المهم اتغدينا ده زاتو م غدا قولو اتعشينا الساعه كانت 10 و حاجة يسرى شالت الحاجات غسلت العدة امي قالت لي تعالي لمي معاي حاجاتنا قالت لي حاجاتك انا و ابوك خليها بنظمها انا💕شيلي حاجات مايا نظميهم ليها كويس 💞المهم شلتهم ختيت ليها ملابسا في الدولاب ونظمت ليها غرفتا يعني دايرة اقول ليها تعالي شوفي غرفتك لقيتا نااايمة ف الكنبة قدام التلفزيون 💔💔 التلفزيون و شلتها وديتا غرفتا غطيتها قفلت النور و طلعت مشيت لامي قلت ليها انتهيتي؟قالت لي بس فضل لي الاحذية تعالي اعمليهم معاي مشيت نظمت معاها اي حاجة قالت لي يلا المطبخ ننظمو مشينا لقيناو منضف و منظم شكلها دي يسرى امي قالت لي بكرة كان م عندك حاجات مهمة ف الجامعه م تمشي عشان مع الارهاق م حتقدري تستوعبي حاجة طبعا انا م صدقت قلت ليها بكلم بس صحباتي يسجلو لي المحاضرات 😪 الساعة كانت 12 فتحت التلفزيون م لقيت حاحة سمحة بادية💔امي قالت لي افتحي ام بي سي ون فتحتها ليها لقت اعادة مسلسلها قعدت تحضر انا مشيت غرفتي قلت مدام بكرة م حأمشي الجامعة و انا اصلا م نعسانة اساهر الليلة لي زمن من السهر بتاع الصباح ده فتحت التلفون الشبكة ف غرفتي كانت عاملة E طلعت بيهو الهول امي قالت لي مالك قلت ليها الشبكة عندي كعبة قالت لي الا تمشي البلكونة قلت ليها دي حالة دي😪المهم مشيت البلكونة لقيتا قصاد بيت ناس ميادة طوالي و كان في غرفة انوارا مفتوحة ، المهم جبت لي كرسي و قعدت بعد شوية حسيت في زول واقف ف الغرفة بعاين لي💔💔عاينت برااحة القاها ليك ميادة💞💞نادتني قالت لي ميمي كيفك😄قلت ليها تمام 💕💕 كان فاصلنا من بيتهم شارع صغير بتاع تراب قالت لي احتمال نجيكم بكرة😉قلت ليها تشرفو ف اي وقت💓💓 قالت لي اوك تصبحي علي خير قلت ليها و انتي من اهل الخير💗المهم ساهرت ف التلفون مهند رسل لي مشتاقين❤قلت ليهو بالاكتر❤❤المهم قعدت اتونس معاو بعد شوية كدا مهند نام ، فتحت انستا نزلت صورة لي معاي مايا كتبت ربنا يحفظك يا احلى اخت 💘 مشيت الفيس المهم اتفرجت فيو شوية كدا و طلعت فتحت اليوتيوب قعدت اشوف ف فيديوهات قعدت مسااافة اذان الصبح اذن نور غرفة ميادة ولع قلت ما شاء الله عليها بتصحى حاضر تصلي💔 مشيت اتوضيت صليت💔💔و نمت 😪💔امي صحتني الساعه 1 ظهر قالت لي قومي بعد ده الضيوف بدو يجونا قمت استحميت لبست بنطلون اسود و بلوزة كبدية اكماما طويلة فوق الركبة ب شوية كدا و لبست سفنجة حقت بيت جديدة الزول لو م مركز فيها حيفتكرا شبط 💕و لبست طرحة بيجية ختيتا في كتفي اصلا كان ماف زول ف البيت غير امي و ماايا و يسرى يلا الجرس بدا يضرب كلهم جيران طبعا و امي بتقول لي افتح الباب انا عشان ناس البيت و كدا و النسوان و حركاتهم كل م يشوفوني حلاتك نحجزك ل ولدنا💗غايتو اليوم داك اتحجزت ل اولاد الحلة كلهم💔 و ناس ميادة لسة م جو كنت منتظراهم بس ابوي جه داخل الساعه كانت 4 عصر جرس الباب ضرب ابوي قال لي خليو بفتحو انا انا م نزلت عاينت من السلم فوق ابوي فتح الباب و عاين للراجل مساافة و الراجل عاين ليهو بس حضنو بعض مسااااافة و سلمو علي بعض شديد كأنهم عرفة سنين ياخ قربو يبكو من السلام💔و دخلت وراو مرة شكلها مرتو و دخلت وراهم ميادة💕💕قلت و اخيرا جات قلت اكلم يسرى تجهز العصير كلمتها بس ابوي ناداني نزلت سلمت عليهم و قعدت جمب ابوي ، ابوي قال للراجل طبعا دي ميرا اذا بتتذكرا قال ليهو بالله ، شوف العيال دي بتكبر كيف سبحان الله ، و بتك التانية مريم ديك ابوي قال ليهو ديك عرسوها قاعدة في قطر مع زوجها💗 و حسة عندي مايا دي اخر العنقود الراجل قال ليهو ما شاء الله ربنا يحفظهم ليك ابوي قال ليو آمين💞 الراجل قال لي دي بتي ميادة قلت ليهو ايوة لاقيتا امبارح قال لي ايوااا يعني اتلاقيتو؟ ميادة حكت ليو القصة😪💔قعدو يضحكو فيني امي جات نازلة ابوي قال ليها تعالي شوفي الجانا منو طبعا امي اتخلعت و سلمت علي المرة شدييييد و سلمت علي الراجل برضو و علي ميادة و عرفتا بالاسم طبعا انا مستغربة😳امي قالت ليهم يحليلكم يا سلوى و مأمون فقدناكم قلت لأمي هم بقربو لينا ؟ امي قالت لي ديل عشرة سنين أول شي عمك مأمون ده قرا مع ابوك الجامعة في لندن و بعد انتهى طوالي جه السودان اشتغل و عرس يلا ابوك جه السودان زيارة و نزل عند مأمون ده و اهل سلوى ديل ف الجزيرة ساكنين في حلتنا يلا مشو هناك مدني قعدو فيها اسبوعين و بس ابوك شافني و من ما شافني قال دايرني ول م كده ي معاوية😏 ابوي قال ليها اي صاح😄عمو مأمون قال لي و ابوك الخاين عرس و طفش تاني م جه و تاني لا عرفنا ليهو رقم و لا هو عرف لينا رقم المهم قعدو يتونسو و يتذكرو ف ايام زمان
