غيبوبة!

الاول 🐾

ضلمة الليل و مفيش مصدر نور غير القمر 
بيت فخم و كبير من دورين في القاهرة ..

من بعيد ، شكله كأنه زي اَي بيت تاني ؛ هادي و الي فيه عايشيين في سلام..

لو قربنا شوية ، هنسمع صوت صويت مكتوم و وقع خطوات حد و وهو بيجري..

وقع خطوات بنت شابة بتجري في الحديقة الأمامية الكبيرة الي برا البيت..

#هي

جه ، انا كنت عارفه انه هيجي.. و هينتقم !

بصيت ورايا
اختي فين؟؟ كانت ورايا حالا!

.
.
.
صويته قطعت سكون الليل
.
.

ده صوت اختي!
ناديت عليها بأسمها بأعلى صوت عندي

بس ، زي ما توقعت ، هي مردتش

صوتها كان  جاي من الحديقة اللي ورا البيت
ف طلعت اجري بسرعة عشان أوصلها ..

بس المسافة بين الحديقتين كان كبير

و ساعتها اكتشفت اني انا بكره كُبر بيتنا !

.
.
راجل: "هتعطيني اللي عايزه حالا!"

كان واقف قدام اختي و متعصب جداً
مش عارفة اشوف وشه
و من توتري ، مش عارفة أميز صوته..

اختي ردت عليه : "أبدا!"

بص عليها و عينيه بتطلع شرار
و قرب مسدسه لحد ما بقا على جبهتها بالضبط!

"سيبهاا" مقدرتش اسكت و صوتّ بأعلى صوت عندي

الراجل بص ورا عليا، و شكله ساعتها؛ عمري ما هنساه

الراجل قال بنبرة كلها تهديد و هو بيبصلي :"اعطوني حقي!"

اختي بصتلي ، و للحظة ، معرفتش اشوف في عينيها لمعة الامل الي دايماً بتبقى موجودة .. اللمعة اتطفت

اختي بصت للراجل تاني و قالت بصوت حاد  :"ده عمره ما كان حقك"

في اَي وقت تاني كنت هبقى متطمنة لأنها معايا و لأن صوتها بيطمني دايماً ..
بس المرادي، مقدرتش الاقي الامل الي في صوتها ، بدال الامل كان فيه كسرة.

بصيت عليها و انا عايزة ازعق فيها ، ليه اتكلمتي! ليه!!

الراجل بصلها تاني :"يبقوا استحملوا اللي هيحصلكم!"

.
.
صوت طلقة مسدس
.

.
صويتة اختي ملّت المكان....مقدرتش اصوت من الصدمة، لقيت نفسي بتراجع و انا مش حاسه بنفسي بعد ما الدنيا كلها بدأت تدور ...

و كل الي انا سمعاه هو صويتة اختي قاعدة بتتكرر في دماغي
مش قادرة ابص عليها ..
مش عايزة ابص عليها

الراجل كان بيقرب عندي
لاء ، مش هخليه يموتني!

الراجل وطى شوية و قال :"ده جزاءكم، هتعطيني حقي ولا تموتي انتي كمان؟!"

"لاء! مش هعطيك حاجه"

.
.
المسدس بقا في وشي انا
.
.

من كتر خوفي وقعت على الارض!
عيني جت على اختي، كانت على الارض.. كلها دم.

.
نور عالي جدا
.
صوت راجل تاني
.

الراجل التاني:"متفقناش على كدا!"

و الجمله ديه، كانت اخر حاجه سمعتها..
و اختي الميتة على الارض،  كانت آخر حاجه شوفتها ؛ بعد ما واحد من الاتنين خبط مسدسه في دماغي جامد

.
.
الدنيا ضلمت
و معدتش حاسه بحاجة

————————————

هولا👀🍃

عدلت فيها كتيير🙄👏🏻

كان نفسي انزلها امبارح في اول يوم عيد و كدة بس انا حرفياً شوفت واحد بيموت قدامي..

الكوڤر الجديد manoo_30 هي الي عاملاه عشان كدة طلع عظيم اوي 🌸❤️❤️

رآيكوا؟

فلتسحقكم السلامة 👀🍃

Ahd_hassan
fdwrtjnbvnkotfvn
HM_HaGaR
Xx_mena54_xX
habibaali22