قالت لي اي دايرة اقول ليك تعالي لينا تحت كلنا حنحضر فيلم قلت ليها طيب اصلا م كان عندي نفس اقرا نزلت لقيت مروان و نسرين قاعدين في كنبة وحدة و مؤمن في كرسي براو و انا قعدت جمب ميادة فتحو فيلم رعب يلا انا جني و جن افلام الرعب بقيت ماسكة في يد ميادة و ميادة تضحك كنا مقفلين الانوار المهم حضرنا الفيلم لمن فتحنا الانوار لقيت نسرين قاعدة جمب مروان ملصقة فيو لصيق و ماسكة في يدو نظام كانت خايفة مروان زح منها هي زاتا كانت لابسة تيشيرت تحت الكمر بي شوية و بنطلون ضيق كأنو مدخلاو بي صابونة و عاملة شعرا ضنب حصان غايتو جنس غايتو😒مؤمن قال لينا يلا نلعب😃طبعا انا قعدت اضحك ضحك لمن كلهم استغربو مؤمن قال لي مالك😅قلت ليو انت بتلعب يا مؤمن ميادة قالت لي عااادي حتى انا بلعب قلت ليهم بتلعبو شنو😕ميادة قالت لي يلا الجنينة اول بعداك نشوف نلعب شنو انا كنت لابسة بلوزة اكماما طويلة و تحت الكمر بي مسافة و لابسة بنطلون عادي ما ضيق و الطرحة خاتاها في راسي ساي يعني ما لافاها المهم قعدنا في النجيلة في الارض مربعين رجلينا كنا قاعدين علي شكل دائرة نسرين قالت لينا نلعب صراحة و تحدي يلا اول شي وقعت ميادة تتحدي مؤمن قالت ليهو تعمل تمرين ال push up عشرين مرة بسرعة ده التمرين البكون الزول راقد علي بطنو و بثبت يدينو في الارض و برفع جسمو و ينزلو طبعا مؤمن ماشاء الله عملو زي شراب الموية قلت ليهو ماشاء الله متعود قال لي عشرين دي و لا حاجة قلت ليهو ما شاء الله 💞تاني وقعت علي مؤمن يصارحني قال لي حصل حبيتي؟قلت ليهو ايوة😂😂😂طبعا كلهم استغربو ميادة قالت لي ده منو😳قلت ليها واحد معانا في الجامعه في الدفعه القدامنا طبعا نسرين برضو في الدفعة القدامنا قالت لي حبيبتي مروان و لا بفكر فيك😏قلت ليها الجاب سيرة مروان منو حسة قالت لي عملتيها واضحة لكن قلت ليها الللزمي حدودك😡مؤمن قال لينا مالكم يا جماعه حتخربو لينا اللعبة بالشكل؟ميادة دورت الباقة قالت لينا اها وقعت عليكم نسرين تتحدى ميمي قالت لي امشي من هنا قلت ليها كيف يعني قالت لي امشي ما تلعبي معانا ده التحدي بتاعي مؤمن قال ليها ده شنو يا نسرين كدا ما ممكن انا طوالي قمت علي حيلي قلت ليهم تصبحو علي خير يا مؤمن و ميادة و طلعت فوق جات وراي ميادة قالت لي يا ميمي ما تشتغلي بي نسرين دي اصلا حركاتا سخيفة قلت ليها انتي شايفاها بتتعامل معاي كيف؟!!قالت لي حتى انا بتتساخف معاي كدا لكن ابدا ما بمشي اخلي ليها المكان عشان اثبت ليها انو انا اقوى منها فهمتي؟انتي لمن مشيتي كده اثبتي انو كلامها صاح قالت ليها و اعمل شنو؟قالت لي ارجعي العبي معانا و لا كأنو حصل حاجة قلت ليها و الله عشانك بس يا ميادة المهم مشينا ما فتحت خشمها معاي تاني وقع عليها تتحداني قالت لي بوسي مروان طبعا كلنا اتخلعنا😧قلت ليها كيف يعني قالت لي بوسيو في خدو😏و اذا ما نفذتي التحدي حتطلعي برة اللعبة مروان قال ليها غيري التحدي ده يا نسرين مؤمن قال ليها اصلا ما ممكن تعملي تحدي مرتين ورا بعض لي نفس الزول قالت لينا ماشي حاعمل ليك صراحة لكن ب شرط تجاوبي قالت لي زولك اسمو منو طبعا انا و لا اترددت قلت ليها مهند 😏 تاني وقع ميادة تسأل نسرين طبعا ميادة م بتقصر قالت لي نسرين بتحبي منو نسرين قالت ليها واحد كدا من دفعتنا مؤمن قال ليها اسمو منو😏ضحكت ضحكة كدا قالت ليو خصوصيات😏
