#ليس_ذنبي_انه_القدر (الفصلية)
البارت العاشر
لينا ,الحمدلله الله عوضني بحمزة وصدك دا احس ويا بالامان الي فقدته وديساعدني اثبت برائتي ماعرف شلون اجازي مرت ايام على وجودي بيت حمزة وحمزة ماقصر وياي بديت انجذب اله ولشخصيته ولشهامته اهله ابد مالتقيتهم خلال هاي الايام لان حمزة منبه علية ماطلع نهائيا من غرفتي بعد ماجاب الي الموبايل خابرت ع دكتور وياي وهو صاحبي والى كلمته وطلبت منه التسجيلات السرية لان كلش ضرورية بقضيتي رفض وكال من المستحيل اتوسلت بي وقبل وكال راح احاول مااوعدج كتله مشكور وحمزة جان عند شك بالدكتورة لمى لان هواية سأل عليها واكد بسؤاله
حمزة مرت الايام واني اتابع قضيت موت يوسف واني شاكك بالدكتورة لمى لان عرفت ابوها ظابط وجانت عنده عداوة ويا والدي وهو متوفي ع اثر خبر استلام والدي المنصب بعده فشكيت هواية بيها وانتظر تسجيلات بلكت الكه الي اريده علاقتي ويا لينا كلش حلوة والبنية ماشفت منها الا كل خير وابد ماتعاند وولاتناقش الي اكوله تكول حاظر الصراحة كلش معجب بيها ودا احاول اتقرب منها بس يوسف يوكف بعيني وماريد اغلط لان اذا بانت الحقيقة وطلعت بريئة اكيد راح تعوفني كعدت الصبح ع صوت والدي رحت بسرعة ديصيحني ويصيح ع لينا كلت لينا البسي وانزلي وراية نزلت ونزلت وراية لينا جان يكول ياحيف عليك ولك مو رجال انت تريد تفضحني بين العالم كتله ليش يابه كالي انت تعرف ليش واذا اليوم ماتم الامر بينك وبين الفصلية راح اتبرى منك وماسامحك ابد اباوع ع لينا تبجي كتله يابه انت شلون رضيتها اخذ الي جان يحبها يوسف كالي لاتناقشني الي عندي كتله الك وخلص ولاتحاول تلعب علية وطلع غمزت لينا يعني اطلعي فوك وطلعت وراها لكيتها كاعدة ع السرير وتبجي كتلها خلص لينا لاتبجين ماسوي شي الابرضاتج صدكيني كالت وابوك مستحيل اخلي ابوك يغضب عليك بسببي اخذ الي تريده اصلا اني مابقى شي عندي ضجت من كلامها شنو اخذ الي تريده كتلها يابنت الناس ماتدنى الج الا برضاتج وخلي ابوي يتبرى مايهمني كالتلي خلص حمزة الي يريده ابوك سوي باوعت عليها رفعت حنجها بايدي وتقربت الها كتلها لينا انتي بعدج تحبين يوسف كالت يوسف حبيته واله مكانه بكلبي بس من تزوجتك مستحيل افكر بغيرك حتى لو حلم لان هاي مو من اخلاقي وانت رجال شهم والف وحدة تتمناك كتلها واذا كتلج اني احبج وصرت متعلق بيج هواية ودا احاول بكل الطرق اثبت برائتج حتى اريح ضميري واشوف ضحكتج صفنت وتقربت الها وبست راسها كتلها خلص لينا انسي الي صار انتي زوجتي وشتريدين اني حاضر دمعت عيونها وحظنتني وصدك ذاك اليوم صارت زوجتي رسميا وكلش فرحت سبحان الخالقها بكلشي هادئة ومطيعة وجانت كلش متفهمة ,,مرت ايام واني دا اتعلق بلينا واخاف لابيوم تعوفني كمت اخاف تبين الحقيقة وكلبي ينقبض ,,لينا بعد الي صار كلش تعلقت بحمزة وفعلا هو رجال بمعنى الكلمة يحسسني بحبه وبحترامه واتوقع باب كلبي الي سديته من زمان انفتح لحمزة من اشوفه احس روحي فرحانة لان هو الوحيد الي وكف وياي وساعدني وصبر وياي
