حب مستحيل

قبل اللقاء

في احدي القصور في انجلترا لعائلة فايد هم بالاساس اسرة مصرية جائت الي انجلترا قبل عشرون عاما مع اسرة اخري وهم عائلة مكاوي ليعملون بانجلترا ولكن حدث بينهم بعض المشاكل مما تسبب بالعداوه بينهم... المهم كانوا يجهزون لاستقبال ابنتهم القادمة من سويسرا وكانت تدرس هناك ولكن قد حان الاوان للروجع لاهلها.

وصلت الينا للبيت.. عندما رأت امها احضتنها
الينا: ماما وحشتني اوي
نجوي(امها): انتي الوحشتني اوي كده كل ده تغيبي عني مش هسمحلك تسافري تاني وتبعدي عني
الينا: مش هسافر تاني قعده علي قلبكم

وهي تحضن امها نظرت الي ابها وتركت امها وذهبت اليه لتحضنه هو الاخر
فايد: البيت نور بيكي ياحبيبتي
الينا: عارفه عارفه😂😂
فايد وهو يضحك: لسه لمضه زي ما انتي ، يلا اطلعي اوضتك استريحي و نشوفك علي العشا
الينا : اوكي

صعدت الينا لغرفتها فقد دخلت في نوم عميق من تعب السفر وقد استيقظت علي صوت احدي الخادمات في القصر لتنزل الي العشاء وقد ارتدت فستان نيلي كعادتها انيقه

*العشا*

الينا: صباح الخير
نجوي: صباح ايه الساعه 9
الينا: وات يفر بقي يا مامي
نجوي: ماشي يا لمضه
فايد: نمتي كويس
الينا: اه بابا
فايد:ماشي ياقلب بابا
فايد: احنا قدمنالك في مدرسة هنا عشان تكملي دراستك وتقعدي معانا
الينا: دي الفيها ديما صحبتي
فايد: ايوة عشان متبقيش لوحدك
الينا: ايوة بقي يا احلي بابا
نجوي: وانا ايه يعني ما انا القولتله
الينا: وانتي كمان يا احلي ماما، انا هقوم اكلم ديما عشان اقولها 

انهت الينا
العشا وقامت الينا لتكلم صديقتها ديما لتخرج معاها .
كانت ديما لا تعلم بوصول الينا علي انجلترا.
*تتصل الينا بها*
الينا: يا مساء الخير علي احلي ديما
ديما:  الينا وحشتني اوي يازفته هتيجي امتي
الينا:  تعاليلي عند البيت وهتلاقيني
ديما:  ده بجد
الينا : ايوة انا هنا من الصبح
ديما: جيتي منغير متقوليلي
الينا: قولت اخليها مفجأه
ديما: ماشي هعديهالك ثواني وهكون عندك
الينا: مستنياكي

ننتقل لمكان اخر في نفس المدينه علي بعد شارعين من بيت الينا نجد قصر اخر تجود فيه عائلة مكاوي وابنهم يوسف الذي دائما يفتعل المشاكل في كل مكان حتي مع عائلته

مكاوي: كام مره اقولك ابعد عن المشاكل
يوسف: يا بابا واحد بيضايق صاحبي مدفعش عنه
مكاوي: ما انتو لو مش بتروحوا الاماكن الزباله دي محدش هيضايقوا
يوسف : احنا كنا سهرانين عادي
مكاوي : لو عرفت انك روحت المكان ده تاني هيبقي فيه عقاب شديد
يوسف: حاضر انا خارج
مكاوي: تاني
يوسف: متخافش هتمشي قدام البيت

كلم يوسف صديقه مالك ليخرج معه في احدي الكافيهات.

قد وصلت ديما لبيت الينا و حين تقابلوا فكان يوجد الكثير من البكاء والاحضان

ديما: كده تغيبي كل دا
الينا: خلاص جيت اهوه ومش همشي تاني قعدالك وهبقي معاكي في نفس المدرسة
ديما: بجد ده احنا هنخربها 😂😂
الينا: ما تيجي نخرج نتمشي شوية وحشتني لندن
ديما: let's go baby

لقد كانت الينا ويما يسيران في احد شوارع لندن فقد رائوا والدان

ديما: الينا الينا
الينا: ايه يبنتي
ديما: شايفه الوالدين دول
الينا: لا مش واخداه بالي😂😂
ديما: يارخمه دول معانا في المدرسة
الينا: اعمل ايه يعني
ديما: تصدقي انتي رخمه
الينا: ميرسي
ديما: طب يلا يلا عشان شوية وهضربك😂😂

علي الجانب الاخر يوسف ومالك

مالك: ايه ده ايه القمرتين دول
يوسف: فين دول
مالك:  يبني الماشين هناك اهوه
يوسف: اه حلوين
مالك: اه حلوين!!  تصدق انك مش بتفهم
يوسف: سبتهولك الفهم ده
مالك: ده انت تسد النفس😒
يوسف: طب يلا بقي
مالك: يلا😒

استمتعوا كل منهما بوقته وعادوا لبيتهم

فقد كان موعد الدراسه بعد اسبوع من وصول الينا الي انجلترا فكانوا يستعدوا بكل حماس كل من الينا وديما اما يوسف فكان يكره المدرسة!!

بعد مرور اسبوع حان وقت ذهاب الينا للمدرسة فهي طالبة مستجدة وعادة ما يلقي الطالب الجديد اهتمام وفضول من كل الطلاب ان يعرفوا من هو فعرفت المدرسة بقدوم طالبة جديدة وعندما دخل المدرس الفصل ليقدم الينا !!!

"خلص البارت "

ايه الهيحصل لما يوسف يشوفها ؟
ازاي هيستقبلوها الطلاب؟

هنعرف في البارت التاني
عايزين القصة تبقي باللغه المصرية كلها ولا باللغه العربيه ولا اكمل زي ما انا ؟
واحب تقولولي رائيكم واكمل ولا لأ