بسرح فيك،،، وبتخيلك،،،، وبشتاق ليك
وانا جنبك
كان بتكلم معاي وانا بعاين للكلام البطلع منو بعاين لي جوووه خشمو و بكون بتبسم ما سامعه بقول في شنو لان انا سارحه فيهو عدينا ايام جميله 15 يوم لكن اصحاب واخوان وابس نتونس و نطلع و نضحك و نبرمج و المفروض طبعا اي عروس بعد شهر العسل ترجع اهلها ( دا المفروض يعني ونحنا ماشين بالعادات دي و السر البينا مافي زول عارفو) اها قلت لي انا شتقت لي ناس امي واخواني وديني رغم اني كنت خايفه من سؤال امي لي ( وانتو عارفين) والخوف كان ظاهر علي قالي اصلا مفروض نمشي بعد كدا ليهم بس قالي تعالي نتكلم
جيت قعدت جنبو ضماني علي وقالي البينا في البيت مني و منك مابطلع لو شنو ما حصل باس يدي و قالي راسك ديما مرفوع فاهماني حتمشي لي امك و طمني اي شي تمام فهمتي وانا ما الراجل البغسل مرتو في الشارع،، كفايه علي انتي جنبي وانك مرتي تاني البجي منك كلو طيب وانا ما عايز شي غير انك تفهمي خالد و تحسي بي،،، قعت ابكي كلامو وجعني شديد قلت لي اعفي و سامحيني وانا ما قاصده اجرحك ولا اقلل منك لكن،،،قفل لي خشمي با يدو وقالي ووووش انا ما داير اسمع منك مبرر ننو انتي بتي يعني انا عارف انتي بتعملي في شنو خلينا نقفل الموضوع دا و زي ما قلت ليك بعد بكره نمشي و البحصل جوه بيتنا بنقفلو هنا اتاكدي من دا
اطمنت من كلام خالد وقلت اكيد الايام حتخليني اعرف اكون زوجه لي بس محتاجه وقت لان ما ساهل علي من اخوي يبقي راجلي،،، قالي البسي نمشي السوق نشتري هدايا لي الجماعه كلهم،، قلت لي مافي داعي ياخ نحنا ما سافرنا،، قالي عيب مامشكله زي السافرنا مش نحنا مبسوطين معنها سافرنا،،،
وكل مره بكبر في نظري وانا بصغر في نظر نفسي
طلعنا مشينا السوق و انا كنت بتفرج علي وهو بشتري لي اي زول من اخواني ولي امي الحجات الهم بحبوها بتفرج علي و ببكي و نعل نفسي وماعارفه جواي في شنو مانعني منو خلصنا السوق و رجعنا البيت،، كنت مبسوطه شديد،،، قالي بكره ناخدو راحه و بعد بكره نسافر،،، وستمر اليوم بينا ونسه لمن نمنا ( واتعوت انوم مع خالد في غرفتو و مخلين غرفه النوم فاضيه)
بغالط نفسي في عايزاك،،، وما عايزاك
عايزه قربيك،،،، خايفه بعدك
عايزه حبك،،،، خايفه احبك
عايزه ودك،،،،، خايفه جرحك
صحيت من الصباح اجهز و ارتب علي اني ماشه ناس امي وانتصلت كلمتهم و فرحو شديد و ناس خالتي كانو قاعدين معاهم منتظرننا نجي عشان يسلمو علينا ويسافرو،،، خالد بعد صحى قالي ارح اوديك الكوفير ظبطي نفسك و ما تحرمي نفسك من شي انتي جميله وانا عجباني كدا لكن نعمل شنو في امي وامك هسي يسئلوك الف سؤال،،، وداني الكوفير عملت شعري و وشي ما خليت شي ما عملتو عزه شديده ههههه بس ما تحننت قلت امشي لي امي احسن المهم خلصت و جاء ساقني و و تكيف شديد من التغير العملتو ( و طبعا الكلام الحلو دا حقوووو و يخلو لي) قالي حلاتك ذادت يمه بخاف عليك ما يسحروك،،، هههه قعت اضحك قلت لي ما تخاف تاني مافي زول بعاين لي،،، قالي انا ما كفايه،،، اممممم اتلبكت و اتوترت و فشكلت و جاطتي فيني المهم و صلنا البيت و بكره من الصباح قمنا طلعنا،،، ولمن وصلنا ناس امي لقيناهم مجهزين الضبايح والكرامه و الحال والدنيا،، وقعدو يبكو معاي و كنت محتااااجه لي حضن امي بكييييت و خالتي كمان بكت معاي كدا و اخواتي و قعدنا نتونس وبدت التلميحات والأسئلة الما مباشره و انا عملت في خجلانه وابديت علامات الرضا خالتي قعدت تزغرد (🙈🙈عالم مسخرررره خجلت شديد) و بهناك خالد فهم ان الزغرود سبب شنو اديتم الهديا الجاب خالد و امي زعلت قالت لي يعني جاء خالد رضها و باسها ( اتاري الهديا دي اتفاق بين خالد وامو) اريييييته نسيبتي،،، كنا بايتن مع ناس امي قالت يحننوني و ماعارف الامور حقتم دي نمنا من الصباح بدو لي برنامج الحنه والقصص و طبعا رفضو اني اقعد اكتر من كدا عروس وارجع طوالي وانا اعاين لي خالد وخالد يعاين لي و نضحك المهم رجعنا منهم و حياتنا مشت عادي وخالد نزل شغلو وانا مارسته حياتي في البيت عادي لكن مافي زول متجاوز حدود و خالد كان اذا عمل اي حركه انا ما اتقبلتها بتجاوزه وتاني ما بعيدا وانا كنت بحترمو شديد عدينا 3 شهور بالحالة دي لمن خالد،،، قال لي رئيك شنو نسافر نغير جو،،، وافقت طبعا لان كنت محتاجه للحته دي،،، والصراحة قلبي مال لي خالد لكن الخجل واقف بيني وبينو و كوني اصرح لي دي كارثه و تصرفاتي زاتها ما قادره تعبر لي عن شي،،، جهزنا حالنا و سافرنا جنوب الهند مدينه اسمها (كيرلا) نزلنا في منتجع بستان الشاي والهيل و دا كان اختياري كنت اتمني ازور البستان دا
عبارة عن اكواخ معموله من جزوع شجر الشاي والهيل تشوف من بره كان كوووخ بس من جوه دنيا تاني عالم 3D حاجه رووووووعه و انا كنت مبسوطه فرحتي ما قادره ادي لي زول خالد كان براقب في الفرحه دي و براقب عيوني و المعه الجواها شكلو يادوب فهم بعد ارتاحنا اول يوم بليل طلعنا قعدنا علي ضوء الشموع في قعت جزوع الشجر بدينا نتونس و بدا يحكي لي عنا الفتره القعدنها دي كانت قدر شنو مهمه ان نقرب لي بعض وانا جد حبيييييتو سئلني قالي يا ننو انا حاجه بالنسبه ليك،،،، خجلت و سكت،،، كرر سئلو و مسك يدي،،، قلت لي انت حجات مش حاجه،،، قالي عاينتي لي خالد من جوه
قلت لي،،، اعفي لي لو ظلمتك لو جرحتك لو نقصتك حقك اعفي لي،،، انا كنت محتاجه لي زمن،،، وانت اديتني الزمن والراحه والامان و الدفاء والحنان
قالي،،، بحبك يا يمه
قلت لي وانا كمان
قالي: اسمعه ولا كتيره علي خالد
قلت،،، عمري شوي عليك
قالي،، قوليها
قلت،،، ما حسيتها
قالي،،، محتاج اسمعه
قلت،،، ماشفتها
قالي،،، محتاج المسه
قلت،،، بحبك
قالي
بديتك
مشيتك
هويتك
عشقتك
ملكتك
الباقي تموووو خيال
اتعلمنا من ندر القسوه و القلب الجامد و الموقف الواحد والراس المطبل ( انا شافها من حقها ما خيروها ولا استشاروها) لكن المفروض لمن اتختت في الحته دي اعاين للزول المعاي هل بستاهل هل اتغير عشان اعاين لي من جوه عمرها السطحيات ما كانت بتدي حقيقه انسان
اما خالد ( ييييمه عليهو) اتعلمنا من الصبر الوفاء الاخلاص العزيمه الاصرار التحدي و وصل رسالتو الي هي حبو ليها
كنتي طفلتي،،،، صغيرتي،،،، امي،،، اختي،،، حبيبتي،،،
زوجتي،،،،، ام اولادي
........ الـنـهـايـة ........
