صعدت للغرفه مكدرت انام بس اتكلب اخر شي فتت للحمام اسبح وازين بقيت لل2 كاعد عدلت لحيتي وتفرجت تلفزيون عفبه ليل شطولك لزمت الموبايل اكلب لكيت ابويه دازلي كومه رسايل هذا المسكين هم هملته رديت يابه موجود وتوضفت ليضل بالك بقيت اكلب بالفيس لحد ماغفيت بالف ياالله لاريد افكر بيها ولا بامي ولا رجلها ولاباي احد
مسره- كعدت اقره لل3 يله كملت باجر عطله كملت الفيزيا ونمت مرتاحه بالي يم عصام وينه ليش مغلق جهازه حيخبلني غفيت وكعدت الصبح عالمنبه غسلت وسويت اكل ورجعت لغرفتي حاجيت ماما وخلص الرصيد اوف ياالله فلوسي دتخلص عالرصيد كاعده عالمرجوحه وطلع الوالد المصون
- ها دتقرين
- ايي
- شبيج
- بابا عفيه اريد تلفون يصير بي فايبر لان رصيدي ديخلص وفلوسي تخلص عالرصيد
- المن تحاجين
- ماما
- وامج وين عدهم انترنت بابا هناك منطقه محافضات ماعدهم هالسوالف الستلايت ذاك اليوم طبلهم
-لا يابه غلطان خالي جايبلها وتحجي وي عصام منه بس صار سبوع كاطع نصيت راسي مااعرف وينه وحنتخبل عليه
- كم يوم يحتاج فلوس ويخابر درب البزازين عالكصاب
- بس ماما كاطعه المصروف عنهمن يوم الطلعت منا
- مممم زين امج شونها
- الحمد لله دتشتغل
-شتشتغل عكدت حاجبي
- بالصالون حفافه وتسوي كبب وشغلات مال اكل وتودي للمحلات
- ممم عاد امج اكلها يخبل جريت نفس ومتكدر بله فلوس
- اي بس جانت تجمع المصروف القليل التنطي الها تجمع منه وتدز لعصام وللبيت والي مو مثل هسه راتبك كله عالمصرف
- هسه شتردين اخذي الايباد
- صدك بابا صدك
-اي مااعرف شوفي يشتغل لو لا
- شكرا كمزت رحت عالجهاز التاج ميشتغل عفته منهاي الوالد تبرع بيه بقيت اقره عالمرجوحه صارت ب11كعدت ست الحسن وابويه لل11يله اكل وعده حبوب مال دهون لازم يبلعها بالقير هلكد كارهته كاعده بالهول اكلب بالجهاز عسى ولعل يشتغل ماكو نزل مصطفى امه جلبت بي يتريك شون انطي الجهاز يسوي ماعدي غيره باوعلي ودار وجهه شسوي عدك حاجه يم الجلب سمي حجي جليب وكفت كدامه
مصطفى- شبيج نترت بيها
مسره- بابا طاني الايباد مو الي يعني بس اريد احاجي امي بي
-واني شنو باوعت للجهاز وباوعتلها شتريدين
-مديشتغل باوعتله بتوسل
-تنهدت باوعتلها اخذته من ايده كلبته رفعت عيني هذا التاج مالته راح اخذه ساعتين واجيبه
-اي طلعت من جنطتي المعلكه 50ونطيته شكد متصير كللي عدي
-من اجي اكولج بقيت اباوعها بعتب واهز رجلي نصت راسها وفاتت للغرفه
هاك ماما اكل هذا ايباد عمك شجابه بيدك
- ااا مو عطلان وكلتلي اسوي
- دخلي تولي جيبه منو طاهيا ماما هاي حيه تربايه امها معليك منها شتكولك كلي تروح تسويلك مصيبه
- اي اي دجيبي بلكن تشوفني ساعدتها متسوي مشاكل
-لا ماما لاعبالك هاي عاديه هاي حاقده
-حقها امي حقها اخ ربي عوفيني بقهر كلبي
-لك ماما هاي تريد توكعك
-شتوكعني ليش اني واكف اني واكع تره واكع من السطح هم عفت الاكل وطلعت اختنكت روحي
خابرت ابويه حاجيته طب يس من غير ماحاجي اخذ الجهاز صلحه وبعدني احجي ويةابويه حجيتله ادق التفاصيل مثل قبل مبقيت شي مكتله انداريت وره مكملت المكالمه شفت العينتين ديكلب هالك
شكو
شو دتكلب.
مو داشوفه هاك عيني هذا شارب بطل مي
هه بالعافيه
هاك سويته هاي مالتها مو باوعتله بمكر
اي جريت نفس اني حرجع مالي خلك دوام اليوم
اي روح الله وياك العصر تجي
لا حجرها بنومه
شكو عليييك
يمعود اني من اختنك الزم السريع
ادري بيك ادري
رجعت للبيت طبيت صارت بوجهي دترمب تمن ومرك وامي كاعده لابسه النضارات ودتخطط ورجلها مموجود
شنو انتي دتركبين شعجب حتخلين سم بالاكل
-انتو ميفيظ بيكم سم لان بجسمكم اكو سم فتصير مناعه ابويه كللي سوي تمن ومركه باميه وحتى مياخذ الجهاز قبلت شسوي
-ممم هاج تصلح
- صدك شكرا ليش ماخذت الفلوس
-مصرفت عليه جان بيه مي ونشفه اخاجيها واباوع على شباك الهول خاف امي تنتبه
-انداريت اشوف وين دييباوع ها على امه ----تخاف منها
-شنو منين باوعتلها معاجبني ---لابابا..
-لعدشبيك تخاف لتشوفك
-تنهدت باوعت بعينها خاف تسويلج مشاكل
-هه خاف على امك
-ها زين لعد اني حصعد فوك انطمر
-باوعتله باوعلي نضره اخيره ومشه من
يمي
نجوى-مصطفى تعال
ها
تعال اكل ماما متريكت
عوداتغده باوعتلها لمسره ابتسمت ودرت وجهي
نجوى-وين الايباد
طيتهيا
ليش يابه تصلح
اي عوفي شتسوين بي عدج فون خليها تحاجي امها منه
دخلي تولي ايباد يسوه راسها مسرره
ها شكو
خابرتي امج
مو داسويلج اكل اكمل واخابر
لعد جيبي الجهاز من تردين تخابرين اخذي
ليش بله
هذا مالتي
لا مال بابا
جييبييي
ماا
يوم عوفي شبيج تخبلتي
معليك انت لتتدخل هاي سوتلي مشاكل من وراه الله اليعلم شكو براسها
يووووووم صحت بعلو صوتي عوفي تره اطلع مارجع بعد
وانت شعليك منها اني شكلت
عوفي كتلج رفعت حاجبي طلع رجلها جنه كعبول من يمشي
هاي شكو هالصياح
ماكو شي حبيبي ماكو شي
مسره- بقيت اتفرج عالمسرحيه بضحكه ساخره مرسومه على وجهي صافنه كلشي محجيت تخاف على ابنها مني وتخاف مني الا اشبعج مشاكل بيمن اندكيتي بساجده وبزرتها بسيطه اخذت الجهاز واني الحبابه العاقله المضلومه كملت طبخ وكعدت بالهول من لا جاره النت بالغرف ضعيف بس بالهول قوي كعدت احجي وي ماما ابويه ومرته كاعدين بالصاله ديرسمون مخطط بناء بقيت اباوعلهم نوبات اكول حقه راد وحده تفهمه نوبات اكول ضلم امي وضلمني اني وعصام تتناقش وياه ويرسمون معجب بذكاءها ححاجيت امي وبقيت اسولف وياها وجنان بصفها بعدني اغار عليها بس جنان فايدتها تعلمها امور النت والفيس كلشي صار عدها بي علم امي رغم ممكمله دراسه بس راسن تاخذ تتعلم بسع نزل مصطفى باوعلي
-شنو عدج نت
-اي نصيت راسي عالجهاز-
-شو ماكو
-اكعد هنا يجيك لان بالغرف ميوصل
-ممم باوعت عالصاله شفتهم كاعدين ديخططون ضحكم وسوالفهم حركت كلبي ابويه المسكين كضه حياته بس مشاكل خلي يجي يشوفها هسه توترت كمت اهز برجلي مسره-وصلتني رساله من رقم غريب على حساب ابويه
بابا اني مسجون ويردون كفاله 3000دولار واذا منطيت انسجن 8شهور اني عصام طمن امي عليه وكفت وكلبي وكف اريد احجي مااكدر بابا بابا صحت بعلو حسي بابا الحك
شكووو شصار
عصام بابا
شبي مات
اسم الله عليه بابا عصام بالسجن هاك اقره ترجف ايدي نطيته الجهاز مرته باوعت ويا ودارت وجهه وراحت تفر بيدها اباوع لابنها وكف عكد حاجبه يباوعلي بقلق مااعرف ابجي مااعرف ماريد اضعف كدام هاي الحوبه بس مو بيدي
اي شسويله يعني طبه طوب شو شمسوي
بابا عصام عاقل اكيد عليه اقساط
يطبه كوب خل يحمض بالسجن منيلي فلوس
ماعدك يعني رفعت حاجبي
اي ماعدي خلي خوالج يدفعون هاي تربايه امج مو دللته خل تاكلها
بابا هاي صدك حتعوفه
نجوى-حسين حبيبي تعال نكمل هندسه
بابا صدك حتعوفه بالسجن جريته من ايده
لج شبيج بابا سجونهم احسن من عيشه فقير عدنه لتخافين عليه
باباالله يخليك
نجوى-يله حسين
باوعتلها مدتشو فين ديخاجيني هجمت عليها الله لا يوفقج بواكه الرياجيل كمت اضرب بيها جرني ابويه من ايدي بعدني عنها رجعت هجمت فرفحت روحي جرني ابويه من كصيبتي تاذيت دفعه مصطفى وصاح بيه وخرررر انت اب انت انت اب خرب غيرته اليبقه يمج انتي ضالمه شون اني جنت عايش وياج ابويه شون حملج 25سنه شفت مسره ركضت للغرفه لبست بوتيني دااطلع جلبت امي بيه تتوسل وتبجي لتطلع يمه لتطلع رجلها صافن عليه ---انته مو يمك الحجي هاي ممتربايه
لا عمي متربايه بس اخوها مو بيدها بس الماعده احساس شتسويله
-اني وبنتي انت لتتدخل خليك معزز مكرن ببيت امك
-ماما حبيبي مو كتلك هاي حيه عوفها ابوها يربيها
-كعدت عالقنفه والله خفت اطلع لاةيسوولها شي جربت نفس وبعدها الشوطه بيه
حسين-نجوى صبي فرفحتني بت القندره
-اي حبيبي من عيوني
مصطفى-بقيت صافن عليه حياكل وابنه بالسجن والله سبع
