عارفا راسي تعطلت هكاك علاش انحطها كاملة ليووم هههه .............
اوووف حتا كنقادها من بلاصة كتعوجلي من بلاصة اخرى- ونتي كيفاش رجعتي لرضا ياك قلتي مكتنفاهموش- اختي لقيت راسي منقدش نعيش بلا بيه وحتا هو كيبغيني ( بقيت نعاودلها على كاااع تفاصيل الرحلة وهي غي كتسمع وضحكك )- والله اختي حتا فرحت ليييك ومن جهة اخرى كنفكر فالياس- ختي لاكنت عندك عزييييزة تصرفي وفكيلي هاد المشكل وزايدون انا غنخرج من الخدمة و مغيبقاش يشوفني- شنوو !! اش كتخربقي ونتي راكي رئيسة علينا دابا- اوا هادا هو الشرط ديال رضا- اوا اش غنقوليك نتي لي غتعرفي حياتك كتر مني غير هو هادا منصب ماشي سهل وفرصة دهبيية- انا الدنيا وما فيها هو نكون حدا رضا- سبحااان مبدل الاحوال- ههه نوضي نوضي خليني نكمل خدمتي ونفكر كيندير لهاد الحريرة .. واهوما حراااحر هاد رضا لي معرفت كي غندير تانردو لطريق و لا الياس لي وقع فسوء تفاهممشات صفاء . يسرى وصلت 12 بقات تصوني على رضا باش يتغداو بجوج مكيجاوبهاش ومشات تغدات بوحدها شوية كتلقى ناصر كلس حداها هنا بقات غي كتدور عينيها ليبنلها رضا فشي قنت عرفاه كيضهر غي فهاد المواقف- واش راكي هنا بوحدك- خويا ناصر الله يجازيك بالخير خليك زميل ديالي غي فالشركة الله يرحم باك- علاش كتهدري معايا هاكدا انا بغيت غي نهدرو شوية- انا معندي فاش نهدر وزايدون هنا نايضة مابقيتش باغا نتغدى- اييه حبسي مالك اش درتليك راه انا لي خصني نتقلق على ديك القمعة لي درتيلي حدا ديك بنادم- واش انا بني وبينك شي حااجة واش واعدتك بشي حااجه دابا خليني الله يرحم باك راه مكندير لا بيدي لا برجلي و كتجيني الدقة- دابا نتي غي فيك شي جنون وبانلك ناصر تبرديهم فيه- شوف الله يرحم الوالدين الله يخليلك معزيز عليك خلينا اصدقاء عمل مابغيتش مشاكل مع رضا- هداك راجل هداك ماديرش فيك حتا الثقة كاين شي حب بلا ثقة- منسمحلكش تهدر عليه هاكاك( مشيت فحالي للخدمة )-( مع راسو ) والله يابنت الناس على هاد الرفض لي درتيلي حتا نعيشك فالمراااار نتي وداك صحيبك والله لا تهنيتو حتا نرجعك ليا و نخليك تندمي على النهار لي تزاديتي فيه نتي معرفاااش شكون كتقمعي هدا ناااصر واجرك على اللهرجعات يسرى للخدمة كملات ديك العشية غي بزز ومشات لدار دوشات صلات وبقات كالسة تفكر كيدير لحريرتها .. بقات تاصل ب رضا مكيجوبهاش- اااوف جاااوب جااوب ياربي نقدها من ليمن تعوج من الشمال يا ربي وكندير اووووفبقيت كندابز مع راسي حتا داني النعاسنرجعو عند رضا لي مشا يتعشا مع واليديه- مساء النور الواليدة- اسسسعدي بوليدي زييد دخول كيداير الوليدي كيدير مع الخدمة كولشي مزيان عرفتي جيتي فوقتك اوليدي- علاش الواليدة- باك و سي كريم راهم باقين فميريكان و الحاجة تورية مراات سي كريم عرفتيها- واه واه مالها- مشاو الخدمات دياولها عطلة وخافت مسكينة وبغات تجي هي وبنتها يباتو عندنا علما يرجعو الخدامات- اه اوا مزياان امتا جايين- شوية وهما جاو- اه اوا انا نخليكم على راحتكم دوزت نشوفك لامتكون خاصاك شي حااجة- لاا والله ماتكون كلس تعشى معانها ( بتسمت ) منها تعرف على ليلى- وا الوالدة الله يهدكي مرة اخرى- لا وااالو ( دقان ) نعيييمة فتحي الباب- رضا : ( مع راسو : اوا نديرو ليها الخاطر وفتالي نقول ماعجبتنيش وباش حتا ديك يسرى تحس بلي كنحسو ) واخا هانا كالس- فاطمة : اهلا اهلا ومرحبا بتورية كيدايرا لاباس عليك-ثورية : لاباس اختي ونتي ااه ولدي رضا هنا- رضا : اهلا اخالتي تورية كيدايرا لاباس كيدايرين مع الصحة واحد سي كريم برا شوية من داك الراس- ثورية : لاباس يسول فيك الخيير اوا هاحنا معديين- فاطمه : فين هي ليلى مبانتليش- ثورية : راها برا شداتها واحد صاحبتها بالهضرة فالتيليفون وقالتلي نكمل وندخل- فاطمة : اايه اوا كبراات تبراكالله- رضا : ( كتصونيلو يسرى ) سمحولي نجاوب ( خرج لجردة )- الو- مااالك من الصبااح وانا كنصووني حتا داني النعاس- شنو بغيتي- والو قلتيلي 12 لقاك واجدة ومجيتيش- ومنبعد- رضااا بلا دوك الفشوش عاوتاني( شاف ليلى جايا لجيهتو ولقاها فرصة باش تسمع يسرى )- اهلا ومرحبااا بليلى ناااري على الصغيورة كبرااات وزيااانت-( يسرى ) الوو رضاا معامن كتهضر- ههههه متزيدش فيه نتا هو رضا يااك- هوا هدا اش كديري فهاد البرد راه غيضربك ومابغيناكش تمرضي لينا ( كيجنن فيسرى ونسا ليلى لي كيحصبتها بصاح اما ليلى طااااحت فشباكو وحسبتها نيشان خايف عليها )- لا كون هااني- يالاه دخلي لدار كيتسناو فيك انا نكمل واحد الاتصال ونلحق عليكم ( مشات ) .. الو- معااامن كنتي كتهضر شكون هاد خيتي- بسم الله عليك هادي الالة بنت صاحب الواليد جاو هي وماها يباتو عندنا- اهااا ونا نقول مال السيد خاصو هي السبة باش يصدرني ومكيجاوبنيش لقيتي نمرة اخرى ياك اسي رضا- نتي اخر واحد يهضر على الخيانة على نسيتي فعااايلك- اااشمن فعااايل- مهم انا مافي منصدع راسي معاك دابااييه اسدي دابا وليت انا صداع الراااس- مهم انا داخل دابا حشوما نخلي الضياف بحدهوم- رضضضضا دير عقلك متحمقنيييش- هاء مالي اش درت ويمكن حتا انا غنبات هنا- ( تعصبات ) رضااااا- شنووو- شنو دابا باغي تسطيني- ماكين المسيطي قدي سيري سيري تنعسي غدا ونهدرو . قطع عليها وخلاها كتعض فحواااايجها بالاعصاب و الغيرة ضربت التيليفون مع الحيط حتا هرساتو شربت كينة دنعاس ونعسات اما رضا دخل لدارهوم وهو فرحاان حيت ردلها الصرف ههه ليلى كانت زوييينة بزاف ولاكن ماشي حسن من يسرى اليلة كاملة وهي كاتشوف فيه و فاطمة و تورية كيحاولو يخليوهم بجوج ليلى طاااحت فشباكو وسحرها بجمالو اما هو كيفكر غير فيسرى وكيفاش غيتعامل معاها غدا واخا ليلى زوينا كاع مبغاها حيت قلبو و عقلو غير مع حبيبتو تعشاو وهو مشا فحالو .... صبح صباح جديد رضا مشا لخدمتو و يسرى حتا هي مشات الخدمتها ممممعصبة خاصها غي فيمن تشد- سااارة فييينك- هانا مالك على الغوات على الصباح.. هاك هاد الوراق صيفطيهم فاكس لرضا فيهم الشكل النهائي للمشروع- ونتي مالك ماتسيفطيش- سارة ماتجهلينيش هادي خدمتكمشات المكتب ديالها وهي غي كتدابز مع الحوايج .. رضا تنادم معاه الحال وبدا يصوني عليها ولاكن تيليفون طافي حيتاش هرساتو اما هو حسابو طافياه عليه دارت 12 ومشا وقف حدا باب الشركة كيتسناها- صفاااء زيدي يالاه نتغداو- واخا انا جايا خرجي تسناينيخرجت ونا نلقى رضا واقف تيشوف لجيهتي مديتهاش فيه- يسررى اجي- مرديتش عليهشوية وهو يهبط لعندي- مالك راه معاك كنهضر- طلللق مني- زيدي ركبي- بعد مني كنتسنا صاحبتي نتغداوكتجي صفاء-صفاء : هلا سي رضا لاباس- رضا : خلاتني صاحبتك نكون لاباس بحال الناس- يسرى : هاا شفو شكون كيهضر ونتا بايتلي قصاااار وناشط مع .. خليني ساكتة- رضا : لا غكملي نتي فين هو تليفنوك علاش طافياه عليا- يسرى : ماشي شغلك- صفاء : يالاه يالاه نبعدو منحدا باب الشركة- يسرى : زيدي اصفاء نمشيو نتغداو باقا كتسنانا الخدمة- صفاء : يالاه معانا ارضا-يسرى : صفاااء- صقاء : وامالكي حشوما نخليو السيد بوحدو- رضا: زيدو نوصلكوم- يسرى : لااا شكراا نمشي بوحدي- صفاء : ايييه ا يسرى هادي هي رضا هو الدنيا ومافيها انا كنبغيه منقدش نعيش بلا بيه- رضا ( كيضحك ) زييد زيد اصفاء اش كتقول عليا اخور- يسرى : كووونت ما دابا كنكرهو- رضا : ( جرها لطوموبيل ) زييد النحلة قدامي زييد- يسرى : طلللق مني- رضا : زييدي اواركبنا معاه حتا انا ركبت لور بدا يشوف فيا من المراية ويعيبني بلسانو حتا ضحكني المسخوط هههه وصلنا الرستورا و كلسنا انا قالبة وجهي زعما غضبانة- صفاء : خويا رضا انا لي دايرا هاد المشكيل ونا لي خصني نصلحو- يسرى : سكتي اصفاء متشرحيليه والو لي مكيتيقش فيا معندي مندير بيه- رضا : قوولي اختي ماتديهاش فيها- صفاء : اخويا يسرى مطمعت حد حنا لي كنا واقعين فواحد سوء تفاهم ( بدات تعاودلو كووولشي )- رضا : ( شد فيدين يسرى ) حبيبة سمحييلي تسرعت وفهمت غلاط- يسرى : سييير بعد مني ممسمحااش- رضا : ( بصوت ديال الاطفاال ) عفااااااك- يسرى : لا هيا لا- رضا : عفااااااك- صفاء : اوووو تفكرت كان عندي واحد الغرض خاصني نمشي نقضيه سمحولي ( بغات تخليهم بوحدهم )- يسرى : ااجي فين مااشيا تغداي بعدا- صفاء : صااف اختي دابا نقضي ضااروري والله- يسرى : اوكي ردي البال لراسك- رضا : نوصلك اختي- صفاء : لا شكرا ( مشات )- هاد صاحبتك الله يكتر من مثالها كتفهم راسها- يسرى : غاتسكت ولا نتبعها- وييتك وييتك على النحييلة ديالي- رضااا- حبيبة سمحيلي- ( قربات لعندو ودات فيه نفس الشوفات ديالو دالحجبان) وااش نسمحلك حيت متقتيش فيا ولا حيت ماجيتيش مع 12 ولا حيت مجاوبتينيش ولا على داك خيتي- حبي سمعي انا مع 12 كنت عندي خدمة كثيرة ونيت لقيتها سبة نعبر على الغضب ديالي حييت وليت نشوف دايرين بيك الرجال ها ليبغاك ها ليطمعتييه و تيليفون بغيت نفقصك شوية اما ديك خيتي راه والله شاهد عليا لادرت هاكاك غي باش نعصبك و نخليك تجربي عداب الغيرة والله احبيبتي ماشفت فيه ليلة كاملة وبالي غي معاك تيقي بيا- اممم ونا مابقيتش فيك لبايتا كنبكي وتيليفوني ليهرست بسبابك- وووو حبيبة دياالي سمحيلي احيااتي- رضا نطلب منك طلب وااحد حييد منك الوسواس وعمرك تحكم على الحاجة حتا تفهمها عافاك راه لبقينا هاكا جبنااه بكريي- واخا احبيبتي نحاول- وراه فيا جوع امتا يجيب هاد الماكلة- وصبري لي سمعك تقول كدخلي فالماكلة طول وعرض و نتي الدجاجة كتنقب كتر منك- كضحك عليا دبا- حبي صافي سمحتيلي- اممم واعين نفكر- ههههه ضروري مديريلي ديك الدراما ديالك ههه غاتسمحيلي وبزز منك- اهاا ويلا مبغيتش- غادي ننن.. وقدام الناس- ههه لا اويلي عنداك- وا قولي مسمحالي- مسمحاااك اجي بعدا ديك خيتي سمعتك كاتقولها ليلى ياكما تقربتي منها- لا احبي ولله مديتها فيها انا اصلا ديك الليلة بالي غير معاك- ممممتغدينا وصلني لخدمتي ومشا لخدمتو انا وصلت لمكتب ديالي كنخدم خدمتي حتا كتجي عندي صفاء- زين اوا تصالحتو- ههه اه تصالحنا اصلا انا وياه ديما هاكا- ياا ختي سعداتك باينة فيه كيبغيك بزااف- حتا انا اختي حتا انا- وكتزيدي تنفخي من الفوق انا يكون عندي بحال داك الراجل نسد عليه فشي قرعة منخلي حد يشوفو ههههه- هههه- الله يسعدكم اختي( صونا تيليفوني) الو حبيبي- حياتي معاش غتخرجي- واحد جوج سوايع- اه باش نجي نوصلك- ماعليش بلا منعدبك- لا بسيف عليك مابغي حد يقرب ليك علما نساليو الخدمة ونديرك فدار ونسورت عليك ههن- هههه حلم مهم خليني نكمل خديمتي منهنا ل 6h اجي موراياكملت خدمتي وصلات 6h مشينا اناوياه شربنا كافيه و مشيت لدار وهو مشا يشوف ماماه- السلام وعليكم- فاطمه: ولدي زيد مرحبا- ثورية : وعليكم السلام اولدي( ليلى غير كتحنزز فيه و مقريينها نييشان ههه ) اهلا رضا كيداير- رضا : صافا ونتي- حمد الله كيدوزتي نهارك- فاطمة : انا نشوف نعيمة اش كدير فالكوزينة- ثورية : عاين نجي معاك- ليلى : هههه بغاو يخليونا بجوج- رضا : اهاه ولاكن علاش- ليلى ( تقمعات ) معرفتش- رضا : مهم انا نخليكم خاصني نمشي لدار غير دوزت نشوف الوالدة- ليلى : كلس تعشى- رضا : راه هادي دارنا متحتاجيش تعرضي عليا-( تم تفجير الجبهة ههههه ) اوكي- رضا : الواااليدة هانا مشيت- فاطمة : ولاواه لاواه اولييدي كلس حتا تعشى- رضا : لا ا ممتي ماقادش عيان باغي غي نعس- فاطمة : اوا لا راه دايرين الحريرة ونتا كتعجبك- رضا : الحرييرة ؟؟ امم اوا ديرولي شيوية فطاسة نوصل لدار ونسخنوثورية مشات عند ليلى و كتهدر معاها غي بلحس- ثورية : ياكما قلقتيه- ليلى : لا اماما معرفت مالو اصلا مابغاش يشوف لجيهتي- ثورية : اوا تقربي منو ماالك سيري شديه متخليهش يمشي بيني ليه راك مهتمة بييه سييير- ليلى : رضا كلس تعشا معانا ماسخيناش بيك- رضا : واخا اسيدي هاهو كالس- ( ليلى فرحاات عندبالها كيسمع لهضرتها ) شكرا حيت درتيلي الخاطر- رضا( ضحكة صفرة)- ( ليلى معا راسها ) والله منفلتكليلى بنت طوييلة عندها حقها فالزين ولاكن ممسراراش طبعها حقووودة وسمها باين على وجهها ولاكن كتبغي تمثل بالضرافة حتى واحد مكيحملها فالحي حيت مكبرة وعاجبها راسها- رضا : سمحولي انا جاي ندير واحد الاتصال- فاطمة : سير اولدي- ثورية ( بالحس ل ليلى ) سيييري تبعيهفالجردة رضا عيط على يسرى- الكتكوتة د حبيبها باقا فايقة- حيااتي توحشت صوتك- حتا انا اعمري تعشيتي- معندي شهية- مال حبيبتي- والو غي مافي ليكول- ولاا خصك تغلاضي باش تجي عروسة زوينة ههه- ههه كيديرا خالتي فاطمة تتوحشتها مسكينة- راها مزياانا غادي تفرح فاش تعرف بلي رجعنا لبعضيتنا يجي الوقت المناسب ونقولها ليها راكي عارفة شحال كنتي عندها عزيزة- ههه انشاء الله احبيبي- يالاه خليتليك الراحة نعسي وتغطاي مزيان تالغدا ونتشاوفو- اوكي حياتي بسلامةجا يدور هو يلقا ليلى موراه- خرجت نشم شوية دالهوا- ها مزيان شمي يالاه نخليك- ( شداتلو فيدو ) عااين اجي نكلسو شوية شوف الجو شحال زوين- منيين جاتو ا ليلى هو السم دالبرد لاا اختي الى نتي باغا تمرضي انا لا ههه- ياك عاد البارح كنتي خايف عليا لانمرض ودابا ممسوقش ليا- نااري يا ليلى كتهضري بحال لا انا وياك عشرة هادي عشرسنين هههه- وعلاش لا ههه- يالاه ندخلو نتعشاو باش نمشي فحالي- رضاا- نعام- كتعجبني- شنوو- ههه والو يالاه ندخلو- ليلى سمعيني عافاك ماقصدش نقمعك ولاكن انا قلبي داتو وحدة اخرى- اممم هاديك لي كنتي كتهضر معاها قبيلة- واش كتصنتي عليا- مقصدش ولاكن كنتي كتهدر بالجهد- عافاك مطوريش هادشي وحتا واليدي قراب نهضر معاهم- صاافي كون هااني اصلا تاحجا ممطوة كنتمنا ليك السعادة- شكرا اختي يالاه انا داخل-( ليلى معا راسها ) ههههههههه قاليك اختي دابا تشوف اسي رضا ختك علاش قادة غندمك نتا وديك السفريطة ديالك والله لاشفتو النهار البيض نتا ديالي بوحديرضا تعشا ومشا بحالو.. وهكا داز هاد الاسبوع مرة يتناقشو هو يسرى وريجعو يتسالحو حتا جااو المشاكيييل ديال بصاحفالنادي كانت ليلى مع صحابتها لي بحالها هو يبان ليها واحد الشاب زوييين مقابل معاها بقات كتشوف فيه وحتا هو قالت لصحبتاها- لبنات ديك السميمر غمزة وحدة يجي لعندي- هه وااو شحال زوينليلى غمزاتلو هو يجي كايطير ايييه يا الحاجة هادي هي لي قلتي عليها مأدبة و مخلقة وبغا تدخلي لفعة لدارك اجججي طلي عليها- زين تقبلي عراضتي- اممم ثمني غالي- اها اش هو- متقلقنيش- هههه ماتخفيشبقاو هي والشاب كيهضرو ...- خدامة؟- لا اصلا بابا حبيبي موفرلي كلشي اش غندير بشي صداع راس بنت سي كريم مكيتحكم فيها حد- مزيان انا مستثمر فالعقار- اه انا سميتي ليلى- وانا نااصر ( ااه هاداك لي على بالكوم )- متشرفين سميتك زوينة- حتا نتي.. مكين حد فداك القليب- هههه اوديي كاين وما كاين- بحالاش- انا كنبغيه هو باغي وحدة اخرى- ههه حسابتني غير انا لي مقموع- هي قولي حتا نتا معدبك الحب- اه ولاكن انا حالف حتا ندمها- وحتا انا ماشي ساهل تقمع ليلى- يسرى زوييينة بزااف مخلقة ومهدنة اي واحد يتمنى يديرها فدارو مرحة وضحوكية و بنت ب 100 رجل تعجبت بييها بزاااف نهار بغيت نتقدم ليها بان واحد المشكاااك اخ شحال محملتوش وداها ليا كو كان غي عزري وا مطططلق- واش هادشي كامل صدف ؟؟؟- مفهمتش- بحالا كتهضر على هادا لي كنبغي نفس المواصفات وحتا هو كيبغي وحدة مطلقة واحد النهار سمعتو كيهضر فالتيليفون مع ديك خيتي شععلت فيا الناار خليتو حتا تلها ونا نهز تيليفون مشيت لواتساب ماكنش عندي الوقت نقرا الميساجات وانا نسيفط غي صورتها لعندي من بعد كلفت واحد الصديق يبحثلي شكون هيا قالي مهندسة فواحد الشركة معرفتش سميتها كان مدخلها ب حياتي و حتا صديقي مقدرش يجيبلي سميتها مهم لي عرفت مطلقة وساكنة بوحدها- معرفتش علاش عندي شعور كتقصدي يسرى ؟- كيفااش- ممم هادا لي كيبغيها شنو سميتو- رضا- ( ضرب فيديه ) هوو- اش كتقصد- الالة هاد رضا هو لي دالي حبيبتي- هي قلي حبيبة رضا هي لي كتعجبك هههههههه هادشي كيضحك صدفة زوينة هادي- وايييه ههه والزوين فهادشي هو الى درنا يد فيد نتي بغيتي رضا ونا باغي يسرى- مممم علاش لا من اليوم لي بغيتي نديرها بغيت رضا يكون خاتم فصباعي- داابا مزياان اوا سمعييني اول حاجة غنديرو هي ..نرجعو لعند العشاق ديالنا لي كالسين فكافي على البحر ميجيبين لدنيا خباار- حبيبي ملاحظتيش اننا قللنا من الخصام ديالنا- اه بصاح يمكن بديتي تفهميني ونفهمك- الله يخلينا ديما هاكا- اميين ياربي سيمانة جايا غايجي الواليد غانجمعهوم ونهضر معاهوم و نهضر حتا مع خوك- خويا عاودتليه كلشي هضرنا البارح فالسكايب فررح ليا بزااف وقالي غير تححددو نهار الخطابة غيجي ف اول طيارة- اااه اوا انشاء الله يالاه احبيبتي نوصلك لدار وانا ندوز نشوف الخدمة ونسول على البني كيف غادي- واخا احياتي يالاهنرجعو عند صفاء لكالسة مع الياس ف كاافي- ناااري ا الياس متصورش شحاال توحشششتك خليتي بلاصتك- حتاا انا اصفاء يسرى كيدايرا- ها ! يسرى ااه يسرى لاباااس حمد الله- مالك اش كاين يسرى واقعلها شي حاجا- لاا الله يستر- ومالكي بحالا تبدل لونك فاش سولتك عليها- هو الياس انا منخبيش عليك بقيتي فيا ولاكن هادي هيا الصراحة- شنوو هضري خلعتيني- يسرى راها كانت فاهمة كلشي غلاط- مفهمتش- ( عاودتلو كووولشي ) دابا راها رجعت لراجلها- لا انا ممصدقش ودني لا ميمكنش وانا واليدي لي جايبهوم يخطبوهالي اش غنقول ليهم- الياس شوف شي بنت الناس اخرى راه عطا الله البنات نتا اي وحدا تمناك- لا اصفااء لا فين غانلقا لي نديرها فداري فنهار واحد راك عارفة الدنيا ولات تخوف- يسرى راها كاتبغي راجلها متصورش شحال معلقين ببعضياتهم لدرجة قابلا تخرج من الخدمة و تخلى على منصبها جديد على قبلو- اوا الله يسعدها انا الاهم هو نشوفها سعيدة واخا ماشي معايا حيت لي كيبغي عمرو يعدب حبيبو- اه عندك الحق ا الياس نشاؤالله غتنساها وتلقا مااحسن- ودابا كيغنيدير مع الدار لي قلتلهوم غدا نخطبوها و الموصيبة قايلهوم خدامة معايا- ههههه واناري اصكع غدا ؟؟؟- واايه وعندي الواليدة غضرب بيا الطر قدام العائلة تقوليهم دانا نخطبوها صدقات مرتبطة هههه خايبة تالمعاويدة- وااناري عرفتي شنو شوف ليك سارة خطبها هههههه قولهوم هيا هادي- ههههه كاضحكي عليا يااك- ههه لا غي كثرة الهم كاضحكشوية سكت بدا يشوف فصفاء- صفاء- نعام- علاش ماتكونيش نتي- اااشنو لاا ميمكنش- علاش واش انا خايب حتا لهاد الدرجة- لا ماشي هاكاك غي جيتيني على غفلة-صفاء حنا غنبداو بخطوبة موراها نعطيو فرصة لراسنا الى بغينا بعضيتنا نكملو الى ماتفهمناش نبقاو اصدقاء كيف دابا- ولاكن نتا كتبغي يسرى- اوا تكلفي وحيديهالي واجي بلاصتها راه نتوما العيلات كتعرفو لهادشي ههههه- هههه اجي ياكما باغي تديني غي على قبل متحشمش مع واليديك- لااا والله ماهاكاك انا منقدش نضلم شي حد معايا واليدي ساهل حالهوم ولاكن انا باغي نجمع راسي باغي المرأة لي تعاوني على الزمان انا باغي نشوف ولادي- و يسرى- يسرى بغيتها ولاكن فاش رجعت لراجلها لله يكمل عليهم بالخيير نشوف حتى انا حياتي وزايدون هي لي فايلت علينا ههه خلينا نردو هاد سوء تفاهم حقيقة- اممم واخا مقلتي عيب حتا انا منلقاش محسن منك- ههههه مهم وجدي راسك وعلمي واليديك غدا نجيب دارنا- اووكي يالاه نووض نووض وصلني بحرا نوجدو راسنا- هههه يخليلي نااس باغين يجدولي هههه يالاه راني حاط طوموبيل قريبةالياس خطب صفاء نساجمو عائلتهوم بزاف وحددو نهار الخطابةفالشركة-يسررى حبيبتي فينك- هاني دخلي راني واغلا مع هاد الوراق حتا لفمي- هههه انا جيت نقولك واحد الخبر نتي الولا لي غتسمعيه- الله يسمعنا خير- ولاكن متصدميش ( عاودتلها)- والله اختي حتاا فرحت ليييكم والله تستاااهلو الله يدومها عليكم سعادة وخا انا عاودلي الياس صباح هههه و عتادرت ولاكن هو بانلي بغا يبدا معاك نتي ونا تمنالي السعادة الياس شاب واااعي و مخلق غادي تكوني اسعد زوجه- شوووفليك سبقني ههه الموهيم شكرا و حتا نتي الله بسعدك مع رضا( رضا كيدخل )رضا : سمعت سميتي وجيت- يسرى : هههه حياتي كيداير- رضا : لاباس احبيبة .. صفاء كنتو كتهضرو عليا- يسرى : حياتي صفاء راه تخطبات- رضا : وااو الله يكمل عليك بالخير اختي والله يسعدك فحياتك والعقبة ل الياس وخا مزال مكتاب نتعرف عليه- صفاء : امييين اخويا وحتا نتوماا غير هو الياس نشاءالله مابقا والو تعرف عليه الموهييم مرحبا بيكم نهار السبت عنداااكوم ماتجيوش غتكون عندي الخطابة- يسرى : الله يا ودي انا منحضرش لخطابة صديقتي الوحيييدة نحححضر و نشطح و ندردك- رضا : ااكلسي على قاعك قاالك ندردك كلسي و رزني شوية ماعليك حكام- صفاء : ناااري نتوما كاتقتلو بضحك هههههه- يسرى : ومالك نتا والفرحة ومادير صاف احبيبتي كووني هانية ليله السبت نجيو- يالاه انا غنمشي نكمل خديمتي ونشوف خطيبي ههه- يسرى : ههه سيري- رضا : حبي ساليتي نمشيو نتغداو- حياااتي عطيني نص ساعه ونسالي باقا واغلا- أراي نعااونك ماعندي ميدار هه- ههه مكرهتكشهاكا دازو هاد الايام قرب نهار الخطابة الياس عرض على كااع الشركة منهم حتا المدير و ناصروصل نهار الخطابة لي غيلقاه ناصر فرصة ينفد الخطة ديالو المدروووسة- يسري : الو حبيبي رضا واش تقد تجي توصلني لكوافورا ولا نمشي راسي- رضا : اشمن شي كوافورة سيري تكمشي ديري شالك وماتكتريش الماكياج- حراام عليك احياتي صفاء كنعتبرها ختي خليني نفرح بيها- اوا فرحي واش انا حيدتليك انا غي ديك الزواق نقصي منو مهم انا جاي لعندك داباشوية كيوصل لعندها- حياتي جيتي- اه قولي لي اش غديري عند هاد الكوافرة- ااوف ارضا نسكد غي ضفاري- مالهم ضفاارك زويينين كيحمقو- باغا نسكد شعري- وياك كديري زيف- هاء واهادا فرح خاصني نقاد راسي- والله احبيبتي وتعري ديك الشناتف حتا نقرع لييك- ااااوف ارضااا- سمعيني باركا من الفشوش لبسي شي غوب زوينا ولا يالاه نشريوها سكدي شالك وزيدي قدااامييسرى تفكرات بلي صفاء غتجيب كوافورة لدار ليتسكد ليها وهي تقول- ااه صاف احيااتي ميكون غي خاطرك مغنمشي حتا لشي كوافورة- ديك الضحكة معجبتنيش- ههه واااخلااص احياتي- مممم حبي مسخيتش بيك ولاكن الواجب ينادي مع 7h ندوز موراك نمشيو واخا- واخا حبيبيباسني ومشا- الو صفااء- يسرى كيدايرا- لابااس لختي اوا بديتي توجدي راسك- وي درت صوان دفيزاج ودابا كنتسنا كوافرة تجي باش تسكدلي- مهم اختي انا تسكدلي كوافرة ديالك شعري- ههه خلاكي رضا- وغي سكتي مابغاش ولاكت اخت وحدة لي عندي هي نتي زايدون غيتقلق شوية ويرجع ليا ههههه- المسخوووطا- مهم انا غندوش ونخرج نشري شي غوب زوينة ونجيوخرجت خديت مانلبس و لبست جلابتي و بديت نتسنا ف رضا شوية سمعت كلاكسون ونا نخرج لعندو لقيتو لاباس وااحد اللبسة طيرلي عقلي سروال سليم كحل و قاميجة فالكحل مزيرة شوية عليه والصمطة و الساعة فيديه مع هو قلدة حححمقني بقيت نقوول ناري هادالزين كامل ديالي- حياتي نتا شوف كيقاديتي وانا باغيني نمشي مبهدلة- هههه مالك على هاد الحالة غتحضري بالجلابة- لاا هزييت- اهاااا وري وري باينا شي حاجة مزيرا داكشي علاش ملبستيهاش دابا خفتي نحيدهالك- لا والله ماهاكاك بفيت حتا نوصل وصاف- اممم اوا عنداااكمشينا هو مشا وقف حدا المدير و تعرف على الياس عاد عرفو هو العريس انا مشيت نحيح هههدخلت عند صفاء لقيتها لابساا واحد التكشيطة فالبيض جات ككككتحمق اما انا درتها فيد الله حيت الحفلة غاتكون عامرة بشي مسمومات خاصني نبان هي هاديكسكدتلي الكوافورة شعري ب بابيليز مع طويل وزعر جيت كي مريام فارس وخا عارفا غاناكول الدق ماعلييش نصبر ههههلبست غووب على لاطاي ديالي اواسة من التحت فالازرق الغاامق منبتة بالكحل درت الاكسسورات ولبست صباط عاالي كحل دارتلي مكياج مثيير مهم جيت بحال دوك الممثلات على tapie rouge مهم شفت راسي فالمراية جييت غزالة حتا صفاء بقات حالا فومها فياا انا عرفت بلي غنرجع لدار كنعرج ولاكن ماشي شغلي بغيتو يبان ححسن مني لااا هههههودنا العروسة بالصلاة والسلام انا بقيت غي حدا صفاء خفت نمشي لعندو يجرني من هاد الشعر لي انا فرحانة بيه ههه شفت لجيهتو لقيتو كيقلب بعينيه عليا شوية يشوف لجيهتي و دور عينيه بحالا ماشفنيش بقيت نقول اوااه هادا معرفنيش ولا شوية هو يرجع بعينيه لعندي وبدا يحقق فياابحالا كيقول واش هادي يسرى ولا انا غالط انا بقيت كندير ديك الشوفات ديال عاااافاك خلي هاد الليلة دوز على خير هو بقا غي حال فمو ما حيلتو لناس لي كيشوفو لعندي ما حيلتو ليا لي درت لي فراسي ومسمعتش ليه ماحيلتو لقلبو لطيرتولوبقا كيخنزر فيا غي من بعيد وكيقولي بعينيه اجي لهنا بقيت نقول براسي لا بقينا شحال كنهضرو غي بالعنين فاش حسيت بيه تقلق ونا نمشيبديت نهضر معاه وندير راسي كنضحك باش منعيقش حدا الناس- هاا العار ارضا هاا العار دوز هاد اليلة ودير فيا لي بغيتيحتا هو بدا يهضر ويضحك- اهاه واخا عليك غاصبري والله حتا نتفك ويلي ويلي على شوووهة شوفي كي كيشفو فيك لا لا نتي كتركبي فيا السكر- شوووت هاا العااار- متفرحيش بزااف غابلاتي عليك ديريها فين تجيك- واخا احياتي دابا ضحك ودير راسك فرحان يسالي هادشي ودير فيا ليبغيتيبقينا هاكاك شوية كيبانلي ناصر جااي نااااري لا هالعااار اويلي ليوما يقتلني يااربي ميهضرش معايا يااربيقرب لعندي- وااو هادي يسرى بقييت شحاال كنشوف فيك كنقول يمكن ماشي نتي ولاكن ابتسامتك قالتلي انا يسرىانا بقيت غي كنقفقف كيقولي شي عقل نجيفو- رضا : ناصر دق فبلاصة اخرى- ناصر : انا كنهضر مع يسرى ماشي معاكشوية رضا عنقني وباسني انا بقيت جامدة- رضا : و يسرى راها ديالي وسير تنقز لهيهناصر خنزر فيه ومشا غي عطانا بضهر ورضا نفضني ومشا شويا تفكر بلي خلاني بوحدي يمكن يجي عندي شي حد حيت فيه واحد الغيرة فشششكككااال ههه هو يرجع لعندي- زيدي قودامي لهيه- لااا خلينا هنا عافاكطلع فيا حاجبو ونا نتبعو قبل ماتجيني فراسكلسنا حدا المدير بداو يقطعو الطارطا ونا فرحانا لييهم بقيت نتفكر نهار خطاابتنا و تاثرت بزااف حتا جا الكارسون تيقدم المشروبات بانلي الكاس لي قريب عندي بزاف هزيتو وبديت نشرب شوية هو يجيني مساج فيه اجي لحمام ومتقولي لحد والو .. ااو شكون هادا مع ختكم فضولية خاصني نعرف- رضا انمشي لحمام ونجي- زيدي نمشي معاك- خلييك فين غاتمشي اويلي ههه- سيري ورجعي دغياااغير انا دخلت لحمامات و نا نلقا ناصر- انا صيفطليك ميساج-( جيت راجعه )- حبسي عايني مبغيتش نهضر معاك حدا راجلك عندي شي حاجة مهمة بغيت نقولهاليك- شنو بغيتي- اجي معايا لجردة مابغيتش نديرلك مشكل مع رضا- قلي بعدا فاش بغيتيني- امر كيخص خوكانا سمعت خويا ونا نتبعو كنجري- مال خوياا شويا كنحس براسي بديت ندوخ- مالك ياك لاباس- والو حسيت بلساني ثقال علياصافي مايبقيت عاقلة على والونرجعو عند رضااجي اخويا عافاك مشتيش ديك البنت لي كانت معايا- لا اخويا- ختي ماشتيش يسرى- اه يسرى شفتها خارجا مع ناصر بالزربة مخبيين- كيييفاش ؟؟- كانت شادالو فيدو وخرجو شفتهوم ركبو فالطموبيل ومشاو فرحانين .... يتبع
........
متبخلوووش ب جيم اوكي
