غيبوبة!

التاسع🐾

the minute you think of giving up, think of the reason why you held on so long😪💙
~~~~~~~~

#غدير

صحيت بعد الحلم الغريب ده! معقول يكون بابا و عهد مخبيين عليا حاجة!!

بصيت جنبي لقيت حبيبة نايمة و فاتحة بوقها
ف رحت قعدت ازق فيها براحة و لما مصحيتش زقيتها جامد و انا بعلي صوتي

"حبيبة... حبيباااا"

حبيبة اتنفضت و وقعت من ع السرير بس قامت بسرعة و هي بتبص حواليها و بتقول : " ايه؟ ايه !؟ قمت اهو!"

ضحكت براحة و قولت : "حلمت تاني..عهد و بابا مخبيين عليا حاجة "

حبيبة و هي بتقعد كويس ع السرير : " هيكونوا مخبيين ايه يعني، يا غدير بصي انا مصدقاكي بس مش اَي حاجة تحلميها تبقى بجد!"

بصيت على ايدي : "لا لا في حاجة انا معرفهاش "

حبيبة بصت ع الساعة و قالت في هدوء قاتل : "غدير؟ بصي الساعة كام..."

بصيت على الساعة و بعدين بصيتلها و قولت بصوت عالي : " يلاهوي! ديه اتنين الظهر! معقول احنا تعبانين للدرجة ديه!"

حبيبة بصتلي بقرف و قالت : " ده بدري اوي!"

سكت شوية و رفعت حاجبي و انا بقول : "نعم؟"

حبيبة ضحكت ببلاهة :" اصل انتِ كل مرة بتمشي قبل ما انا بصحى و انا عادةََ بصحى الساعه خمسة"

سكت شوية غمضت و فتحت عيني و ضحكت بسخرية : "نعم!؟ طب بقولك ، مش احنا ما وراناش حاجة النهارده، و النهارده الجمعة؟"

حبيبة سكتت شوية و بعدين قالت :" اه، ليه؟ اصل انا احتمال مبقاش فاضية! "

رفعت حاجبي : "هيبقى وراكي ايه يعني؟ هنعمل زي اَي يوم جمعة ! لما كنّا بنخرج انا و انتي و عهد وهاجر "

حبيبة بتردد :" ااا ..ماما كانت عايزاني أجيبلها حاجات من السوبر ماركو و كده...بس انتي متأكدة ان هاجر هتبقى فاضية؟ او هتقدر تيجي اصلا؟ دي في الشهر السادس!"

"هتصل اسألها..."

•
•
المكالمة

غدير :" ازيك يا هاجر... اخبارك انتي و رامي و البيبي ؟"

هاجر بحب :" غديييير... وحشتيني اوي، كويسين والله "

غدير:" بقولك يا هاجر، انا كنت عايزه اخرج بس حبيبة مشغولة، فقلت أسألك لو انتي تقدري تخرجي معايا؟"