الهاربه(مكتمله)

هرب

مريم:-يمه بس انا مامرتاحه اله وماريده كوه هيه

الام:-ولج الي بكدج هسه عدهن كوم جهال

مريم:-بس يمه انا بعدني صغيره

الام:-ولج ياصغيره انا من جنت بعمرج عندي سعيد

مريم:-يمه فدوه اروحلج ماريده ماريده

الام:-يمه انا عمري ماغصبتج على شي بس انتي تدرين ولد عمج حاطين عينهم عليج واذا اتقدمو وخطبوج متأكده ميه بالميه ابوج راح يوافق وهذوله يايمه طايحين حظ وماعدهم غيره واكو سوالف ماريد احجيها ف أحسن الج تاخذين فرج لئن خوش ولد وشاغول وماعنده سوابق مثل ولد عمج السفله

مريم:-يمه ليش تحجين هيج على ولد عمي  شمسوين

الام:-يمه ولد عمج سفله ومامترباين وماعدهم غيره سنه من السنين جان اكو ابنيه بقريتنا ابنيه بنت عالم وناس وحبابه دوم تجي هيه وامها تطلع ويانه للكاع نحش ونسولف ونضحك بوكتها انتي جان عمرج سنتين وولد عمج احمد حسين مثنى فاضل اعمارهم بين ال 18 وال 25 سنه والبنيه جان عمرها 17 سنه يعني بكدج هسه

مريم:-اي😮

الام:-بنات عمج جانن اكبر منج اعمارهن بين ال 5 وال 7 سنوات يحبن هاي البنيه ودوم يصيحنها حتى تلعب وياهن ابيتهم وام البنيه ماجانت تعارض لئن احنا خوش ناس وسمعتنا معروفه بالقريه وبهذاك اليوم الاسود وجان يوم شته والدنيا بارده راحت البنيه هنه وبنات عمج لبيتهم وجانو ولد عمج كلهم مجتمعين هناك عدهم عزيمه والناس مخبوصه وكوم يارجب وهوه جان اكبر ولد عمج عمره 25 سنه لمح البنيه وهيه طابه لبيتهم وعجبته حييل صاح اخته انعام وسئلها منو هاي كالتله هاي بنت جوارينه ومع كل هاذه ماراعه الجوره وكال للبنت امج تصيح واول ماطلعت من الغرفه حط ايده على حلكها وخذاها لغرفته وسوه الي سواه بالبنيه وخذه شرفها

مريم:-ياااااااا😧😧

الام:-اي يايمه هاذه الصار

مريم:-وبعدين يمه كملي

الام:-وبعدين من سواه السواه وخلص سمع شي وكع يم باب غرفته وطلع لكه احمد وحسين وفاضل واكفين وشافو من دخل البنت

رجب:-اسكتو ولا كلمه والله ابوي اذا دره يذبحني

فاضل:-قابل بس الك الونسه دخلينا نتونس وياك

رجب:-طيب فوتو فوتو

دخلو ولد عمج البقيه وكملو عمل رجب القذر والبنت ماكدرت تتحمل وماتت بين اديهم من وره وحشيتهم وفسادهم وراها من ماتت شالو جثتها يريدون ياخذوها للكاع ويدفنوها هناك بس ربج عادل وبهاي الاثناء لاكاهم عمج وابوج وهمه شايلين البنت الي كلها دم ويريدون يدفنوها بالكاع واعترفو بكلشي وعمامج وابوج طمطمو على السالفه وانطو لأهل البنت 50 مليون في سبيل يسكتون ومايفضحوهم بالقريه واهل البنت جانت عائله فقيره وعمرهم ماحلمو بهيج مبلغ خذو المبلغ وهمه طايرين من الفرح وشالو للمدينه ونسو هاي بنتهم وشرفهم بس الفلوس كلشي تسوي