أوتـــ🎼ــار المحـبة
رولا" دخلت لدارها واتكت ع السرير وبدت تبكي : علاااااااش يارياااااض علااااااااااااش هكا ادير فيا علااااااااش
....
....
اشواق" مقعمزه برى وشاده كتابها وسرحانه تفكر : انا علاش عصبت عليك يمكن ماقصده شي صح انا نعرفه وهو مايعرفنيش ...هيي يا المجنونه شن تبيه يعرفك انت تقربتي منه باش تنتقمي منه مش باش تتعرفي عليه ويتعرف عليك.. اوووف ولله حاله خير دعوتي كلما نقعمز بروحي نذكره الخفااش "رفعت راسها وشافت بسام خاش مبتسم استغربت منه ف العاده ديما معصب : ربي يهدي
بسام" شافلها وماعبرها مايبيش ينكد ع روحه خش للحوش"
اشواق" وقفت وخشت كبت ف صابرين يلي طالعه : هييي وين عيونك
صابرين" بعصبيه: انت يلي وين عيونك "دفتها ومشت"
اشواق" عصصصصبت: تو يباااانلك
صابرين" مشت لحوش جدها وقعمزت مع جدتها وجدها "
الجد: وين يابنتي ماتقوليش حتى خير ياجدودي كيف حالكم
صابرين: لاهية ف القراية ياجدي
الجد: هاهي رولا لاهية ف القراية وتخدم فينا وتجيب ف ممتاز
صابرين" عصبت كلهم رولا ورولا ورولا خلاص معش طايقه اسمها .. خشت رولا وصابرين طول وقفت"
الجدة: تي قعمزي خيرك كيف فرحنا جيتينا
صابرين: بنمشي ان
السلام عليكم
صابرين" قلبها بدا يدق بقووووة "
الكل: وعليك السلام
ماجد " تجاهل يشوف لصابرين ومشى سلم ع جدته وجده ورولا ومد ايده لصابرين"
صابرين" سلمت عليه وهي سرحانه نست انها شاده ف ايده لين هو بعدها بقوة انصدمت من تصرفه "
الجد: قعمز ياولدي
ماجد" قعمز: كيف حال خوالي اكل
الجده: بخير الحمد لله
صابرين "قعدت واقفه وتشوفله وتحس قلبها يوجعها .. مايحبها وااضح دايما متجاهلها ماعمره عبرها ولا حتى شافلها بنضره مميزه .. بس هداك اليوم كان غيير .. معقول كان مش بوعيه ولا علاش دار هداك التصرف "
الجد: هييي صابرين
صابرين" شافت لجدها "
الجد: خيرك واقفه
صابرين " شافتله لقاته يشوفلها وع طول لف عنها حست بالم ف قلبها : بسلامه "مشت طلعت"
ماجد" ااااه منك ياصابرين مالقيتي الا انا تحبيه الا يلي يحب اختك كيف الراي تو كيييف المشكله هما بنات خااالي لو غراب عني كان اسهل وكنت نعرف نتصرف بس للاسف مانقدر نجرحها ولا نجرح مشاعري اتجاه اختها .. انتبه لجده يكلمه بدا يهدرز معاه يحاول يلهي نفسه ومايفكر"
أنت تقرأ
أوتـــ🎼ــار المحـبة
Romansaرواية واقعية بعض من احداثها خيالية ضفتها للاثارة واستخدام موهبتي الكتابية ليس كل ما اكتبه حقيقه حدثت وانما هناك احداث اضيفك لرواية لاغراض معينه واهمها ابعاد الانظار عن الابطال وعدم معرفتهم من قبل اقاربهم ❤ اتمنى ان تنال اعجابكم💓
