Novena Sa Mga Kalag Sa Purgatorio

Ang Pag-ampo #3

Novena Sa Santisima Trinidad

Oh Dios ko kaloy-an mo na kami ning among pag-atobang kanimo ug dong-gon mo ang among mga pag-ampo ug ang pag-pangamuyo kanimo kay aron ang kalag namo pasamputon mo sa pag-himaya sa langit Amen.

Sabatan:

Oh Dios nga amahan namo nga miatobang kami kanimo ang makasasala kay magahangyo kami ug ipangamuyo namo ang mga kalag sa purgatoryo nga pasamputon mo sa pag-himaya sa langit kay aron mahimulos sa imong gingharian. Ay Señora wala nay lain ang among sampiton kon dili ang gahom mo, nga ikalooy mo kanamo. O Señor ug imo na kaming hulogon sa Inferno batok sa among mga sala ug nag-patuyang sa mga malaw-ay nga batasan ug mga naga-lunsay sa mga mahugaw nga mga sala ug wala kami magtamod sa imong mga sugo Oh! Señor maga-unsa na kami kon moabot na ang timpo sa pagkastigo mo kanamo. Amahan nga Dios nakaila na kami sa langit ug tanan sa imong mahal nga mga sugo. Oh! Señor pasayloa kami sa among mga utang. Lingi-a ang kalag nga atoa pa sa purgatoryo. Tabangi ug ulian mo sa imong mahal nga gracia nga maputi nga giulay sa porgatoryo. Oh! Señor Dios ko dapita na sa imong gahom ang kalag ni (Ngalan sa Ampoan) ug paatubang sa imong himaya ug gloria. Amen.

Sabatan:

Ginoo kong Jesucristo sa mga kalooy mo atubang kami Señior imong mahal nga atubangan kay maga-hangyo tungod Señior sa imong pagka-mangiloy-on sa mga Cristianos nga mga makasasala nga giulipon sa yawa nga malimbungon. Oh Ginoo, gitubos mo man kami sa imong bililhon nga dugo nga naula tungod kanamo sa mga baliko ug matig-a nga kasing-kasing nga wala magtamod sa mga pagpasakit kanimo kay dili mo nonot sa dalan sa langit. Señior nakita na ang dili namo pagkamasinogtanon sa imong mga sugo kay gibalikan mo man kami sa kastigo nga dili ikag-asoy nga ka-ol-ol nga gibati sa porgatoryo ug ma-arang Ginoo pasayloa ang mga kalag nga gipanankit ug labi pa ang kalag ni (Ngalan sa kalag na ampoan) Ay Señior wala nay lain nga among pangilabahon kon dili ikaw man Ginoo kay ikaw man manunubos dan Señior lingi-a na sa imong maloloy-on nga mata ug dawaton mo man sa gingharian sa langit kay ikaw man ang gilauman sa nga tanan tungod sa paghigugma mo kanamo. Oh! Señior kuhaa na ang kalag ni (Ngalan sa kalag na ampoan) og ang mga kalag nga tanan nga anaa pa sa porgatoryo kay aron mag-dayig sa paghimaya sa langit. Amen.

-SOLO-

Oh Espirito Santo nga ika-tulo ka personas sa Santisima Trinidad moatubang kami Señior kanimo sa paghangyo besan walay lugar sa pag-pangamuyo ug dad-on mo man nga gipabantay kay ania pa man kami sa kalibutan kay gitudlo mo man kanamo ang paglikay sa kahigayonan u gang dalan usab sa langit, gimando man kanamo Ginoo ug ma-arong sa mahal mo nga Gracia panalipdan ang among mga kasal-anan tungod sa imong pag-higugma kanamo. Bawia Ginoo ang mga kalag sa porgatoryo. Oh! Señior kon dili mo kami tabangan, asa naman kami ka dangpon kon dili diha sa imong kalooy. Kay ikaw man ang magbubuhat sa nga tanan. Oh! Espirito Santo nga Diosnon busa kalawata ang among mga pag-ampo. Oh! Dios namo nga mahigugmaon lingi-a ug palingkura ang kalag ni (Ngalan sa Kalag na Ampoan) ug ingon man ang naulipon sa yawa aron mag-dayig sa himaya sa langit. Amen.

Karon mangadye kita ug tulo ka Amahan namo. Tulo ka Requim. Ug usa ka Señior nga Dios binilin kanamo & etc.