اليله القصه دي انا ما حابه اغير معنها لان مهما احكي ما حكون و صلت ليكم الاحساس زي صاحبه عشان كدا حستضيف صاحب با نفسو يحكي لينا قصتو بيقول ليك
سمح الكلام في خشم سيدو و سمح النضم،،،،
ما كلنا اتولدنا و في خشمنه معلقه ذهب و في نفس الوقت ما كلنا كنا تعبانين و فقر و خير الامور اوسطها فينا العاش في كل المستويات و فينا البكافح عشان يصل
الود معراج،،،،،
جاني في البيت وقالي عايز احكي ليك عشان تساعدني ممكن؟؟
قلت لي اتفضل علي راسي لو بقدر اخدمك وانا شايفه ما عندي شي اقدمو لي
قالي: انا خدمتي بسيطه انك تسمعيني و تحكي قصتي دي عشان الناس تستفيد منها
قلت لي: غالي والطلب رخيص ( زول قصدني و انا مابرد القاصدني في خدمه)
مشيت عملت لينا شاي و جيت قعت مع في الحوش في بيت ناس حبوتبي عندنا شجره بتاعت ليمون مرات بخت لي سرير واقعد تحت اتونس مع نفسي برتاااح شديد فا لمن جاء الولد دا لقاني قاعده هناك لفحت توب حبوبتي لبستو و قعت
نرجع لي وراء لمن مشيت اعمل الشاي بفكر براي الولد النظييييف دا عندو قصه شنو با سماحتو دي اسمعو كيف زاتو غايتو بس اغض البصر ( ههههههه) المهم شلت الشاي وطلعت ضيفتو الشاي و شلت كبايتي و قعت قالي ادخل ليك في الموضوع لكن انتي حتكتبي قلت لي لا ما حكتب شي حسمعك بس بكفيني
بسم الله نبدأ
انا معراج حسن العوض نحنا 3 اولاد مرتضي مجتبي و انا اصغر زول ساكنين حي العرب امدرمان ححكي ليك من وراء شديد من زمن كنت صغير في الاساس معليش حعزبك بس استحمليني ( قلت لي العفو ياخ اصلي اضاني دي للسمع والله 😂 😂) يالله من اتولدنا انا واخواني والحمدالله زي ما بقولو في خشمنا معلقه ذهب ابوي كان وضعو كويس شديد و كل طلباتنا مجابه اكيد في الحزم والزم لان نحنا اولاد ما بنات لكن الحمدلله ما كان شي نقصنا الكلام دا لحدي 6 اساس معاي صحبي في المدرسه ساكن برضو معنا في الحله كل ما تجي الاجازه عندو درداقه بمشي بشتغل بيها ينقل الطوب يشتغل بي في السوق يعني بلقط مصاريفو كدا وانا كان عاجبني شديد و بجي تعبان نهايه اليوم لكن بنقعد في الشارع نتونس انا هو ويحكي لي عنا ظروف بيتم رغم ان كنا صغار الا ان لازم كان يساعد عشان يعرف يقرأ انا كل يوم بقعد مع وبحس بي راجل بالجد ونحنا لسه شفع بنشيل مصروف من ابوي يوم جيت قعت مع ابوي وقلت لي انا ماشي معاك السوق،،، ابوي عندو دكاكين اسبيرات في السوق،، قالي تمشي تعمل شنو قلت لي داير اشتغل زي اسعد صحبي و عايز اطلع قروش براي،،، قالي انت لسه صغير والناقصك شنو قلت لي بس انت سوقني معاك داير اشتغل،،، با جاي وجاي اقتنع انو بسوقني في الاجازه،، و امي ما كانت موافقه لكن ابوي اقنعا و بقيت امشي مع ابوي السوق واشتغل صبي عادي اترسل و كدا لان كنت صغير و يرسلني لي دكاكين في السوق جوه كنت بشتغل كدا لحدي ما امتحنت ثامن و كان يرسلني لي اعمامي ابوي كلن كريم شديد والتي يدو ما حقو برسل لي اي زول محتاج شي واعمامي ديل ما حرمم من شي رغم ان شغل ابوي دا ما ورثه دا حق ضراعو بدا من طبليه لمن بقي ماسك نص السوق و انا كنت بشوف ان اعمامي بستغلو ابوي لكن كنت بسكت بقول تعمل الخير و ترمي البحر و في النهايه ديل اعمامي واهلي و قت الحاره بنلقاهم لان لحم ودم لكن ما جاتنا حاره تعرفنا ،، لمن خشيت الثانوي بدا يعلمني و يفهمني اي شي و كمان يرسلني اجيب لي حجات و استلم لي شغل و حبيت شديد حكايه تتعب با نفسك و تحس با نفسك مسؤول من نفسك و كان بديني راتب زي وزي الاولاد الشغالين مع نفس الشي ما فرزني منهم نهائي عشان ولدو و في الشغل عدييييل ما كان بعرفني و انا كنت مرتاح كدا و زاتي ما كنت بحب العنطزه و اني انا ولد حسن العوض تاجر كبير في السوق غايتو الا هو يعرفني لكن براي بقول شغال مع بس ما استعرار من ابوي لكن الراجل ما البقول ابوي منو بقول انا منو وانا كنت ساعي اني اكون انا براي معراج حسن العوض و الفضل اكيد برجع لي ابوي المهم،،، اخواني كان شايفني بحب البهدله وانا في يدي الذهب و ما كانو عندهم شغله با قصص الشغل والدكاكين نهاي كانو في الجامعه وانا كنت لسه في تانيه ثانوي المهم
( هو بتكلم يا ناس انا سارح في الكلام البقول دا جد ولا كذب ما انتو ما شفتو عشان كدا بتستغربو)
لمن خلاص بقيت ممتحن الشهاده ابوي و قفني من الشغل و بقي يتحاشاني شديد انا قلت عشان اذاكر و كدا لكن القصه اكبر من كدا اكبر من اني بس اذاكر و اهتم عشان انجح وادخل الطب الانا بتمني ادخلو من زمان،،،، كنت حاسي ان ابوي عندو حاجه لكن ما قادر يقول لي زول،،، طبعا امي زي اي مره لمن راجل يكون مرتاح بتكون عازه نفسها ذهب و ثياب و حجات زي دي و ما عندها بت الله و رقبته و نحنا بعتبرنا خلاص رجال،،، رغم انها بتشيل همنا فوق كل دا لا ان ابوي كان مبعد عن كلام الشغل والقصص دي وانا با حكم الفتره الاشتغلت مع ابوي في عرفت في ابوي كويس كنا بنجي داخلين نهايه اليوم شايلين العشاء او الغداء و نقعد نعمل حسابات انا وابوي و كلنا زي الاصحاب شديد،،، بس ارجع وبقواليك ان المره دي ما بس عشان انا ممتحن في شي ما طبيعي و سئلت ابوي كتير كان بقول مشغول واخد لي يوم كدا اختفي و لمن جاء صحبو بليل قال لينا سافر إلى شغل مستعجل و صاني اجيييكم انا قلبي اكلني و حسيت ان في شي وكلامو ما مقنع بالنسبه لي لان انا من دون اخواني لصيق با ابوي شديد وابوي ما بعمل حركه زي دي عدينا 3 يوم مافي خبر من ابوي بس صحبو دا يجي كل يوم و الدكان مقفل قلنا لي دكان ابوي ما بنقفلو انا بقيف في لحدي ما يرجع قال لينا دا كلام ابوكم وانتهي اها صاحب ابوي عم ابراهيم دا زي زول من العيله بالظبط سمعنا كلامو و قلنا خلاص ننتظر لمن يجي وانا كان فضل لي امتحان واحد واخلص و دا كان لي زي السم لان قلبي موسوس علي ابوي و سواسي في محلو يجي عمو ابراهيم بعد انا خلصت الامتحانات و يفاجئنا بالخبر و امي تقع تصدم
،،، اقيف لحدي هنا يا جنان و بكره اجي اكمل معاك الكلام الزمن فات اعفي لي
قلت لي العفو كان قعت لي الصباح بسمعك و ودعتو مشي وقال بجي بكره من بعد العصر و حتكون قعدتي مع طويله و الولد دا في شي حيرني فيهو عشان كدا حسمعو لحدي النهايه
نِحنا سهمنا دايماً في المصادِف عالي
نِحـنا العِـندنا الخُلق البِِتاسع التالي
نِحنا اللي المِحن بنشـيلا مـا بنبالي
بِنلوك مُـرهِن لامِـن يجينا الحـالي
يتبع.....
