قلت لي ريم هاك تلفونك الشبكة زفت في زفت💔قالت لي عندنا جيراننا كل م اكون دايرة شبكة كويسة بمشي ليهم قلت ليها وين ديل؟قالت لي تعالي اوريك المهم فتحت لي باب الشارع قالت لي شايفة البيت داك؟قلت ليها اها قالت لي كل مرة بمشي ليهم و بطلع السطوح الشبكة خطيييرة هناك تدخلي واتس و فيس و انستقرام زاتو يشتغل زي العجب و تضربي لمن تفتري قلت ليها بري ها بعرفهم من وين قالت لي البيت م ساكنين فيو ناس كتار بس مرة كدا طيبانة اسمها سعاد معاها راجلا عبد الله طيبانين شديد و مصاحباهم بعرفوني زي اولادم كل مرة بمشي ليهم قلت ليها بيت كبير زي ده ساكنين فيو زولين بس قالت لي معاهم الشغالين بس وحدة بتنضف و وحدة بتطبخ و ممرضتين وحدة تشتغل مساء و وحدة تشتغل صباح قلت ليها و اولادهم وين😱قالت لي في الخرطوم كلهم و ناااادرا ما يجو قلت ليها بري يختي م بمشي ليهم قالت لي علي كيفك المهم اليوم ده عدا بالمغرب كدا وديت مايا لي امي و رجعت لي ريم كنا بنحضر ف التلفزيون كنت بفكر في مهند قلت الله يستر م يكون مشى لي قصي مهند ده متهور بعرفو انا و قلبي ماكلني و سرحااانة قلت ليها يا ريم قالت لي نعم قلت ليها بعد ده انا م بستحمل خلاص حأمشي للجيران ديل لكن امي لو عرفت حتشرحني نمشي سريع و نجي تمام؟قالت لي تمشي براك يختي انا امي ممسكاني اسامة لانها قاعدة هناك في بيت حبوبة المهم بعد تحااانيس قالت لي بوصلك و بدخلك البيت ترجعي براك تاني قلت ليها خلاص كويس😪💔المهم لبست عبايتي و مشينا دخلتني البيت سلمت علي حبوبة سعاد دي و ريم قالت ليها وين عمي عبد الله قالت ليها عند ناس البكا اللي هو عندنا قالت ليها يا خالتي سعاد بت عمتي دي جات من الخرطوم دي بت شادية بت المرحومة قالت لي بالله انتي بت شادية ؟كيفك يا بتي و كيف أمك قلت ليها كويسين الحمد لله😊ريم قالت ليها دايرة تتكلم مع صحباتا في التلفون و انتي عارفة شبكتنا كيف حبوبة سعاد قعدت تضحك قالت ليها م محتاجة تستأذني يا ريم اتفضلو طوالي المهم ريم ودتني السطوح و ادتني تلفونا قالت لي بعد ده انا ماشة قلت ليها طيب قالت لي م تتأخري عشان امي بترجع من بيت البكا بعد شوية قلت ليها اي م حاتأخر المهم ضربت لي مهند اتونست معاو و حكيت ليو بالحصل و كدا قفلت منو ضربت لي سهى فجأة اسمع ليك صوت نون و رؤى بضحكو قلت ليها نون و رؤى معاك😱قالت لي ااي قاعدين في اوزون حاليا نون قالت لي وبعلي ي ميمي فاااتك ما شفتي كمية المزز القاعدين😍😍 قلت ليهم ي خااينات😂😂😂😂😂👊🏽المهم اتونست معاهم شوية و قفلت فتحت الفيس الكلام ده كلو بي تلفون ريم طبعا😂😂😂😂😂 لقيت في كرسي كدا جريتو قعدت فيو و يلا اندمجت مع الفيس قعدت فيو مسااافة بعد شوية اسمع ليك صوت زول بيتكلم بالتلفون يلا انا المحل القاعدة فيها زي حيطة كدا المهم المحل عامل زي زقاق صغير كدا و سامعة صوت الزول بيتكلم مساافة في البداية خفت اعاين اشوف ده منو تاني قلت اشوف سريع و ارجع محلي يلا السطوح فيهو لمبة وحدة و نورها ما قوي المهم عاينت لقيتو ولد كان مديني ضهرو م قدرت اشوف وشو بعد شوية قبل بس اشوف ليك الزول الوشو ما بغباني نهائي😱😱ده مروان ياهو زااتو الجابو هنا شنو😱انا مادة راسي بي طرف الحيطة مسااافة بحاول استوعب بس لمحني ليك انا طواالي احترمت نفسي و رجعت راسي قعدت ف الكرسي و مسكت التلفون قعدت اعاين فيهو بقيت بدعي ان شاء الله م يكون شافني ان شاء الله م يكون شافني و سامعة ليك صوت الجزمة كلو ما ليها بتقرب و انا قلبي شغال دمبق دمبق دمبق بس اشوف ليك الضل قدامي رفعت راسي يااهو زااتو مروان الله لا جاب باقيهو😭😭😭😭قال في التلفون دقيقة برجع ليك حسة و قفل الخط قلت الليلة كتمت فيك يا ميمي اصلك انتي حظك زي الزفت💔💔قعد يعاين لي قال لي انتي ؟؟؟الجابك هنا شنو😡سكت مساافة قال لي بتكلم معاك انا الجابك هنا شنو😡قلت ليو هيي م تعلي صوتك و انا المفروض اسألك الجابك شنو😡قال لي تسأليني ب صفتك شنو قلت ليو انت تسألني ب صفتك شنو قال لي ب صفتي ده بيتنا قعدت اضحك قلت ليو جابت ليها كضب كمان قال لي و مصلحتي شنو عشان اكضب😡طبعا شكلو كان جادي انا قلت الليلة شكلو بالجد ده بيتم قال لي حأسالك آخر مرة جيتي هنا لييي؟ قلت ليو ما مضطرة اني اجاوبك و مشيت بس احسو ليك مسكني من يدي الشمال اليد المضروبة مسكني بي فوق يعني المحل الفوق الكوع قلت ليو ياخ فك لي يدي قال لي لمن اكون بتكلم معاك ما تمشي فاهمة؟ طبعا انا يدي لسة ما فكيت منها العلاقة و حرقتني شديد و دمعت قربت ابكي بس مسكت دموعي بالجلالة لمن شافني دمعت فكاني قال لي تاني م اشوفك في بيتنا ده انا م صدقت فكاني جريت جري رجعت البيت كنت ببكي طبعا فكيت دموعي طوالي بعد ما طلعت😂😂😂😂ريم قالت لي يا بت اتأخرتي كدا لي و مالك بتبكي بس حكيت ليها قالت لي ده ياهو زاتو ود جيرانكم الهناك؟قلت ليها اي 😭😭ق
