بعد اسابيع
حددو عرس الخال حمزه ف عطله نصف السنه والكل فرحو بهذا الخبر
فاتوا الامتحانات مابين قراية وخوف وارتباك ورهبه من الجمييع وجت العطله
البنات مشوا للخاله امينه ام رياض يغيرو جو
حلا" بفرح: ولله فرررحت لان عرس خالي الاسبوع الجاي
اشواق: عاد هذا حموزه اخر العنقود اكيد بيكون احلى عرررس والكل بنفرحو بيه
رولا" بفرح: ولله فرحاااااانه لان عرس حمزه خالي قرب
اشواق: حنون خيرك ساكته ولا مش فرحانه بالعرس
حلا: هذه تفرح! كم مرة قلتلكم ماعندها مشاااعر مشاعرها متبلده
رولا: جد حنونه مش فرحانه لخالي
حنين: واذا جا عرس شن يعني
صبا : فعلا انت غريييبه
حلا: مالغريب غير الشيطان قلتلكم
حنين: حلا خليك ف حالك
صبا: مافكرتو شن بتلبسو ف عرس عمي
اشواق: انا دبشي كله قدييم
حلا: وانا ماعندي شي حلو للعرس
صبا: حتى نا
رولا: وانا عندي لبسه يوم الاربعاء بس ماعندي يوم الخميس
اشواق: وانت ي حنين عندك لبسه ولا بتلبسي عباية ف العرس وتقولي عادي
حنين" طنشت وماتكلمتش"
اشواق: لا حووول لله حتى نبي نعصبها ماتعصبش
حلا: خليكم منها شن رايكم نمشو للمحل يلي جنبنا مرا تبيع
اشواق: وهذا علاش جيناكم
حلا: صار مش حب فينا تبو تشرو
اشواق: ههههه هكا وهكا
رياض: السلام
الكل : وعليك السلام
رولا" تحس بثوثر من وجوده ليها فترة طويله ماشافاته "
رياض: كيف حالكم
اشواق: الحمد لله وانت شن امورك
رياض: تمام بخير "لف لرولا لقاها تشوفله ابتسم: شن امورك رولا
رولا" بربكه: تمام
رياض: حلا وين امي
حلا: تسقي ف الشجر برى
رياض: ديريلي طاسه شاهي "طلع"
حلا: شن رايكم نقولو لرياض يرفعنا للمحلات خير من المرا يلي تبيه ماعندهاش دبش حلو
اشواق: زعمك يقبل
حلا" وقفت: نجرب مانخسر شي "طلعت"
رولا: لا شن رياض يرفعنا
أنت تقرأ
أوتـــ🎼ــار المحـبة
Romanceرواية واقعية بعض من احداثها خيالية ضفتها للاثارة واستخدام موهبتي الكتابية ليس كل ما اكتبه حقيقه حدثت وانما هناك احداث اضيفك لرواية لاغراض معينه واهمها ابعاد الانظار عن الابطال وعدم معرفتهم من قبل اقاربهم ❤ اتمنى ان تنال اعجابكم💓
