Gugma Ko Kanimo

Unang Panid: Karya In-grata

Kining unang panid nga akong gisulat, kinasing-kasing ko kining ipahinungod sa bag-o nakong higala nga kon diin munolupyo sa Cebu City, numingyu Hinaot nga ma-uyunan nimo kini, sis. Hehe

Ma.Karya Bonifacia In-grata

Sayo pa kaayo sa kabuntagon nga midalikyat ko ug bangon gikan sa akong gihigdaan sa dihang nadungog nako ang siyaget sa akong gwapa nga inahan sa gawas.

Unsa naman pod kahay nahitabo sa gawas? Kabalong gibati pa ko ug duka.

Galagot man tuod ko apan gipugngan lang nako ang akong kaugalingon. Makaulit kaayo kining lami pa kaayo ikatulog apan adunay mga samokan diring balaya.

"Manang, nagmata na ka?" dungog kaayo sa patchada nakong dunggan ang tingog sa among kinamanghuran nga igsoon.

Giingnan na baya na nga ate ang itawag sa akoa apan misunod gyud sila sa mga kinaraan sa mga katigulangan. Mura man usab ko ani ug edaran, uy! Porbida ug ngano!

Gitubag nako siya ug pinasiyaget nga murag paminaw nako milapos ang akong tingog sa ikapito nga buntod.

"Sa imong huna-huna makatulog pa kaha ko ug tarong gumikan dihas kasikas ninyo sa gawas? Utok atimana!" maoy akong tubag sa among kinamanghuran nga si Julia.

Oo, Julia iyang angga pero dako diay kaayo tong Ma. Juliana Kandida, mao kana ang iyang matuod nga ngalan. Unsa gyud kahay nakaon sa akong inahang gwapa no nga kana man gyud ang gihatag nga ngalan sa akong manghud.

Wala  makatubag si Julia sa akong gisulti maong mitindog na lang ko ug giabrehan nako ang purtahan sa akong lawak. Wala na nako makit-i si Julia. Oh, mikalit lang man siya ug kawala. Tagulilong kining manghura, ay.

"Julia, unsa man ka? Giingnan nga ihatag ni nimo sa akoa, dili man ka kasabot!" tingog na usab sa akong isa ka igsoon ang akong nadungog. Kung wala ko masayop sa akong pangagpas, si Karyata man gayud to ba.

Karyata usab ang angga sa akong isa ka igsoon apan Ma. Karyata Paulina usab ang iyang matuod nga ngalan. Sos, unsa na lang pod kaha no kung magpaila usab ko sa akong halangdon nga ngalan nga nalabian ka puryaba, haha!

Unsa man gyud diay nang ilang giilugan?

Mihinay-hinay ko ug naog paingon sa kusina paghuman nako ug lamba sa purtahan sa akong lawak.

Matag- adlaw ko na kining gibuhat maong nasayod kong dili na gyud kini maguba.

Pag-abot nako sa kusina maoy akong naabtan si Karyata  ug Julia nga nanag-ilog sa sud-an sa sulod sa usa ka gamay nga yahong. Wala na si mama diri. Asa kaha kini miadto nga iya man tong tingog akong nadungog ganiha.

"Ambi lagi ni!" namugos gyud si Julia ngadto kang Karyata nga kon diin ganina pa gyud ni silang duha ba nga daw mamatay kung dili makatilaw ug lami nga sud-an.

"Ako man gud ang nakauna ani, Julia." migara pa gyud ni si Karyata nga gihurot nagbutang sa iyang plato ang sud-an nga malooy na lang ta, noodles pa gyud.

Midool ko nilang duha ug sa kalit lang nakong giilog ang yahong nga adunay sulod nga noodles. Paglantaw nako sa noodles, sos abi nakug unsa, pancit canton ra man diay.

"Manang?" gadungan pa gyud sila ug lantaw sa akoa nga daw nakakita ug abat.

Gisigaan nako sila sa akong mata ug gitaasan nakos akong kilay. Naglumba dayon sila ang pangduko.

Ay, nangaulaw man diay.

"Walay isa ninyong duha ang mokaon!" diretso nakong istorya nilang duha. Makaulaw kaayo sa silingan ang ilang kasaba tungod lang aning noodles.