Novena Sa Mga Kalag Sa Purgatorio

Ang Pag-ampo # 4

TUNGOD SA TIMAAN SA SANTA CRUZ ETC.

Ipabongat mo Ginoo ang among ba-ba. Dasiga ang among mga kasing-kasing. Hawani sa mga dautan ug masiwat nga huna-huna. Iwag-i ang among panumdoman ug ipadila-ab ang among buot aron sa bug-os nga kasing-kasing palandungon namo ang mga makuli nga imong giagian sa imong Santos nga pagpasakit ug kamatayon ingon man ang lakad nga mga kasakitan sa imong Santos uyamot nga inahan, aron takos kami dodong-gon sa imong Diosnon ug talahuran nga atubangan nga nabuhi ka ug naga-hari sa walay katapusan. Amen.

Ginoo kong Jesucristo, Dios ug tao na matood, magbubuhat ug manunubos ko. Tungod sa pagka-Dios mo, nahagugma ako kanimo. Labi sa nga tanan. Busa nagbasol na ako ug dako uyamot. Ug naghinolsol na ako sa akong mga sala nga tanan, sa bug-os kung kasing-kasing ug nagasaad na ako ug malig-on nga dili na ako makasala usab ug likayan ko naman ang mga kahigayonan sa pagpakasala. Ug magakompisal ako ug maga-tuman sa mga penitencia nga isugo kanako ug ihalad ko man kanimo ang akong kabudlayan nga tanan nga iga-bayad ko sa akong mga sala nga tanan ug milaom ako sa imong Diosnon nga kaayo ug kalooy nga walay katapusan nga pasayloon mo ako, tungod sa pagpasakit ug pagpakamatay mo sa cruz, ug hatagan mo ako sa imong Santos nga gracia. Nga ika-balhin sa akong mga gawi, ug ika-dayon ko pag-tuman sa mga maayong buhat kutob sa ika-matay ko. Amen. Jesus.

HIMNO SABATAN

Jesus anak sa Dios nga amahan
Jesus bata sa inahang virgen
Jesus himaya sa kalag
Jesus kabuhing langitnon
Kan Jesus ang mga langit
Kan Jesus ang mga Angeles
Kan Jesus ang mga tawo nga tanan
Kay si Jesus ang dalaygon
Kay si Jesus ang ang gugmang ulay
Kay si Jesus ang gahom nga tibook
Kay si Jesus ang Gloria nga dayon Amen.

Daygon ang ngalan ni Jesus sa langit ug yuta.
Dinhi gihapon ug dayon nga dili matapos. Amen.

ORACION

Dios nga makakagahom nga hinatag mo ang imong mahal nga bata nga manunubos sa kalibutan ug ginganlan mo si Jesus. Naga-pangita kami sa imong gracia aron makugi kami ug sa Espirito Santo mabuhi ug madayon gihapon sa walay katapusan. Amen.

(ILIMNO)

Maria, ang palangga sa Amahan.

Maria, ang pinili man sa Dios.

Maria, ang Inahan ug Virgen.

Maria, ang Inahan ni Jesus.

Maria, ang tawo nga walay ingon.

Maria, ang haring langitnon.

Maria, ang Ginoo man sa yuta.

Maria, ang atong dalangpan.

Maria, ang Inahan sa Gracia.

Maria, ang simbahan nga dayon.

Maria, ang sak-an sa Gloria.

Maria, ang sagihapon daygon.

Amen.

(OSARAHAN)

Magtugot ikaw ug mag-dayig ako kanimo Virgen Maria.

SOLO(ORACION)

Nagapakimalooy kami kanimo oh makagagahom nga Dios nga magtugot ikaw sa mga Christianos nga tanan nga naga-salig sa ngalan ug sa gahom sa mahal nga Virgen Maria. Nga tungod nianang pag-tabang nga makagagahom malibre unta sa mga kakulian nga tanan dinhi sa yuta. Ug nga ika-dangat unta sa ika-buhi sa kalipayan nga dili matapos sa langit tungod sa atong Ginoong Jesuschristo nga kanimo ug sa Espirito Santo mabuhi ug mag-lalang gihapon, Amen.

(ILIMNO)

Joseph, ang mahal nga patriarca.

Joseph, ang pinili man sa Dios.