Novena Sa Mga Kalag Sa Purgatorio

Ang Pag-ampo #2

(Mitoo ako etc.)

*Mitoo ako sa Dios, ang Amahan makagagahom, magbubuhat sa langit ug sa yuta. Mitoo ako kang Hesukristo, iyang bugtong Anak, atong Ginoo. Gipanamkon Siya sa lalang sa Espirito Santo ug natawo kang Santa Maria nga ulay. Nag-antos siya sa ubos sa sugo ni Poncio Pilato, gilansang sa Krus, namatay ug gilubong. Minaog Siya sa mga nangamatay. Sa ika-tulong adlaw nabanhaw Siya. Misaka Siya sa langit ug nagalingkod sa tuo sa Dios Amahan, makagagahom sa tanan. Gikan didto mobalik Siya aron sa paghukom sa mga buhi ug sa mga minatay. Mitoo ako sa Espirito Santo, sa Santa Iglesya katolika, sa panag-ambit sa mga Santos, sa kapasaylo-an sa mga sala, sa pagkabanhaw sa lawas ug sa kinabuhing walay katapusan, Amen.

SABATAN

Ginoo Kong Jesucristo makagagahom nga Dios maloloy-on nga walay sanglitanan mahigugma-on sa tao dunggon mo ang mga pag-ampo og pagimanlooy Kanimo sa mga kalag sa purgatorio ug sa mga pag-ampong pagilaba Kanimo sa nan hikalooy kanila nga nag novena aron sila nga tanan pamohian mo sa mocoli nga tood nga bilanggo-an kon mao'y unahon mo ang mga ginsakit pa tungod kanako ang mga hidool ko sa dugo sa mga hinkalimtan og pinamiya-an sa mga tao ug pamawion mo man ang mga hiduol na sumaka sa langit, ug maong labi pa ang gipagimanlooy ko Kanimo ang mga nasakit kanako kaloy-an mo man ang may mga sala nga mortalis aron ilang pag-basulan ang ilang mga sala ug hatagan mo man ako sa Imong gracia aron dili ako makasala ug magsunod ako sa Imong Santos nga buot nga makaayo sa among kalag. Amen.

(2.) Nahaunang ADLAW

Mangadye kita kang Santa Maria Virgen, ug tulo ka mag-himaya ka Hari, ug Gloria patre.

*Maghimaya ka Maria, napuno ka sa grasya! Ang Ginoong Dios maanaa Kanimo; bulahan Ikaw sa mga babaye nga tanan ug bulahan man usab ang bunga sa tiyan mo nga si Jesus. Santa Maria, Inahan ka sa Dios, I-ampo mo kaming mga makasasala, karon ug sa oras sa among kamatayon. Amen.

*Maghimaya ka Hari, Inahan sa kalooy; kinabuhi ug katam-is, ikaw ang gilauman namo maghimaya ka Nagapanawag kami Kanimo, ang mga gihinginlang anak ni Eva. Nagapanghupaw kami, nagaagulo ug nagapanghilak dinhi niining walog sa mga luha. Busa among mag-alampo, ilingi mo kanamo ang imong mga matang maloloy-on ug kon ubos na kining paghingilin, ipakita mo kanamo ang bunga sa tiyan mo nga si Hesus. Ay maghup! Ay maloloy-on! Ay matam-is nga Birheng Maria. (3x)