بيني وبين سعادتي بحر عميق
والناس حالوا بين قلبي والطريق
فلكم أعالجهم وبي سقم الضنا
ولكم أنجيهم وكنت أنا الغريق
يا رب إن ضاقت قلوب الناس عن ما فيا من خير فعفوك لا يضيق
مثلت عليهم اني رضيانه و خلاص حعمل كل العايزنو و بدت طقوس العرس حبست العروس والشيله والقصص دي وايفان اختي كانت جات مشت هي وخالتي اشترو الشيله و انا حبسوني خلاص الطقوس السودانيه البحته وانا كاني بتولع فيني نار ببكي و فاكرن بكائي من فرح ولا من فراق بكائي علي نفسي
اااااه يا خالد اعزي علي نفسي ولا اعز نفسي بيك
و كل ما كان يقرب يوم المحدد لي كان بقرب موتي علي،، ما كان في اي كلام بيني وين خالد في الفتره دي غير مره وحده بس اتفقنا علي الجرتق القالو الناس الكبار وخلاص،،،
طبعا جيهوني جيه لمن بقت تعجبني نفسي ههه اخخخ ابكي و اضحك فضل 3 يوم جاء خالد لكن ما تلاقينا نظام عادات السودانين ( عاداتنا السمحه لو بجد كنت انا عايزاها) بكره كانت عزمتو هو و كان يوم حنتي انا وكدا مشيت من الصباح انا والبنات الكوفير و اتحننت واي شي بقي تمام و حبيت نفسي با شكل ( بس الحمدلله كنت واثقه ان مجرد شكل بالنسبه لي) رجعنا البيت و دسوني جوووه و ما خلو خالد يلاقيني غايتو انا الضحك شرطني سرقت تلفون ايفان اتصلت على خالد قلت لي شفت الحركات دي كيف 😂😂😂
قالي يا عروووس لازم يعزوك و يقتلوني انا بالشوق
خجلت من كلامو لان انا متصل علي اهظر الفي القلب ما اتغير
قالي ساكته مالك
قلت لي انا قلت اضحكك الناس ديل عايشين الدور
قالي وانا زاتي عايش
قالت لي خااااااالد نحنا قلنا شنو
قالي انت تامر يا جميل بهظر معاك مافي شي بالغصب
و قفلت منو علي كدا وقضيت يومي في المصلايه بصلي وادعي لان كنت خايفه ( الا بذكر الله تطمئن القلوب) لحدي الصبح صليت و قريت قران و رقدت شوي و الناس بقت تجاره وتجهز للجرتق بعدين وايفان جهزت لي شنطتي طبعا انا لا شفت الشيله الجابوها ولا عارفه عنها حاجه العملتو هدومي و بجماتي القديمه ختيت في الشنطه بعد ايفان جهزت،،، واليوم دا جرا اسرع من البرق و انا قلبي بخبط،، جات ايفان مكيجتني و انا ابكي يخرب تاني تعيدو يخرب تاني تعيدو لحدي ما دموعي براهم جفو جهزوني الجدله والثوب والحال عروس عروس 😂😂😂😂 غايتو انا لكن ماعندي اي احساس و قبل خالد يجيني اتصل على تلفون قالي
انتي طفلتي الصغيره يعني بتي و اختي و حبيتي و مرتي شفتي الترتيب دا لحدي ما اصل مرحلة مرتي انتي في عيوني افهمي دي
