الهاربه(مكتمله)

وجان تروح سراوي فصليه😞

سرى:-ساعدوني ياناس راح امووت

سيف:-من سمعت بأختي شردت من البيت وي واحد وانا الدنيا انظلمت بعيني معقوله اختي الي مربيها على ايدي تخون ثقتي امي ماتت واحنا صغار انا جنت اكبر منها وابوي يشتغل طول النهار ويجي باليل حته ينام مانشوفه بس باليل وانا الربيتها وتعبت عليها وتاليها تشرد وي واحد من اهل السلف تخبلت جن جنوني كلت الا احرك عيشت الي قشمر على اختي وخلاها تشرد وياه رحنا هدينا على بيتهم انا وابوي وزلم من عشيرتنا وشبعناهم طلق وراها رحت انا لبستانهم جنت ناوي احركه مثل ماحركو كلبي على اختي وحته بيتهم هم احركه بس شفت بنيه مصوبه بايدها ومدده بنص البستان واتصيح وتستغيث من ايدها انكسر خاطري عليها ورحتلها ركض

سيف:-خير خويه

سرى:-ساعدني الله يخليك راح اموت من ايدي

سيف:-كومي خويه كومي خل اخذج للمستشفى

سرى:-جنت راح افقد الوعي من الصياح اريد بس واحد يساعدني وفجاءة اجه عليه ولد ماكدرت اركز بوجهه واشوف ملامحه لان الدنيا ظلمه وماشفته بس صوته خشن ورجولي مبين علي جبير بالعمر خذاني للمستشفى

ام مثنى:-صخام بوجهك مثنى على هاي العمله صخام بوجهك

ابو مثنى:-ارتاحيتي هسه شفتي شسوه ابنج الشفيه

ام مثنى:-صخام بوجهي كله من جوه ايدي انا ماعرفت اربي زين

ابو مثنى:-لزوم ناخذ زلم ونروح للوادم نتفاهم وياهم

ام مثنى:-يارب خير يارب خير ومايصير بيها دم

سرى وين سرى
سرررى
سررررى
وينج يمه

ابو مثنى:-شبيج تصيحين

ام مثنى:-سرى ماهيه بالبيت

ابو مثنى:-شنووو وين راحت

ام مثنى:-ماعرف ماعرف

ابو مثنى:-تريد اتسويلنا مصيبه هاي الثانيه

ام مثنى:-الله يخليك ابو مثنى شوفها خاف عد بيت عمها ابو سعيد

ابو مثنى:-هسه اشوفها

مراد:-جنت كاعد بغرفتي اجهز ملابسي وفجاءة سمعت صوت طلق بس بعيد علينا ولمن سئلت عرفت هذوله نفسهم الي بتهم اليوم شردت ابن عمها ناهبله وحده من السلف وشارد وياها واهل البنيه هدو عليهم ودكوهم بالطلق هذوله الوادم اليوم المصايب هف عليهم الله يعينهم

ابو سعيد:-خير ان شاءلله شكو

ابو مثنى:-سرى يمكم

ابو سعيد:-لا مو يمنه

ام سعيد:-ابو مثنى سرى جانت يمي ومن صار الطلق طلعت كالت راح ارجع لبيتنه

ابو مثنى:-شنوووو سترك يارب راح ابو مثنى للبستان الخلفي يريد يروح لبيت عمها ابو انعام بلكت تطلع يمهم