#ليس_ذنبي_انه_القدر (الفصلية)
بقلمي princess shosho شهد الراوي
القصة من الخيال
البارت الاول
اني لينا عمري حاليا30 سنة خلصت كلية الطب ودرست التخدير واخذت تخصص جراحة وحاليا اشتغل بمستشفى والكل يشهد بشطارتي بمهنتي رغم صغر سني ,مواصفاتي بيضة وعيون عسلي وكبار وجسمي رشيق وحلوة بشكل عام ,عائلتي متكونة من اخت اكبر مني متزوجة وعدها اطفال اثنين واخ عمر 14 سنة مراهق وبالثالث متوسط امي وابوي عايشين والحمدلله ماما ربت بيت وبابا استاذ جامعة ناطينا حريتنا بس اكيد بحدود حالتنا المادية ممتازة وبيتنا ملك ,,طبعا قبل 8سنين جنت احب شاب وهو كلش يحبني اسمه يوسف حبنا بدى من جنت بالسادس واستمر الى مرحلة ثانية وبعدها يوسف قرر يعرفني ع اهله بحكم راح اكون خطيبته وفعلا هذ الي صار ,,خليني اعرفكم ع عائلة يوسف امه وابوه عايشين وعنده اخ اسمه حمزة يوسف دخل كلية عسكرية لان كلش يحب هذا المجال وابوه ظابط بالجيش معروف واخوه كذلك والي هو اكبر من يوسف بسنتين اني ويوسف بنفس العمر ,,,نرجع ليوم الي غير حياتي وكنسلت ع الحب وقفلت ع قلبي ,, بعد ماخلصت محاظرات من الجامعة اجاني يوسف وكالي انو امه تحب تتعرف عليه بحكم راح تخطبني واني وافقت لان هم عائلة معروفة وحبنا صادق واهله يدرون وامي تعرف بكل شي ماظم عليها شي رحت ويا يوسف طبعا التقينا بمطعم رحبو بينا وكأنو يعرفوني من زمان بس ابد مارتاحيت لنظرات ابوه كعدنا تغدينا سوا وحجو وياي وجان يسألني ابوه عن عشريتني ومن هاي الاسئلة جاوبته وكتله من عشيرة فلان ,,وبقى يسال كانو ديستجوبني واني اجاوبه الى ان صاح يوسف وكله انتو تعرفون زين اني معارض على اي شي يخص مستقبلكم بس مستحيل يتم هذا الزواج او العلاقة اني فتحت حلكي جان يكولي بنتي انتي الف واحد يتمناج بس الشي الي يخليني ارفض انتي من غير مذهب وهذا الشي يستحيل اوافق عليه اعذريني ,,,اباوع ع يوسف راد يحجي سكتته امه واني من الفشلة الي صار موقليل كمت اخذت جنطتي ودموعي تنزل كلت ليوسف حسافة اكول عليك رجال ,,,وركضت
