#ليس_ذنبي_انه_القدر (الفصلية)
بقلمي princess shosho
البارت الثاني ,,,,بعد الي,صار وياي والاهانة الي جبتها لنفسي ولعائلتي انهاريت كلش وحسيت روحي مذلولة وخصوصا يوسف ماحاول يدافع عن حبنا وكاني اني بنت شوارع وبسهولة استغنى عني ومن ذيج الفترة قررت ما ازوج ابد وراح اكمل جامعتي واهب نفسي لمهنتي ,,,, كملت جامعتي وجنت دائما من المتميزين والاوائل وهذا اهلني ادخل قسم الجراحة واكون مبدعة بي بعد ماخذت شهادتي وتعينت دكتورة صرت بفترة قليلة مشهورة وفتحت عيادة خاصة بية وجنت مخصصة يوم مجاني للفقراء هواية ناس جانو يحبوني وبدون مامدح نفسي ,,, طبعا اني خلال هاي السنين الي مرت علية هواية شباب يتقدمولي واني ارفض وابد مافكرت. افتح قلبي بعد الي سوا بية يوسف , واليوم كالعادة اكعد الصبح اروح للمستشفى بدلت وطلعت ووصلت المستشفى لكيت ازدحام فضيع وجايبين جرحى هواية ومخطرين من الجيش بسرعة طبيت نادوني للعمليات شفت اهالي الجرحى والمستشفى ماالنا مكان الواحد يطب طبيت بسرعة لغرفة العمليات جان 2 جرحى كلش مخطرين طببنا الاول وكملنا عمليته وطلعوه لغير غرفة والمصاب الثاني الفريق الثاني تولو امره والحمدلله طلع سلامات ,,وعالجنا المصابين الباقين واثناء المعالجة سمعنا صوت صياح والدكاترة كلها التمت جايبين مصاب ابن ضابط جبير ومخطر كلش ناداني الدكتور وكالي انتي شاطرة بشغلج اريدج تتولين عمليته وجانت وياي دكتورة ثاني جانت توكف وياي تساعدني بس كلش اضوج منه وشفتها كبل لاطبيت تجري اتصال ومعرف مرتبكة صيحت عليها وكلت الها حسابج بعدين حياة المرضى اهم من اتصالاتج طبيت لغرفة العمليات وشفت الولد وياريت ماعرفت منو ولا شفت هذا اليوم الي جان بالنسبة الي بمثابة صدمة ,,شفت حبيبي القديم الي تخلى عني بأول موقف وماحاول يدافع عن حبنا ولايعتذر مني بحالة ماتسر عدو اتخبلت صحت لادكتور كتله مستحيل اجري هاي العملية مو حقد عليه لا بالعكس كلب وجعني وخفت لايصير بي شي هذا الي جنت احبه وقفلت كلبي من بعده شلون اتحمل اسوي عملية كمت ابجي كال الدكتورة لينا رجائا انتي املنا الوحيد لان الاطباء مشغولين وانتي هذه مهمتج خلي ثقتج بالله وكملي شغلج فعلا توكلت ع الله ورحت ماخليت احد يسوي البنج لان حالته لازم البنج يكون مظبوط واي غلط يروح من ايدنا حظرت ابره البنج بأيدي وخليتها ع الميز وباقي المرضين والدكتورة يتابعون وضعه صحت للدكتورة لمى الي ذكرتها سابقا انطيني ابرة البنج بسرعة نطتني اياها وضربته وبديت دا اشتغل شفت نبض ديقل كلش خفت واندعي ربي يسهل امري ماكو دقايق بالعملية وانتهت حيات يوسف وكلبى صفر اتخبلت انجنيت هو اصلا جان حالته خطرة من جابوه
