غيبوبة!

الثامن 🐾

once i catch you in one lie, i'll start questioning everything you said to me!
~~~~~~~

قعدت على الكنبة و انا ببص على الطاولة، كان عليها كل صور عهد؟!
"شغل أيه يا محمد؟! انت مطلع كل صور عهد ليه!"

محمد و هو بيقعد قصادي :"عشان عايز اشوف من امتى شكلها بدأ يتغير! بصي يعني في الصورة ديه وشها اصفر ازاي!"

بصيت للصورة و انا بقول : " معاك حق، تعرف حاجة؟ انا عندي احساس انها كانت حاسة ان في حد بيكرهها!"

محمد:" بجد؟!"

"اصلها كانت عايزه تسافر و كاتبة مذكرات و كدة!"

محمد سكت شوية و بعدين قال و هو بيبص بواحدة من صورها :" انا بجد مش عارف هي ليه محاولتش تقولي لو كدا! حتى لو كأخ "

"محمد.. متزعلش،  انا اختها و هي مقالتليش حاجة! و بعدين هي في مكان احسن دلوقتي"

محمد :"طب يلا عشان اوصلك لبيت حبيبة أو رامي و هاجر" و قمنا و نزلنا من العمارة و ركبنا العربية و محمد بدء يسوق

في النص طريق قولت فاجاة : "لا لا وصلني لبيت حبيبة "

محمد بصلي في المراية باستغراب :" ليه يعني مش عند رامي و هاجر؟! هو إنتي بتتجنبيه؟"

"لا، اصل يعني متجوزين و كده و هاجر حامل و مينفعش يعني انت عارف"

كدبت عليه
تاني
و بردو معرِفش

محمد وهو بيضحك:" عقبال اما تتجوزي إنتي يا دودو "

بصيتله بقرف : "بس يا هاني، جواز ايه انت كمان، أصلا مبفكرش في كده خالص!"

محمد: :" طيب يلا شغلي أغنية ولا حاجه"

"فاكر لما كنّا بنسافر شرم الشيخ مع عهد و الباقي و نقعد نشغل أغاني و نغني طول الطريق؟ كانت احلى ايّام في حياتي، كنت ساعات اسرح و اقعد أفكر ان أنا عندي أحسن حياة و اشكر ربنا على كل حاجة و كنت أفضل أفكر في الحاجات اللي هنعملها مع بعض بعد كده من غير ما أفكر ان اَي واحد منا ممكن يموت فاجأة!" هاني بصلي و كان بيضحك براحة و بحزن

محمد:" ايوه فاكر، و عمري ما هنسى، بس تعرفي حاجة، أنا مش عايزك تزعلي! مع كل إليّ حصلك ده و لسة برده بتحمدي ربنا على كل حاجة حصلتلك، و زي ما إنتي قولتي، عهد في مكان أحسن... و صدقيني، هنلاقي إليّ عمل/ت كده!"

كنّا وصلنا عند بيت حبيبة خلاص

نزلت من العربية و انا بقوله : "شكرًا بجد يا محمد... انت اخويا الكبير و برتاح لما أبقى معاك و بتضحكني حتى و أنا زعلانة، أنا بجد فرحانة أني اعرفك و عمري ما هنساك حتى لو أيه حصلي، و كفاية محن بقا سلام" و ضحكت في الاخر