وصلو للحوش
رولا: تعبااااانه بنرقد تصبحو ع خير
حمزه: مش تو قلتي عندك واجب ولا تطبيق ولا شن كيف ترقدي وتخليه
رولا" بربكه: نسيت ماعنديش
حمزه: كذابه
رولا" بزعل: خااالي مانكذبش
حمزه: هههه قولي مانبي نرقد ف حوش خالتي مش تكذبي كبرتي راك
رولا" بغيض: تصبح ع خير
حمزه: هههه اصبري اصبري
رولا: شن
حمزه" مدلها كيس: هاك
رولا" شداته باستغراب: هذا شن
حمزه: افتحي وشوفي
رولا" فتحت كيس الهداية لقت فيه عطر وساعه شمت العطر : واااي حمزه خالي يجنن صحيت
حمزه: عجبك
رولا: اي والساعه تجنن " شافت لساعه"
حمزه: هدم مش مني راه
رولا" باستغراب: من مني؟؟
حمزه: من رياض
رولا" فز قلبها وبدا يدق بقوة: رياض
حمزه: اي رياض جابهملك هدية
رولا: اا
حمزه: مافيش حتى بارك لله فيه
رولا: بارك لله فيه تصبح ع خير
حمزه: هييي اصبري
رولا: اوف شن تبي بنرقد
حمزه" ضربها ع راسها: معش تقولي اف لخالك
رولا" شدت راسها: اي خااالي حاره
حمزه: هههه معش تقولي اف ولا الضربه الجاية ع وجهك
رولا" كتفت ايديها: شن تبي بنرررقد
حمزه: نسيت ف السيارة لاب توب جيبيه
رولا" رفعت حاجبها: تبيني انا ف الليل نطلع ونجيب لاب تبك
حمزه: هههه لا لاب تبك انت
رولا"بصدمه: شننن؟ ليا انا
حمزه: اي مش قابضه ع لابتوب خلاص هوينا ف السيارة جيبيه
رولا: كذاب
حمزه" ضربها ع راسها بغيض: خاااالك يازفته
رولا" شدت راسها: معش تضربني بعدين انت قلتلي لين تطلعي من الثانوي علاش تو شريته
حمزه: هههه مش انا شريته
رولا: من خالي احمد
حمزه: هههه لا خالك رياض
رولا" بصدمه: رياااض
حمزه: اي رياض اضربي هي لابتوب من برى واخر اصدار تاني
أنت تقرأ
أوتـــ🎼ــار المحـبة
Romanceرواية واقعية بعض من احداثها خيالية ضفتها للاثارة واستخدام موهبتي الكتابية ليس كل ما اكتبه حقيقه حدثت وانما هناك احداث اضيفك لرواية لاغراض معينه واهمها ابعاد الانظار عن الابطال وعدم معرفتهم من قبل اقاربهم ❤ اتمنى ان تنال اعجابكم💓
