مستنية إيه ؟؟؟
مستنية إيه علشان تتوبى؟؟
مصيـــــــــــــبة كبيرة ؟؟ ولا فضيحة ؟؟!!
ولا عقاب من جنس العمل ؟؟؟
ولا مستنيه ربنا يبتليكي بمرض ليس له شفاء ؟؟؟!
مسمعتيش إن فيه ناس فى كانت في عز شبابها
وفجأة ومن غير مقدمات يجيلهم سرطان !!
أو مرض خطير فى القلب !! أو فشل كلوى !!
يتعرضوا لحادثة فيحصلهم شلل نصفي !!
أو يتعرضوا لحريق يشوه وجوههم وأجسامهم
اللي كانوا بيعصوا بيها ربنا !!
أو يجيلهم خرس فميقدروش ينطقوا تاني بكلمة واحدة تغضب ربنا !
مستنية إن أي حاجة من الحاجات دي تحصل
علشان تبطلي الذنب غصب عنك ؟؟!
ما تسارعي بالتوبة من دلوقتي ؟؟
مش يمكن الموت قرب !!
أنا واثق إنك تعرفي ناس كتير ماتوا
وهما لسه صغيرين في عز الشباب !
كان ممكن تكوني مكان أي حد فيهم في القبر دلوقتي،
صح ؟؟!!!
إسمعي كلام ربك ، وحاولي تركزي وتعرفي
إن كل حرف في القرآن إحنا مخاطبين به !
والله العظيم مش هتلاقي السعادة إلا فى طاعته !
والله العظيم مش هتحسي بالأمان إلا فى القرب منه ..!
وهتفضلى تايهة وضايعة ومحتارة وتعيسة
وذليلة لو فضلتى بعيد عنه بالشكل ده !!
إتعبي زي ما إنتي عاوزة !!
و دوّري على سراب زي ما إنتي عاوزة !!
وقضي وقتك وضيعي عمرك زي ما تحبي !!
بس إنتي الوحيدة اللي هتخسري !!
وفي النهاية مش هتاخدي حاجة ربنا مش كتبهالك!
وفي يوم من الأيام هتموتي ، وكل حاجة هتروح
ومش هيبقى إلا حسنات أو سيئات في ميزانك !
هتحاسبي عليها سواء فكرّتي في ده أو مفكرتيش،
أو إهتميتي أو كبّرتي دماغك !!!
كلنا هنتحاسب .. وفي الدنيا قبل الآخرة ، ومنلومش إلا نفسنا ..
قال الله عز وجل : ( وَمَا ظَلَمْنَاهُمْ وَلَكِن كَانُوا هُمُ الظَّالِمِينَ ) الزخرف: 76
هتقولي :
بس إحنا علاقتنا قايمة على الدين والإحترام !!
ومن ساعة ما عرفته وأنا بدأت أتغير وأقرب لربنا،
وكل يوم بيرن عليا ويصحيني أصلي الفجر ،
وبقينا بنشجع بعض على الطاعة !
هقولك :
النية الصالحة لا تصلح العمل الفاسد !
يعني إيه الكلام ده ؟؟؟
يعني العلاقة والكلام ما بينكم حرام من الأصل
فأي شيء هيتعمل بعد كده
حتى لو كان صح مش مُبرر للإستمرار فيها !!
وبعدين هو فين الدين والإحترام
وهو بيكلمك في الكلية أو في التليفون ؟؟
هو مش عارف إن فيه حاجة اسمها زنا اللسان و زنا الأذن ؟
