقياس ولا مبدا للنقاش دا حاجه و دا حاجه وانا م متعودة ولا حتعود علي كداا ، ارجوك عشاان البينا يبقي عامر لبي لي رغبتي واكون شاكرة ليك ..
_ سبحان الخلقك ، عنيده ، جميله ، شخصيه ،هاديه ، رزينه ، قوية ، مثابرة ، طموحه ، عصبيه ،، كيف انتي بتقدري تكوني بالطريقه دي انا عمري ما لاقيت بنت بصافتك دي ،
* اسي دا كلو فيني يعني ؟
_واكتر من كداااا
* المهم كنت عايزني في شنو خير ؟
_خير بس ...... (جات اسماء داخله قفلت الخط )
قالت لي مالك قفلتي ؟
انتهيت بس حقفل لشنوو ؟ ، قالت لي طيب كان انتهيتي ليه لسه تلفونك بيضرب ؟
عاينت للشاشه بخلعه لقيت حسام رجع لي تاني .. قالت لي انا ما حصل شككتا في مصداقيتك و الكذب كلنا ما قمنا بيهو ، لكن لو انتي من جواكي يا زهرة ما كنتي مقتنعه ان الشي العملتيهو غلط ما كان انجبرتي تكذبي علي او تنكري ، ان الله رغييييب و استشعري مراغبة ربنا ليكي خافي منوو ، انما انا عبده ليهو اخر حد لي اني اشاكلك و اوعيكي ،، و فاتت علي كدااااا ، حاسه بوجعه جوة روحي ، فجاه حياتي اتقلبت رأساً علي عقب ، بعد طلعت رجعت لي تاني ، قالت لي صحي نسيت انا جيتك عشان اقوليكي نعمه و اهلها جايننا يوم الجمعه باذن الله ، يعني بكرة و علي الاغلب بخصوصك وربنا يسهل و طلعت ، و انا مليون علامة استفهام في راسي ، بس مسكت راسي و عايزة اخبطو في الحيطه كل شي بقي غريب و جاااايط ..
رجع لي حسام ، رديت عليهو قلت ليهو معليش اختي دخلت علي معليش قفلت في وشك ، قالي لا عادي
قلت ليهو سامعاك تم الموضوع القلت عايزني فيهو .. سكت مسافه قالي ممكن اتكلم من غير ما تقاطعيني ؟ قلت ليهو جدااً
اخد تنهيده كدا و قالي انا من يوم ما شفتك و حالي ما ياهو ، جايط و بالي مشغول 24 ساعه بفكر في زهرة ، اكلت ، نامت ، طلعت ، مع منو ، كويسه ، عيانه ، لمن داير اجن فجاه كل شي ف حياتي بقا زهرة في وقت قليل بس كل البتمناهو اقرب ليكي و ابقي جمبك ، و انا اتصلت عشان اقوليكي انا عايزك بسنة الله و رسوله و وقت تحددي انا بجيب اهلي واجيكم في البيت و سكت ...
انتو متخيلين منظري بعد سمعت كلامه دا ؟
انصدمتا في شنو هوو فجاه كداا
حياتي كانت فاضيه غير ابوي مافيها ، حتي الجامعه قضيتاا من غير م ادخل جنس ادم فيها لمن اتخرجتاا ، في شنو فجاه ، استغفر الله يا ربي ،، قام قالي انتي معاي ؟
قلت ليهو ايوة معاك ي حسام بس صراحه انا محترمة و مقدرة مشاعرك تجاهي لكن ... لكن ... لك.. قالي تمي كلامك لكن شنو ...؟
بعد دايرة اقوليهو عندي زول ف حياتي سكتا و قلت ليهو اديني مهله افكر و قفلتااا ..
نمته طوالي حتي نسيت رسالة الشغل ، صحيت الجمعه ، اساحميت وصليت و قعدت مع اخواتي و ابوي ، قالي طولتي ما جيتي سمعتي لي يا زهرتي ، شنوو بعد قربنا نختم ، اسي اماني فاتتك بدل كنتي فايتاها ، قلت ليهو قريب بسمع و بفوتهم كلهم ، اسماء قالت لي هووي انا ختمتا امس بحمدالله ، قلت ليها مبرووك و رجعنا نتونس ،
جانا رماح قال داير ملوحه ، انا طبعا بحاول اتفاداهو بأي طريقه خجلانه منو وتصرفو معاي خجلني اكتر ، اشواق قالت ليهو هوي انحنا جايننا ضيوف كان عملنا الملوحه دي ريحتا ما بتمرق من البيت بسهوله ،، انا هناا *طق اتزكرتا ان امس جاتني رساله ف الايميل و ما فتحتها و جري علي الغرفه لمن كلهم اتخلعو ، واماني جات جاريه وراي من الخلعه ، شابكاني مالك ، مالك
فتحت الرساله و مكتوب فيها اني لازم اجي يوم الاحد بس ما فيها قبول ولا رفض ، استغربتا ، وقلت خير الاحد ما بعيد ، المهم جزء من اليوم دا فات كدا م فيهو حاجة تذكر غير اني برسل لعمار يرد علي بعد كم ساعه دا كان رد و رغم انه موجود في الفيس اتغير علي شديد و الحاجه دي مؤثره فيني شديد ، بس قلتا اكيد ماري بي ظروف و حتتعدل بأذن الله ،
و رغده وسلاف طوالي بيتصلو بي كتير لمن بستغرب فيهم بالجد شاماهم شديد يا صمتا التلفون يا عملتو طيران .. فات الزمن و جات الساعه 5 مساء جو ناس نعمه ، طبعا كل دا انا متخيله نعمة واختها و امها كدا او يقضو معانا زمن زي القضيناهو معاهم انا و وجدان ، امنيه جاتني طايرة قالت لي ووووب
ديل جو ، قلت ليها ديل منو ؟؟
قالت لي في شابين قاعدين مع ابوي و رماح و عمي عبدالقادر و راجل كبير كداا ، و صحبة وجدان و اختها ، قلت ليها بسم الله كل ديل مالهم قال متخمخمين كداا ، خلاص انا بمش المطبخ اساعدكم ، قالت لي اقعدي هنا تمشي وين بصراحه ديل شكلهم جاين طالبنك عديل لانو دي قعدة ما عاديه .. انا هنا قلبي دا داير يقيف و اتزكرتا اخو نعمة كرهتهم شديد ، بس و بقيت قاعده لمن اس
ماء جات هي و وجدان قالت لي ، اخو نعمة قال شافك و كلم ابوي انه دايرك ، انا طبعا الكلام دا بقا لي بعيد بعيد لمن اضنيني صنو و قمتا .....
يتبع .....
