لأنك غالية

طيب فيها ايه لو العلاقة في الآخر هتكمل بالزواج فعلا!

طيب فيها ايه لو العلاقة في الآخر هتكمل بالزواج فعلا!

حتى لو إنتهت العلاقة بالنهاية اللي أي بنت عايزاها وهي الزواج ،
فالإحصائيات بتوضح إن النسبة اللي بيتم موضوعها وبتتجوز
مش بتعيش الحياة السعيدة الرومانسية اللي كانوا بيحلموا بيها !

وحالات كتييير بيحصلها مشاكل وبتوصل للطلاق!
أو بيعيشوا حياة أقل من عادية !!

شوفي الكلام ده :
[ أظهر تقرير صدر حديثاً عام 2008 عن الجهاز المركزي للتعبئة والإحصاء أن هناك ما يقرب من مليوني امرأة مطلقة في مصر، بنسبة تتجاوز 4 % بين السيدات المتزوجات ، وأن معدل حالات الطلاق اليومية يصل إلى 240 حالة طلاق يومياً بمعدل حالة طلاق كل ستة دقائق ، أغلبها بين حديثي الزواج حيث تصل النسبة إلى44% ]ـ

أرقام مخييييييفة ومرعبة.. ولو هنشوف كتير من الحالات دي ؛
هنلاقي معظمهم بيبقوا واخدين بعض عن حب ..!!!!!!

طيب ليه بقى بيحصل طلاق بعد كام سنة أو حتى كام شهر ؟؟

هقولك : لازم تبقي فاهمة حاجتين :

علاقة الحب مش طريق للزواج !
يعني لو مكتوبلك تتجوزيه هتتجوزيه سواء بعلاقة أو من غير علاقة..
ولو مش مكتوبلك ؛ القصة ما بينكم هتدوم سنيــــــن ...
وفي الآخر برده مش هيتجوزك ! والواقع خير دليل !!

علاقة الحب مش ضمان أبداً لزواج سعيد !
بل أحياناً بيكون العكس هو اللي صحيح !!
لو فكرنا بالعقل شوية وسألنا :
هو إيه اللى بيحصل فى الحالتين الجواز التقليدي وجواز الحب ؟؟

هنلاقي فى الحالة الاولى اللي بيسموها الجواز التقليدي :
مبيدخلش البيت إلا شخص متوفر فيه الشروط الأساسية
اللي البنت ممكن تقبل بيها !
يعنى بتبقى عارفة المستوى الإجتماعى والتعليمى
ووظيفته وسنه ، وبيجي وبتتم الرؤية..

ولو حصل قبول شكلاً وموضوعاً من حيث أسلوب الكلام والتفكير وغيره والأهل إتفقوا ..
بتتم فترة تعارف أو خطوبة عشان يعرفوا بعض أكثر ..
وده ميمنعش إنه يحصل ميل قلبي بدون تجاوزات!
وبعدها عقد ويكون فى متسع للمشاعر والحب ..

لو تاملنا في الجواز اللي بيسموه تقليدي
اللي هو بيتم في حدود الشرع وبدون ما نغضب ربنا ؛
هنلاقيه بيحافظ على قلب البنت أكتر ..

>> كام مشكلة حصلت لإن البنت اكتشفت إن الشخص اللي اتعلقت بيه مرتبط !
أو مستواه البيت بتاعها هيرفضه ، أو أفكاره طلعت مش ماشية معاها ،
أو تحصل مشكلة ويسيبوا بعض لأى سبب أو حتى إتقدم لكن الأهل موافقوش
أو حصل إختلاف فى الماديات ، أو......... أو .........

وتنتهي القصة وينتهي قلب البنت معاها !! </3

مش هنقول مفيش خطوبات بتتفسخ ، لأ طبعاً ولكن الفكرة نسبة وتناسب ،
أكيد الوضع الأول أكثر حفاظاً على قلب البنت وكرامتها
ويكفي إن ده الحلال اللي ربنا إرتضاه ليكى
وربنا اللي خلقك مش هيرضى ليكى إلا بأفضل شىء ..

عرفتي الفرق بقى

هتقولي :
بس أنا بتضايق وبحس في موضوع الجواز التقليدي ده ..
إني سلعـــــــــــــة !

هقولك :
غريب جدآآآآآآآآآآآآآ التفكير ده !

:: هي مين اللى سلعة ؟؟

البنت اللي بتطيع ربها وقاعدة معززة مكرمة فى بيتها
واللي عايزها يجيلها لحد عندها ومتدخلش أي حد إلا بمواصفات
ولو رضيت بيه وافقت ، ولو مرضيتش رفضت ؟؟!!

ولا البنت اللي بترخص نفسها لده مرة ولده مرة
وتفرط في مشاعرها وبتقبل تحب وتتكلم وتخرج وتتلمس ؟؟!!

للأسف ؛ المشكلة إننا إتبرمجنا غلط !!!!
وبقينا بنقتنع بكل الأراء إلا الدين !!!

ـ وهنلاقي ده عامل مشترك فى كل المشاكل !
فمن كتر ما الإعلام والأغاني والقصص إتكلمت عن الحب والجواز
إتبرمجنا بمعلومات غلط !!

وأصبح من المسَلـّمات إن لازم تحصل قصة حب يا إما مع ابن الجيران
يا إما مع زميلها فى الجامعة أو مع صاحب أخوها أو أخو صاحبتها !!

حتى قصة الحب بقى مرسوم شكلها وطريقتها وكلماتها،
واللي مش حاسس بيها يحاول يعيش نفسه بالعافية
و يعدّ النجوم حتى ملهوش نفس، ويقطع الورد مع إنه ملهوش ذنب !!

إتبرمجنا إن هي دي السعادة !!
وإن هي دي الطريقة الصح ؛

مع إن الواقع مختلف
ونسبة فشل الزواج اللي مسبوق بقصة حب كبيرة جداً
وبرده لسه مُصرين إننا نكمل في الطريق ده !

لآآآآازم تعرفي .. إن كل ذنب له عقوبة ..
العقوبة دي ممكن تكون إبتلاء دنيوي
فربنا يُكفـّر بيه الذنب ، أو عذاب في الأخرة عياذاً بالله !!

أو تتوبي بصدق فربنا يغفر الذنب ويبدله حسنات
أو ربنا يعفو عنك ويغفرلك ..

والصـــــــــــدق ده مش لعبة ،،

يعني مش تقولي خلاص ..
أول يوم بعد الجواز أتوب عن اللي فات
بحيث متعاقبش والموضوع خلص خلاص ؟!!

إنتي هتضحكي على ميـــــــــــــن ؟؟؟

ده إنتي بتتعاملي مع ربنا اللي يملك قلبك ويعلم ما فيه،

وعلاقة البنت بشاب قبل الجواز عبارة عن سلسلة ذنوووب،
بداية من كلام الحب والنظرات، مروراً بالتجاوزات الأكبر،
ونهاية بيوم الفرح وذنوبه ..

ولازم الذنوب دي هيكون ليها أثر التعاسة والشقاء
في حياتك قبل وبعد الزواج !

هتوبي امتى بقى؟!

د/مصطفى زايد
#لأنك_غالية 👑