جنووو قهوتك المويه دي عليك الله ما تعملي انا بشرب بس عشان ما اكسر خاطرك خلينا في الشاي احسن 😂😂😂 معراج اتلومت ياخ انا بجتهد في القهوه دي عديل لكن ما مشكله بعمل شاي،،،، مشيت عملت الشاي واليله الولد دا بالجلابيه احييييييييي انا الشهاده والعمل الصالح،،، رجعت شايله الشاي و قعدنا في ليمونتنا ارتني قاعده مع راجلي فيها كنت بنداااااح ههههههههههه اها قلت شنو يا معراج اتفضل كمل
وصلت لقيت تعبانه و محمومه و رافض الدواء نهائي وتبكي حضنتها والله من غير ما احس بكت شدييييييد و انا زاتي بكيت معها ماعارف لي بس بكيت حسيت با اني،،،، قشيت ليها دموعها و قلت لي قومي معاي قالت لي ما قادره اقيف قلت لي اتشجعي وانا بقوم في وقعت شلتها و علي العربيه وامي جاري ورنا وديتها المستشفي دمها نازل و هبوط و عدم اكل والتايفود والله انا خلاص ما عارفه اعمل شنو قالو ترقد في المستشفي انا قلت اي طوالي،،،، حجزت لي غرفه خاصه ( الا امونه دي كل العندي ليها لو اشحد) دربنات و حقن و مرتضي جاء رجع امي البيت تعمل لي شوربه و قلت ليهم ما تكلمو امها اليله لمن تفتح تبقي كويسه بكره نكلم،،،، وانا قاعد جنبها ما سك يدها و هي بتهضرب من الحما ( لي خليتني لي خليتني) انا من غي احس قلت لي انا جنبك جنبك ما بخليك امي بعد عملت الشوربة جات و لقت بعد الدربات و خافض الحرار شوي بطلت هضربه و نامت انا مشيت غيرت و جيت راجع ابت تشرب الشوربة لي امي قلت لي خلي لي انا بعرف لي،،، طلعت جنبها في السرير قومتها و قربت علي و بقيت اشرب فيها وهي ساكته بس تعاين لي ( امي قالت لي طيب كان تقوالي عايزه معراج يشربك) قصفت ام جبهت بالاحراج،،، انا لطفت الموقف قلت لي يا امي ياخ نحنا عندنا كم اموشه خلي تدلع بعد شربتها داير اقوم مسكتني من يدي قالت لي خليك،، قلت لي حاضر عيوني،،،، و يا حليل تاني الحمه قامت في ترجف ضميتها علي و غطيتها قلت لي امي اعفي لي بس تعبانه خليني معها،،،، قالت لي عاد دي قلت ادب دي ( قبل المره قلت ليك كانت قدامك مش كان عقدت علي انت احسن قوم سريع فكها) والله سمعت كلام امي و دمعتي في عيني قمت و جات قعدت جنبها امي و حضنتها عليها،،، عدينا 3 يوم كدا لمن اتحسست امونه وانا ما فارقتها لحظه اي شي ااكله و اشرب و امي تحمر لي و اوصل الحمام،،، امي تدخل معها جد تعبت تعب ( و نادر كان بتصل كل يوم يطمن انا بقولي كويسه) طلعنا من المستشفي اليوم الرابع بقيت احسن كتييير،،،، و بقيت قريب منها شديد و اتاجل تاني العرس لان هي عيانه و لسه ما بلغت الصحه الكامله عشان يحبسوها و لا عشان يجهزو للعرس،،،، لكن نادر قال جاي في مواعيدو عشان يطمن علي امونه،،،، وانا كل يوم بشوف امونه ما ديرا تبقي كويسه نهائي انا قلبي بتقطع علي ما بتاكل ولا بتتكلم مع زول و كلمه والثانيه تبكي،،، امي جاتني قالت لي البت دي ادوها عين والله ماعارفه مالا تعال انت بتعرف نتفاهم معها تعال اتكلم معها،،، قلت لي تخليني اطلعا يا امي تشم هوا واتكلم معها ( لان امي طبعا ما خده موقف مني وقالت انا قليل ادب 😂😂) المهم حنستها سمحت لي اطلع،،، مشيت ليها في الغرفه و قعت جنبها قلت لي اموشتي مالا بقت كدا و ما عايزه تتكلم معاي زعلانه مني،،،، قالت لي لا ابدا تعبانه بس قلت لي ممكن اطلب منك طلب يا قلبي،،، قالت لي عيوني ليك.،،، قلت لي ممكن تلبسي اي شي ان شاء الله توب ارح نطلع شوي ونجي ،،، قالت لي حاضر طلعت ليها بره لبست عبايه و جات طالعه،،، ركبتها العربيه وقلت لي نفسك تمشي وين،،، قالت لي شارع النيل.،،، قلت لي حااااضر بس امي لو اتاخرنا الا نبيت بره، ،،، هههه قالت لي امي قلبها طيب وبتحس بي ما زي ناس 🙄🙄🙄 قلت لي قصدك شنو
