الود معراج

الجزء 22

جاتني 70 رساله من شهرزاد

انا قدرت بدونك،، انا اقنعت بابا،،، انا عايزاك،،، معراج ارجع لي،، ووووووك

ياخ انا خلاص نسيتك لي جاي تاني تشوشي قلبي حرام عليك،،، طنشت الرسائل و رجعت لي امي طمنتها و حكيت لي الحاصل كلو،،، وانا بتكلم معها شهرزاد دخلت علي واصلت كلام مع امي،، وقفلت ختيت التلفون صامت ما عايز ارد،،، دقت كتيييير و رسلت قلت ارد علي احسن

الوووو ( قتلت حيلي)

هلا شهرزاد

معراج ازيك مشتااااقين

🤤🤤 ريالتي سالت لكن قلت خليك راجل يا معراج ما ياثر فيك شي قلت لي كيف انتي كويسه

كويسه بس من غيرك ما عايشه

طيب انا مشغول لي بعدين

اقيف يا معراج خلينا نتكلم

نتكلم في شنو

انا اقنعت ابوي

و ابوك يقتنع با مزاجو يا ستي انا ياهو انا مستواي ما اتغير لسه

معراج عليك الله انا ما بهمني شي مش خلاث اشتريت بيت

وانتي عرفتي من وين اننا اشترينا بيت

عرفت ياخ بسئل منك و عرفت انكم رحلتو

طيب البيت ما حقي انا حق ابوي و لو جيت اعرسك حتسكني في غرفتي وبس لان انا ما بنيت فهمتي

والعربيه ما حقتي حقت الشغل و ما عندي طياره و ما حسفرك شهر العسل باريس لو ابدعت حوديك كسلا ينفع معاك كدا

معراج انت بتزلني يعني

العفو ما بزلك دا انا زاتي القطع الما من مستواكم لسه ما اتغيرت

معراج انا ما قلت كدا

بس ابوك قال الله يديك ود حلال يقدر يغنيك و ما ينزلك من مستواك سلام

قفلت الخط زعلت من نفسي علي الكلام القلتو ليها لكن دي الحقيقه اكذب ما علينا،،،، اها ركزت مع شغلي و شهرزاد نهائي ما خلتني ترسل كل يوم وانا يا جماعه قلبي دا خفيف زي شاي البكاء اخجل براي 😂😂😂 الكلام الحنين دا لي زمن منو وفاقد حنان اصلا وامونه قاطعه معاي رسمي انا اشيل واصبح و امسي و سلم و هي ولا شغاله بي المصيبه ما هنا المصيبه ان امي قالت لي امونه جو معها زملانها حلات الدنيا عليهم 😳😳😳😳😳 كيف يعني زملان كمان

و طلعت اجيب لي رصيد و الشارع كلو اتكلم انا تسفهيني كمان عرفتي ليك زملان انا وانا وانا والله ماشي في الشارع اردح زي الخدم،،، جبت الرصيد و رجعت البيت اتصلت على ماردت تاني ماردت اتصلت على امي قلت لي اديني الزفت امونه دي سريع

امي ياولدي في شنو جابت لي زفت ما بديك لي في شنو

يا امي بتصل ما بترد على