Sa tanan nga nagahandom nga magmayad ang anang buwas damlag sa mga sunod nga tinuig. Ang pag-eskwela indi gid pabay-an. Amu gid ran ginapanghambal kag ginabilin sa atong mga ginakanan and hindi natun dapat nga kalimtan. Hindi man tanan nga ginakanan may ikasarang nga paeskwelahon ang andang mga kabataan sa kapigaduhon kang andang mga pangabuhi. Pero mga kabataan, indi niyo man pag irason nga kay pigado kamu indi dun kamu magpadayun sa pag eskwela. Duro nga pamaagi kon gustuhon mo gid nga makatapos kaw sa imong pag eskwela.May mga tawo nga mabinatyagon nga mapaeskwela sa imo. Mabudlay, huod tuod ran kapin pa kung gaeskwela kaw sigi ubra. Nagatuon kaw kag gapanglaba. Gabasa kaw nag libro sigi imo pangurap kay kurapon man ang kingki. Masag-ob kaw pa sa bomba kang tubig. Nagatig-ang kaw kag garigos kon aga. Matuon kaw sige pangape para may isabat sa pamangkot kang maestra. Gasakit man mong mga kahig sa pagpanaw makalab-ot lang sa eskwelahan. Mamaligya kaw isda kon laswa para may balon. Hindi magpangluya amiga kag amego amu gid ran kon gusto mo nga nagnami pangabuhi mo. Pero tanan nga kabudlay may katapusan man rah kag sa oras nga makaptan mo dun ang imong diploma daw hindi indi na gid mag untat ang pag-ilig kang mga uran sa imong mata. Sobra kalipay kang imong nanay nga masuksok tana bestida kay maimaw tana sa imo sa pagsaka mo buol kang diploma. Ang imo tatay nga nag ihaw kang palangga na nga manok kay anang bata nakatapos. Nami gid sa pamatyagan nga nalab-ot mo ang imo handum kay gin-antos mo tanan nga kabudlay kag kasakit. Pero imo gid pirmi dumdumon nga kon sa diin kaw man makalambot abaw inday kag toto, indi gid pagkalimti kon diin kaw naghalin. Indi mo pagkalimtan nga indi mo tanan malab-ot kon sa Gino-o indi kaw nagpangyabot. Magpasalamat sa tanan nga nagbulig sa imo labi run gid sa Gino-o. Indi gid magminataas-ason kay ang kaaram walay pulos kung wala ikaw batasan. Ang imong kinaaram gamita sa ikamayad indi gid sa ikalain. Mag-uligid kaw anay sa ginikanan mo kag indi magdali sa paghigugma. Maabot gid ang tanan sa husto nga ti-on.
