غيبوبة!

الثالث🐾

من سيعرف حروبك القاتمة، و في وجهك كل هذا السلام؟ 🐾

ما تعملوا كومنت يا جماعة! متخلونيش أندم أني سيبت مسافة بين الأسطر و عدلت القصة!! 🙂

~~~~~~~

صحيت على صوت بره غرفتي اللي في المستشفى.
أو يمكن انا كنت صاحيه اصلا قبلها... مش عارفه، حاسه اني لسه في غيبوبه! حاسه اني ميته

ممكن دي الممرضة؟
لا ده صوت راجل
الدكتور؟

رامي دخل و ورآه هاجر، هاجر اللي زي اختي التانيه و اقرب واحده لعهد
عهد الله يرحمها

رامي دخل و قعد على الكرسي الي جنب سريري و قال :"ازيك يا غدير اخبارك ايه؟"

هاجر دخلت و باست راسي و بعدين قعدت على اخر السرير  :"إنشاءالله تكوني اتحسنتي عن امبارح"

"انا كويسه متقلقوش" و ضحكتلهم.. مش عارفه ليه بحس بالذنب كل ما ابتسم أو اضحك! انا خسرت اختي، شفتها بتموت! و برده بضحك! هو انا شخص *** و معندوش دم للدرجه ديه؟!

فاجأة حد هزّ ايدي الشمال و قال :"غدييير؟ انتي سرحتي في إيه يا بنتي؟؟"

لاحظت اني سرحت في افكاري من رامي، بصيتله و قولت : "اه، اه فيه ايه؟ معلش مركزتش"

هاجر قامت لقدام شوية و حطت ايدها على ايد رامي و قالت :"رامي حبيبي، ينفع تسيبني مع غدير شويه؟" سألته و هي بتضحكله

بحب اوي تعاملهم مع بعض، بيفهموا بعض من نظره، بجد أحسن اتنين متجوزين شفتهم في حياتي! انا كمان عندي أخت بتفهمني

كان عندي..

نفس الصوت قطع تفكيري ، صوت رامي ، هو الواحد ميعرفش يفكر في اخته الميتة في سلام!!؟

رامي :"غدير؟؟ دي تاني مرة تسرحي يا حبيبتي! على العموم انا هسيبك مع هاجر هي عايزه تكلمك" و قام وِقفِ و هو بيتكلم

"شكرًا يا رامي على اهتمامك بيا" ابتسمت، بس مسكت نفسي بسرعة.

رامي:"متنسيش اني زي أخوكي الكبير برده" و ضحكلي، عينه قلقانه...أكيد بسببي، انا اصلا اللي عملت فيهم كلهم كده!