Novena Sa Mga Kalag Sa Purgatorio

Ang Pag-ampo #1

ROSARIO SA PASION SA ATONG GINOONG JESUCRISTO

Pagbansay Sa Paghinulsul
Ginoo kong Jesucristo, nagabasol ako sa akong mga sala nga tanan sa bug-os kong kasing-kasing. Nahigugma ako kanimo labi sa nga tanan. Nagasaad ako sa malig-on nga dili na ako makasala pag-usab, ug likayan ko ang mga kahigayunan sa pagpakasala. Amen.

Acto De Fe, Esperanza Y Caridad
Mitoo ako Dios ko, nga ikaw mao'y Dios nga Amahan, Dios nga Anak, ug Dios na Espirito Santo. Tulo ka personas nga gayod ug USA ra ka Dios nga matuod, maayo nga walay sinugdan ug katapusan, manggialamon, matarung, makagagahom, sinugdan ug katapusan sa nga tanan; mitoo ako nga ang atong Ginoong Jesu-Cristo mao'y Dios ug tawo nga matuod nga giaanak ni Santa Maria Birhen, gisakit sa sugo ni Poncio Pilato, namatay ug nabuhi misaka sa langit. Mitoo ako nga moanhi pag-usab sa paghukom sa mga buhi ug sa mga minatay, mitoo ako nga ang lawas sa atong Ginoong Jesucristo anaa sa hostia sa Santisimo Sakramento sa altar. Ug mitoo ako sa tanan nga gipatohoan sa atong inahan Santa Iglesya Katolika Apostolika Romana; Kay ingon niana gipahayag mo Dios ko, sa Santa Iglesya.

Pangilaba
Ibungat mo, Ginoo, ang among mga ngabil, inita mo ang among mga kasing-kasing, hawanan Mo sa tanang mga huna-huna nga mahugaw og walay pulos, hayagan Mo ang among salabutan ug pagdasigon Mo ang among kabubut-on aron sa tibook nga kasing-kasing pangadyeon namo kining Santos nga Rosario, sa mga kaagi sa Imong Santos nga pagpasakit ug pagpakamatay uban sa mga kasakit nga mapait sa iyang Santos nga Inahan, ang Mahal nga Birhen Maria ug dunggon kami sa diosnon Mong kaambong nga mabuhi ug magahari sa walay katapusan. Amen.

Kining napulog usa ka mga pag-ampo nga mosunod balikbalikon sa pagpangadye sa makalima aron mahimong Rosario sa pasion sa atong Ginoong Jesucristo.

1.0 - Maloloy-on uyamot nga Jesus, tan-awa sa Imong mga mata ang kalag sa mga binunyagan nga namatay ka, tungod kanila, namatay ug gisakit Ka sa Krus.

(Kini mao'y ilis sa Amahan namo)

PAGTUBAG: Kaloy-an mo ang mga kalag sa Purgatorio, labi na ang kalag ni (Pangalan sa namatay na tao) na gituyo namo sa pag-ampo.

2.0- Jesus ko, tungod niadtong daghanan nga singot ug dugo nga gisingot Mo didto sa huerto.

PAGTUBAG: Kaloy-an mo ang mga kalag sa Purgatorio, labi na ang kalag ni (Pangalan sa namatay na tao) na gituyo namo sa pag-ampo.