هتقولي :
طيب أعمل إيه بس ؟
علشان أنساه وأقدر أبعد عنه لازم أشيل النت خالص وده مش هينفع !!!!
ده غير إني كل يوم بيجلي 10 إضافات على الفيس كلهم من الولاد ،
ده غير الجروبات الدينية والجروبات الدراسية اللي لازم أدخلها ومقدرش أبعد عنها ..
أعمل إيييييييه بقى ؟؟؟؟؟
هقولك يا أختي :
النت بقى واقع في كل بيت دلوقتي ومش هقدر أقولك إفصليه !
بس طبعاً لازم ناخد إحتياطاتنا وإحنا على النت لأنه سلاح ذو حدين !
وأهم نصيحة هقولهالك :
إوعي تقعدي على النت وإنتي بدون هدف!
علشان هتلاقي نفسك على طول بتتجهي للغلط !
وياريت تبعدي عن منتديات الأغاني والأفلام اللي كلها إختلاط ورسايل خاصة وشباب مش ملتزم !
وبالنسبة للفيس بوك ، الأفضل هو البعد عنه طالما الإنسان مش محتاجه ؛ ولكن لو مُضطر .. يبقى لازم ياخد إحتياطات الأمان في مكان مليان فتن، ومنها إنك تدخلي على الـ :
PrivacySettings
وتعدلي الإعدادات ، بحيث متخليش أي حد غير ناس معينة بس :
يبعتلك طلب إضافة .
أو يبعتلك رسايل .
أو يلاقي اسمك في البحث!
هتلاقي الخيارات كده بالإنجليزي :
Search for you on Facebook-
Send you friend requests-
Send you messages-
هتعدلي الخيارات فيهم كلهم ..
وطبعاً في نفس الوقت كلامك على الجروبات هيكون للضرورة فقط !
وبلاش أي كلام أو كومنتات موجهه لشاب بعينه ..
الكلام يكون بصيغة العموم علشان مانوقعش بعض في الفتنة ونحافظ على قلوبنا ..
- وفي الجروبات أو المنتديات الطلابية :
بيبقى فيه ربط بين النت والواقع ..
الشخص اللى بتردي عليه زميلك في نفس دفعتك وربما عارفة شكله من الكلية
أو من الصور اللي حاططها أو معلومات عنه ، فلو لقيتي قلبك هيتأثر وهتتعلقي بيه ..
يبقى لازم تبعدي !!
حافظي على قلبك
هتقولي :
بعد ده كله ممكن برده يكون فيه بنات لسه مصدقة وعايشة الوهم ..
تقولهم إيييه ؟؟
هقولك :
أنا مش هتكلم تاني علشان يمكن الناس تكون زهقت من كلامي ..
أنا هحكيلهم حكاية بنت كانت برده مش مصدقة
كانت مش مصدقة كلامنا لما نصحناها وقولنالها إن كل ده وهم × وهم !
بدأت الحكاية لما البنت دي بعتتلنا مشكلة في قسم " سرك في بير "
على " منتدى أحلى حياة " بعنوان: ( ساعدوني ) ؛ بتقول فيها :
[ السلام عليكم ، أنا بجد مكسوفة إني بتكلم في موضوع زي ده ؛
بس لازم اخد رأي حد وينصحني أعمل إيه ؟؟؟
* أنا فيه واحد بيحبني من علي النت وصارحني بكده لسه قريب وبيتكلم معايا بإحترام !
* هو إنسان كويس وأنا اتعلقت بيه ، طلب مني إنه يشوفني ويكلم معايا بالمايك !
وأنا رفضت وقولتله كفاية إني بكلمك من ورا أهلي !!!
