دون كمال

11

المكان/داخلي
الزمان/صباحا
يتابع الحلقة 10.....

سكت الجميع واكمل هو كلامه قائلاً: "المهم لوسي صارحة لأسامة بأنها كتخدم لوكالة لأمن الدولي وبما أنو الوحيد لي ستطاع يتقرب من البوص فإن الوكالة الدولية قررت تخدمو معاهم لأن البوص كان حاط عنيه فكل مكان وكان عندو جواسيس فوسط الأمن دكشي علاش مقدروش يحطو حتى شي شخص فعصابة البوص وهكا وافق أسامة وأصبح عضو فالوكالة وتزوج أسامة بلوسي لأنو ما شي غا الخدمة لكانت تربطهم بل اكثر من ذلك وهكا حتى واحد ما شك فيهم بل بالعكس كانوا كيشركو معاه بالجرائم وهذا كان ضمن خطة لي دارتها وكالة الأمن دولي وكلشي كان غادي مزيان غير هو كانوا كيلقاو مشاكل مع رولاندو إبن البوص الكبير لأنو كان كيغير ومكيتيقش فاسامة وكيعاكس لوسي حتى جا وحد نهار وعرف حقيقة لوسي أسامة خاف على ابنو لي عاد تزاد وطلب من الزعيم أنو يسلم لوسي للبوص فمقابل أنو يكتب تعهد وميقربش لابنو وفعلا كاتب الزعيم التعهد وأول ما حصل عليه أسامة بعت نسخ منو لكل زعماء المافيا باش ميقربوش لابنو ومن بعد اخفى ابنو وقتل رولاندو وقبضت الشرطة على العصابة كلها لكن البوص نجى وقتل لوسي أما أسامة لحد الآن معرف حتى شي حد مصيرو خلاصة القصة آا سعادة الضباط هو أنو كمال إبن أسامة افوش"
أستغرب الجميع من القصة التي رواها السيد الابراهيمي عن علاقة كمال باسامة افوش، بعد دقائق من السكوت قال الضابط العام للأمن:
" عمرني كنت نتصور أنو السيد كمال يكون إبن أسامة"
قال ضابط رضى: " ولكن سمحلي اسيدي بغيت نفهم حاجة سي كمال عندو إسم نسب تاني وبحلاش نتا عندك هذا المعلومات كلها بينما حتى حاجة مكيناش فالارشيف"
قال السيد الابراهيمي بصوت هادئ: "أولا كيف ما قلت سابقا أسامة أخفى كمال عن الجميع وتانيا الوكالة مسحت كل السجلات احتراما لأسامة ولشجاعتو ولخدمة الكبيرة لقام بها من أجل محاربة الفساد والوكالة أصلا من الأول كانت كلفتني باش نكون مع أسامة ونعلمو اي حاجة وحنا كلفنا استاذ وائل عربي هو كان عندو علاقات مع الوكالة باش يتكفل بكمال ورباه وكتبوا على نسبو وعاش حتى كبر فتركيا"
قال ضابط العام للأمن: "صراحة هادشي لوقع لسي كمال هد الاسبوع كان غير متوقع لأنو كيف مكتعرف الانتخابات عاد سلات وحنا مابغيناش الصحافة تكبر الموضوع بين المنتخبين"
قال السيد الابراهيمي بكل وقار: "وحتى أنا مبغيت الموضوع يكبر ولانو حتى أنا جاتني ضغوطات من المسؤولين كبار وحتى من الوكالة وكلفوني بالموضوع وكيف مكتعرفو أنا كبرت على الخدمة وماغديش نخلي المكتب ديالي"
قال الضابط العام للأمن: "تبارك الله سي الابراهيمي الوكالة ديالك ديال الحراس الشخصي وكالة معروفة وكل الأمراء والوزراء وكبار الشخصيات من الزبناء ديالك"
إبتسم السيد الابراهيمي وقال بكل تقة: "شكرا لك شهادة كنعتز بيها المهم خاصك تعرف علاش أنا حضرة الاجتماع أنا الصراحة ما بغيت حتى شي ضابط من عندكم يحرس سي كمال لأني عندي شخص من الوكالة ديالي غيكون مناسب لهد المهمة وعندو خبرة في هذا المجال"
قال رضى بغضب : "سمحلي اسيدي ولكن حنا عندنا كفاءة عالية وضباط الشرطة في المستوى"
زفر السيد الابراهيمي و نظر إليه بضيق:" أنا مقلتش معندنا كفاءات عالية بل العكس أنا كوني كنت ضابط سابق لا يعني نسيت المهرات لي خدامين بيها و.."
قاطعه مدير العام للأمن بسرعة لتدارك الموقف وقال:" حتى سي رضى مكيقصدش هو غا متحمس للقضية ممكن نعرف اسي الابراهيمي شكون كترشح فهاد الموضوع"
قال السيد الابراهيمي بكل تقة :" نسيم..."
فوجئ الضابط العام للأمن من الإسم وتصبب عرقا فرغم رقة الإسم إلا أن من يحمله فهو عكس الرقة تماماً
قال ضابط رضى:"نسيم!!!! شكون نسيم معمر كان هاذ الإسم بالدفعة ديالي"
هذه المرة قال السيد الابراهيمي بكل إفتخار إعتزاز: "نسيم الابراهيمي أمن الدولة وهي حفيدتي"
.....