#ليس_ذنبي_انه_القدر (الفصلية)
بقلمي princess shosho
البارت الثالث
كعدت بالكاع كمت ابجي هاي مو اول مرة يموت مريض عندي لا بس القدر خله حبيبي من سنين تنتهي حياته ع ايدي فقدت وكممت ابجي اعلنا ساعة الوفاة وطلعنا صار لازم احد ينطي خبر لاهله طلعت وشفت ابوه واخوه وامه شافوني انصدمو كال ابوه انتي شتسوين وياهم بالعملية كتله اسف عمو ابنك نطاك عمره البقية بحياتكم واني ابجي امه كامت تصيح وابوه هجم علية كالي انتي الي قتلتيه قاتله التمت العالم علينا والدكاترة يحاولون يفكوني منه بس مافاد الى ان اجا ابنه وسحبه كاله يابه كافي خسرنا يوسف وهذا مو و قتك كاله انت معليك اخذ امك وروح وابني ماطلع اذا ماسوي اله تشريح واعرف سبب الموت انتي جذابة انتي قاتلة انتقمتي من عدنا والله. لا اسود عيشتكم طبعا هو ضابط جبير واله كلمته وكلشي يسوي طببوني الدكاترة للداخل وجنت ميتة من البجي ويهدون بية الى ان طب رئيس الاطباء وكال دكتورة لينا راح يشرحون جثة يوسف خلص احنا نعرفج شنو ونعرف اخلاصج لمهنتج لاتخافين بقيت ابجي ماهمني الي صار كله بس موت يوسف وتحت ايدي وفكرة انو اني جنت اكدر بأي طريق انقذه بس هذا قدره مو بيدي مستحيل اني احاول انهي حياته ,,,طبعا ابوه شتكى علية وقررو بعد مايطلع التقرير الشرعي يبدون بالقضية اني ,,بها الاثناء خابرت اهلي وفهمتهم الوضع وامي تخبلت كتلها لليل ويطلع التقرير تعالو يمي لان كلش خايفة واهله مراح يتركوني بحاله ,,,مرت الساعات واني بحالة رعب ويأس وانتظر التقرير بابا وباب جم علية وبقو يواسون والاطباء كلهاوقفت وياي ومانطو بية ابد اجا الليل وجا وكت التقرير وابوه موجود بالمستشفى واخوه نطو التقرير الهم واني حظرت والصدمة جانت التقرير بي جرعة زيادة بالبنج وتسببت سرعة وفاته اني سمعت هيج تخبلت وابوه هجم علية واابنه يهدي بي واني ابجي واصيح ولكم شلون اكتل حبيبي ولكم عاهدت نفسي ماتزوج بعده ولكم اني مأدية القسم مستحيل اني بأيدي اشرفت ع البنج ونطيته اقل من اللازم لان اعرف جسمه مراح يتحمل بهالاثناء الاطباء كلها متفاجئة والشرطة انكلبت المستشفى وابوه يهدد وكال الا اخليج تتمنين الموت ,اني ابجي وامي تبجي وابوي خابر ع اهله وعشيرته لان السالفة كلش كبرت وهذا ناوي ع الشر ونطى امر لابنه انو انحبس ويدفن اخوه ويرجع يستلم قضيتي وكاله ماشي بس هدي انت لايصيبك مكروه
