#ليس_ذنبي_انه_القدر(الفصليه)
البارت الخامس
بقلمي princess shosho
,,اندارت علية وتشكرتني وكالتلي صدكني مو مذنبه اني والله اني جنت احبه والى حد الان هو بكلبي مستحيل اكدر أأذي وبعدين هاي مهنتي شلون اتلاعب بيها كتلها خلص اذا بريئة مراح تنظلمين واني موجود راح احاول اثبت الحقيقة تنهدت وكالت ان شاء الله ورجعت كالت سيدي ممكن اروح للحمام اغسل كلت الها اوك امشي وراي كمت واجت وراية اباوع عليها بل كوة تمشي من التعذيب رادت توكع لزمتها وسندتها كتلها خلص ارتاحي هنا راح ادز ع البنية تساعدج كعدتها ع الكرسي ورحت صحت للبنية وفهمتها تساعدها ونبهتم مايحققون وياها اي شي الا بعلمي رحت لمكتبي التهيت بالشغل وصار الليل اجت بالي البنية ماعرف ليش مصدقها شفت بعينها حب صادق ومكسورة ع موت يوسف رحت للغرفة طبيت لكيتها نايمة بالكاع ولامة نفسها انقهرت عليها صحت عليها فزت وكامت بسرعة كتلها ليش نايمة بدون فراش ليش ماصحت يجيبولج كالت الي موحاجة سيدي مرتاحة هيج كتلها اوك كتلها لينا مافكرتي مراح تعترفين بالي سويتي صدكيني اساعدج بس اعترفي كالتلي مستحيل ااعترف بذنب ممسويته سيدي ابوس ايدك ولزمت ايدي خلصني وانقذني والله بريئه ليش محد يصدقني اسال علية بالمستشفى واسال عني بكل مكان والله حتى النملة ماينطيني كلبي أكتلها مو عاد بشر وفوكاها حبيبي حرام والله حرام اضيع بسبب الحقد الي بكلب اهله ارجوك ساعدني كتلها خلص لينا صدكيني اني اريد اساعدج عندج شي يثبت انو مو انتي خليتي كميت البنج دنجت وكالت لا اني الي حطيته واني الي خدرته بس ماعرف شنو صار والله جانت الكمية قليلة بس الخلل ماعرف وين صدكني سيدي وهي تبجي كمت صحت ع الحارس كتله جيب فراش وغطى للدكتورة واني رايح بس رجائا فكري بكلامي واعترفي دنجت وكالت سيدي دا اكولك مو اني تريدوني اعترف ع ذنب مو ذنبي ماتحملت منظرها طلعت طبيعة شغلي هواية اشوف متهمين بس اول مرة اتاثر لان حالته تقهر وفوكاها اخوية المقتول ماعرف شنو اتصرف طلعت ورحت لمكتبي وخابرني الوالد
