sa unang pagkakataon
Sa unang taon ko sa kolehiyo
Tumibok tong pihikan kong puso
Hindi ko alam paano
Nagsimula o nagkaroon ako
Ng interés sa isang tulad mo
Nagsimula sa mga sulyap
Tinitingnan kita sa malayo
Nang mahuli kitang tinititigan mo din ako
Napayuko ako
Tumingin sa mga libro ko
Nagkukunwaring binabasa ito
Hindi ko matago yung kilig
Kay tamis ng mga ngiti mo
Pagumanhin,
Pero tila yelo ako
Natutunaw sa bawat titig mo
At unti unti Kong narinig
Ang mga yabag mo
Papalapit ng papalapit
Kinakabahan ba ako
O natataranta
O sadyang kinikilig lang talaga
Tinawag mo ang pangalan ko
At napatingin ako sa mga mata mo
Bigla mo akong binulungan
"May ballpen ka ba?"
