Seducing Athena (Filipino) (ON-HOLD)

Kabanata 2- Cinderella

One week ago...(After the flashback)

ATHENA'S POV

Nang dahil sa matinding pagkainis ko ay hinablot ko ang isang kapares ng aking tsinelas at itinapon ito sa baba ng hagdan, sabay padabog na bumalik sa aking kwarto.

Wala man lang may gumising sa akin...Nakakainis lang talaga!

Maya-maya't pa'y may kumatok na sa aking pintuan.

"Athena anak, bumaba ka na at kumain na. Ikaw nalang ang hinihintay nila."

Nang marinig ko ang boses ni yaya Isabel sa likod ng pintuan ay bigla nalang nawala ang aking pagkayamot. There's just something about her that always soothes me up instantly. Para ko na rin kasi siyang nanay, given na namatay ang sarili kong mama nung isilang niya ako.

Wait, sabi niya ako nalang ang hinihintay nila...So ang ibig sabihin ba nito ay andito...siya?

Kahit magulo ang aking buhok ay hindi na ako nag-aksaya pang tumingin sa salamin. Nabasa ko kasi sa isang pocketbook na kung mahal ka talaga ng isang tao, tatanggapin ka niya kahit ano pa ang itsura mo.

At dahil si Kuya Chad ang aking Prince Charming ay hindi na ako magpapaganda pa. Okay na rin siguro itong bestida kong kulay pula kahit na nagmukha akong true to life na Annabelle doll, chubby and cute version nga lang. Sabi ni papa maganda daw ako, so no need nang magpaganda.

Binuksan ko ang pintuan at bumungad sa akin ang nag-aalalang mukha ni yaya.

"Ikaw talagang bata ka, kanina pa ako katok ng katok sa pintuan mo, pero napasarap yata ang tulog mo." pagmamaktol nito.

"Talaga yaya? Hindi ko po namalayan eh." Totoo talagang hindi ko namalayan ang pagkatok niya kanina. Napasarap nga talaga siguro ang aking tulog dahil napuyat ako kagabi sa kakapanood ng Cinderella.

Mga ika-69 beses ko nang napanood iyon pero hindi ko alam kung bakit hindi makuha sa isip ko si Cinderella. Ang ganda-ganda kasi nito... at saka napakagwapo din ng kanyang Prince Charming. Yung tipong hinanap talaga siya ng prinsipe gamit lang ang kanyang sapatos para pakasalan siya..

Kaya laking inis ko nang hindi man lang kinuha ni Kuya Chad ang aking tsinelas.

Siguro...marami pang twists na mangyayari sa aming love story but eventually, he will marry me when I grow up. He should, you know. Dahil ang gwapo ay para sa maganda lamang, at ako iyong maganda. Bonus pa na cute ako.

"Pasensya na ho, yaya. Nanood kasi ako ng---"

"Cinderella na naman?" Hindi na nito ako pinatapos dahil alam na niya ang karugtong nito. Hinayaan ko nalang siya saka lumapit ako sa kanya at pabulong na nagtanong,

"Nandoon ba sa baba ang bagong gelpren ni papa saka iyong...kuya ko?"

"Oo, at kanina ka pa nila hinihintay." Dali-dali nitong sagot na labis na nagpakilig sa akin. Nanginginig ang aking mga ngipin at kamay sa antisipasyon habang pababa kami ng hagdan. Pabalik-balik kasi sa aking isipan ang nakakatunaw na ngiti ni kuya noong unang sandali na nagtama ang aming mga mata.

Nang marating na namin ang komedor ay parang kinuryente ang buong katawan ko nang makita ko ang aking prinsipe na maganang kumakain kasama ang mommy niya at ang daddy ko sa rectangular dining table.

"Oh, nariyan na pala ang aking mailap na dalaga." nakangiting sabi ni papa. Nakaupo ito sa may ulo ng mesa, ang stepmother ko naman ay nakapwesto sa kaliwang side, habang si kuya gwapo ay sa opposide side.