غيبوبة!

الرابع 🐾

Apology accepted..
Trust denied.

شكرًا على الكومنتات، كلموا كدة بقا🌝😂

~~~~~~~~~~

#غدير

حسين:" دي دوكتر حبيبه، هتبقى الدكتور النفسي بتاعك"

كويس جدا! انا اصلا كنت حاسه، استغربت لما جه يعتذر..حسين طول عمره بيعاند في كل حاجه و لما بيحط حاجه في دماغه يبقى لازم تحصل..

قعدت كويس على السرير و بصيتله و قلت :"حسين، عارف حاجه؟ انت طول عمرك بتقول ان الصحاب لبعضها و كده و الكلام ده... صح معاك حق، بس مش لدرجه انك تعتقد ان انا ممكن أبقى مريضه نفسيه عشان رحت في غيبوبه!"

حسين وقف من على الكرسي عشان حبيبة تقعد بس هي مرضتش ف فضلوا هما الاتنين واقفين و كل ده و حسين بيقول ::" انتِ لسه مصدقه ان عهد موجوده و بتكلمك! ده يبقى ايه؟! دي حاله نفسيه! انا عارف ان عهد اختك و كل حاجه بس خلاص انسيها! مش هنفضل متمسكين بالماضي و ننسى ان فيه مستقبل قدامنا!!"

بصيت لدكتور حبيبة و ابتسمت براحة و قلت : "دوكتر حبيبه ، انا أسفه على اللي بيحصل ده، و اعتبريني مريضه عندك من انهارده" كلمتها بكل هدوء ما هي مش ذنبها في اللي بيحصل ده!

و حسين لما سمع اللي انا قلته اندهش، هو فاكر اني كنت هقول لاء.. بس انا هوريه اني عاديه جدا و مش عايزة لا دكتور نفسي و أني مش هبلة

طول عمري بكره الناس الي بيفتكروا ان الي بيروحوا لدكاترة نفسية بيبقوا مجانين !
دول مش ناس مجانين، دول ناس فهموا الحياة اكتر من الباقي لحد ما تعبوا.
ناس فهموا الواقع فقرروا يطلعوا الي جواهم لحد تاني، مع انهم عارفين ان ده مش علاج بس هما محتاجين يحكوا لحد و خلاص

أيه اسوء حاجة يعني ممكن تحصل لو راحوا لدكاترة نفسيين؟
الناس هتقول عليهم مجانين؟

لو كدة، فالناس كلها مجانين، بس بدرجات مختلفة.

كلامي مش متناقض لاء
أنا عارفة أني مش عايزة اروح لدكتور نفسي بس بقول ان الي بيروحوا ناس فهمت الحياة

سبب أني مش عايزة اروح أني حاسة ان حسين مش مصدقني
بيبصلي بشفقة

و أني أوافق أني اروح لدكتور نفسي أبقى كدة بأكدله انه صح و أني مش كويسة حسب كلامه
بأكدله ان شفقته صح

بس ممكن
بس ممكن ، يكون معاه حق..

د. حبيبه ضحكت و قالت :" هتشرف بيكي يا غدير...بس انتي مش مريضه عندي اعتبريني اختك الكبيره... ااا اقصدي صحبتك يعني .. و كمان قوليلي حبيبة عادي" كانت بتضحك و هي بتكلمني و هي فعلا شكلها عسوله أوي و هتعود عليها